Kyaraben

Kyaraben utawi charaben (キャラ弁, Kyaraben utawi charaben^?) inggih punika bénto ingkang isinipun dhaharan ingkang dipunsusun kados mekaten kados déné karakter wonten ing anime lan manga, selebritas utawi tokoh sanesipun.^[1]. Ibu-ibu wonten ing Jepang punika asring ngisi kalodhangan kanggé ndamel dedhaharan kanggé kulawarganipun ^[2] kalebet bénto.

Kyaraben punika asalipun saking tembung (キャラクター, kyarakuta^?) ingkang ateges karakter lan (弁当, bento^?).

Budaya paring rerenggan/ hiasan wonten ing bénto punika kawiwitan kanthi praktik umum kanggé nambahaken dhaharan ingkang anama "Sosis Tuan Gurita" ((たこさんウィンナー, Tako-san winna^?) ingkang wujud sosis ingkang dipunsigar wonten ing bageyan ngandhap supados mirip kaliyan gurita. Nanging dhaharan punika limrahipun boten gadhah praupan (rai) satemah boten gampil dipunmangertosi minangka karakter. Bento ingkang ngginakaken wujud praupan sapisan punika wonten ing buku "Kodomo no Kawai O-bento" (こどものかわいいおべんとう, ateges: "Bento lare-lare ingkang imut") ingkang dipunterbitaken déning kelompok ingkang dados panaliti masakan, Furutani Masae, nalika wulan Mèi taun 1997. Perancang dhaharan ingkang asmanipun Yukiko Bureneku ingkang manggèn wonten ing Amèrika Sarékat lajeng nerbitaken buku "Kyarakuta-ippai no O-bento" (キャラクターいっぱいのおべんとう, ateges: "Bento ingkang kebak kaliyan Karakter") nalika wulan Maret 2003.

Wiwitanipun bento ingkang dipunparingi hiasan punika gadhah ancas supados damel laré-laré punika remen dhumateng dhaharan lan ugi saged nambah pakulinan dhahar ingkang langkung wiyar. Ing samenika budaya kyaraben punika sampun nglampahi évolusi ngantos wonten kontès nasional ingkang dipunwontenaken ing Jepang.^[3]

• Kyaraben punika pérangan ingkang paling utama wonten ing film cekak taun 2011 kanthi irah-irahan Bento Monogatari ingkang dipunsutradarani déning Pieter Dirkx saking Bèlgi.

• Ekiben
• Bento
• Makunouchi

Wikimedia Commons duwé médhia ngenani Kyaraben.

• Face Food: The Visual Creativity of Charaben (and Other Food)