Karl Lagerfeld
Karl Otto Lagerfeld[1] (lair ing tanggal 10 September 1933 - 19 February 2019) ya iku sawiji fèsyen desainer saka Jérman, seniman, lan juru potrèt makarya ing kutha Paris. Dhèwèké iku desainer utama lan dirèktur krèatifé omah fèsyen Chanel uga omah fèsyen saka Itali Fendi lan dhèwèké dhuwé lèbel fèsyené dhéwé. Uwis puluhan taun, dhèwèké uwis makarya ing sawenèh jinis babagan ing fèsyen lan proyèk-proyèk seni liyané. Dhèwèké iku uwis misuwur ing donya iki amarga ciri khasé ya iku rambuté sing putih kabèh, kacamata ireng, lan kerah klambi sing dhuwur lan kaku.[2]
Awal uripé
[besut | besut sumber]Lagerfeld iku lair tanggal 10 September 1933[1] ing kutha Hamburg, Germany lan anaké tukang dagang sing kasil ya iku Otto Lagerfeld (1881–1967), lan ibuné ya iku Elisabeth Bahlmann (1897–1978). Bapaké dhuwèni kumpeni sing ngimpor lan mroduksi susu kenthel, nalika simbah kakungé Karl Bahlmann iku pulitisi lokal kanggo Catholic Centre Party (Partè Katolik Pusat).[1] Kulawargané ngibadah ing Old Catholic Church. Nalika ibuné ketemu bapaké, ibuné iku tukang dagang lingerie saka kutha Berlin. Banjur rabi ing taun 1930.[3]
Lagerfeld iku kawentar amarga ngapusi uwong bab taun lairé, ngakuné luwih enom saka umur asliné, lan kadang ngapusi bab wong tuwané. Contoné, dhèwèké tau ngaku manawa dhèwèké iku lair ing taun 1938 saka rahim "Elisabeth of Germany" lan Otto Ludwig Lagerfeldt sing asliné saka Swèdhen,[4] sanajan omongan-omongan kuwi mau uwis dicethakaké manawa iku blas ora bener, amarga bapaké iku saka Hamburg lan uripé mung ana ing Jérman, ara ana gaètané karo Swèdhen blas.[1][3] Banjur, ora ana bukti manawa ibuné Elisabeth Bahlmann, anaké pulitisi lokal biyasa, ngarani awaké dhéwé "Elisabeth of Germany" / "Elisabeth saka Jerman".[3] Dhèwèké iku kawentar amarga ngèyèl manawa ora ana sing mudheng tanggal lair asliné. Ing sawiji wawancara disiaraké ing télévisi Prancis ing sasi Fèbruari 2009, Lagerfeld ngomong manawa dhèwèké ora lair ing " 1933 utawa 1938."[5]
Rujukan
[besut | besut sumber]- ↑ a b c d Der große Karl wird doch schon 80, Die Welt
- ↑ The ways in which Lagerfeld has carefully crafted his iconic image is explored in the 2007 documentary, Lagerfeld Confidential
- ↑ a b c Otto Lagerfeld, in Neue Deutsche Biographie
- ↑ Colapinto, John (19 March 2007).
- ↑ Interview on On n'est pas couché, France2, 21 February 2009