Kali Angke

Kali Angké (Hanzi: 紅溪河) utawi Cikeumeuh inggih punika salah satunggaling nama lèpèn ingkang wonten ing Indonesia. Nama Kali Angké kaparingaken nalika prastawa pembantaian ètnis Tionghoa tigang dinten kaliyan VOC wonten ing tanggal 9 oktober 1740. Angké punika sajatosipun kapundhut saking dialèk Hokkian, ingkang tegesipun Kali Merah. Saged dipunwastani kasebat, amarga nalika pembantaian punika kathah saking ètnis Tionghoa ingkang pejah, lan getihipun mili dhateng kali angke ngantos warni toya-nipun dados abrit. Pramila sabibaripun prastawa punika namanipun lèpèn dados Kali Angké.^[1] Lepen punika hulunipun wonten ing Kalurahan Menteng, Bogor Barat, kaliyan Jawa Barat. Salajengipun toya lepen punika tumuju Tangerang Selatan, Kutha Tangerang kaliyan Jakarta Barat wonten ing tlatah Muara Angke. Lèpèn punika boten naté garing nalika ungsum katiga, punika amarga berhulu langsung dhateng tlatah pagunungan wonten ing laladan Bogor, sami kaliyan Kali Pasanggrahan kaliyan Ciliwung. Vègetasi ingkang tumbuh wonten ing pinggiran lèpèn punika antawisipun rengas (Gluta renghas), pandan kapur (Pandanus tectorius), bambu tali (Bambusa vulgaris), putat (Planchonia valida), pulai (Alstonia scholaris), kecapi (Sandoricum koetjape), waru (Hibiscus tiliaceus) lan sanès-sanèsipun.^[1]