Kwashiorkor
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Kwashiorkor utawa asring diarani busung lapar ya iku lelara kang dijalari ana gangguan gizi ing awak amarga zat protéin ing awak kurang.[1] Lelara iki lumrahé dialami déning bocah cilik ing tlatah tropis lan kaanan kang garing kang ditandhani karo edema, gagal tumbuh, depigmentasi, hiperkeratosis, lan rambut kang malih dadi abang.[1] Aran liya saka lelara kwashiorkor ya iku obwosi (Uganda), Diboba m'buaki (Kongo), Culebrilla (Mèksiko), Pellagroide beriberico (Kuba).[2]
Tandha-tandha
[besut | besut sumber]Tandha kang kas saka lelara kwashiorkor ya iku kabèh pérangan awak aboh (edema) saéngga awak dadi katon lemu banget, praupané mbunder lan sembeb, otot dadi cilik, lengené cilik, nafsu mangan kurang, rambuté tipis lan malih dadi abang kaya rambut jagung, gampang dijabut tanpa krasa lara, lan uga asring kena infèksi.[3] Wong kang kwashiorkor uga asring ngalami anémia lan diaré.[3] Sing paling ketara ya iku wetengé dadi gedhé banget lan kekebalan awak mudhun.[3]
Sabab
[besut | besut sumber]Ana sawatara sabab kang njalari awak bisa kaserang lelara kwashiorkor.[4] Kurang protèin dadi jalaran mligi, protèin kang ana gegayutané karo tenaga lan gizi insufisiensi mikro bisa nuwuhaké kwashiorkor.[4] Sabanjuré, gangguan mau nalika ana dèfisit asem folat, zat besi, selenium, yodium, utawa vitamin C.[4] Yèn bocah kurang salah siji nutrisi utawa antioksidan mau bisa kena infèksi utawa keracunan, dhèwèké gampang banget kena lelara kwashiorkor.[4]
Sabab utama liyané ya iku infèksi, parasit, utawa lelara kang ngalang-alangi awak nyerep protèin kanthi gampang.[4] Kwashiorkor padatan nyerang bocah kang urip ing tlatah garing, kurang pangan, lan tlatah tilas bencana.[4]
Dièt vegan uga dingertèni njalari lelara kwashiorkor.[4] Ora anané pendhidhikan babagan gizi lan pangrumatan ing rumah sakit kang ora apik lan kurang intènsif uga bisa nggawé lelara iki tambah parah.[4] Sabab liyané ya iku keracunan Aflatoksin, yèn mangan panganan kang wis jamuren bakal keracunan.[4] Aflatoksin kang diuculaké jamur bisa ngrusak ati.[4] Serum protéin, mligi albumin kang dikasilaké ati bisa nggawé ati rusak lan pungkasané dadi lelara kwashiorkor.[4]
Cara Nyegah Kwashiorkor
[besut | besut sumber]Ana sawatara cara kanggo nyegah tuwuhe lelara kwashiorkor, antarané ya iku:
- Menehi ASI eksklusif nganti anak umur 6 sasi. Sawisé iku, anak wiwit diwanuhaké panganan tambahan kanggo pendhamping ASI kang banjur disapih nalika umuré wis 2 taun.[5]
- Anak diwènèhi panganan kang manéka werana, seimbang antarané kandhutan protèin, lemak, mineral, lan vitamin. Perbandhingan komposisine ya iku lemak 10% saka kabèh kalori kang dibutuhake, déné protéin 12 % lan sisané karbohidrat.[5]
- Rajin nimbang lan ngukur dhuwuré anak kanthi mèlu program, Posyandu.[5]
- Yèn gizi anak kurang, énggal diwènèhi kalori kang dhuwur kanthi wujud karbohidrat, protéin, lemak, lan gula.[5]
- Anak diwènèhi suplemèn mineral lan vitamin wigati liyané.[5]
Pranala njaba
[besut | besut sumber]Cathetan suku
[besut | besut sumber]- ↑ a b Kwashiorkor Archived 2011-12-16 at the Wayback Machine.(diundhuh 11 Oktober 2012)
- ↑ Kwashiorkor Archived 2011-12-16 at the Wayback Machine.(diundhuh 21 Oktober 2012)
- ↑ a b c Busung Lapar(diundhuh 21 Oktober 2012)
- ↑ a b c d e f g h i j k Penyebab kwashiorkor(diundhuh 22 Oktober 2012)
- ↑ a b c d e Gizi Buruk(diundhuh 13 November 2012)