Insinyur

Insinyur iku wong kang makarya ing babagan tèknik, utawa wong -wong kang migunakaké kawruh èlmiah kanggo ngrampungaké masalah praktis nganggo tèknologi.

Ing Indonésia, biyèn istilah iki kanggo sesebutan tumrap siji sarjana ketèknikan (ora mung ing babagan tèknik waé nanging uga kalebu ing babagan tetanèn lan sapanunggalané). Nanging sawisé muncul sesebutan ST (Sarjana Tèknik), istilah iki dipigunakaké tumrap sarjana ketèknikan kang kagabung sajeroning PII (Persatuan Insinyur Indonésia).

Insinyur bisa makarya ing babagan désain lan pengembangan, pengujian, prosès prodhuksi, utawa pangopènan. Insinyur kang nyambut gawé ing pabrik, duwé peran ngawasi prosès prodhuksi, nemtokaké penyebab karusakan piranti, lan nguji prodhuk kanggo njaga kualitas. Saliyané iku, insinyur uga ngitung wektu lan béya kang dibutuhaké kanggo ngrampungaké sawiji proyèk. Sajeroning babagan dodolan, wong kang duwé latar mburi insinyur bisa duwé tugas mbantu perencanaan, instalasi, lan panggunaan prodhuk.

• Sarjana

• Situs resmi Persatuan Insinyur Indonésia Archived 2023-09-03 at the Wayback Machine.