George Boole
| George Boole | |
|---|---|
 Boole, u. 1860 | |
| Lair | 2 Novèmber 1815 Lincoln, Lincolnshire, Inggris |
| Pati | 8 Dhésèmber 1864 (umur 49) Ballintemple, Cork, Irlan |
| Bangsa | Inggris |
| Wiyata | Bainbridge's Commercial Academy[1] |
| Bojo | Mary Everest Boole |
| Kala | Filsafat abad ka-19 |
| Tlatah | Filsafat Kulonan |
| Aliran | Logika aljabar Inggris[2] |
| Bebadan | Lincoln Mechanics' Institute[3] Queen's College, Cork |
Karsa pokok | Matematika, logika, filsafat matematika |
Gantha misuwur | Aljabar Boolean |
George Boole ya iku sawijining ahli matematika, filsuf, lan logika saka Inggris kang lair tanggal 2 Novèmber 1815 lan tilar donya tanggal 8 Dhésèmber 1864. Ing taun 1849-1864, dhèwèké nyambut gawé dadi sawijining Profèsor ing Queen's College, Cork ing Irlan. Pagawéyané akèh kang gegayutan karo differential equations lan logika aljabar. Saliyané iku Boole uga kondhang minangka panulis The Laws of Thought (1854) kang isiné mratèlakaké bab Aljabar Boolean. Logika Boolean diakoni minangka bebaku saka jaman informasi. [4][5]
Kauripan wiwitan
[besut | besut sumber]Boole lair ing Lincoln, Lincolnshire, Inggris, anak saka John Boole (1779–1848), sawijining tukang gawé sepatu,[6] lan Mary Ann Joyce.[7] Dhèwèké sekolah SD nganti SMP, uga nampa ajaran saka bapaké, nanging amarga bisnis bapaké mrosot, dhèwèké ora bisa éntuk pandhidhikan formal lan akademik kang suwi.[8]
Logika
[besut | besut sumber]Lumantar logika aljabar, Boole nemokaké logika simbulis modhèren. Boole ndadèkaké logika dadi sawijining matematik kang nganggo simbul-simbul idhéografis. Dhèwèké nuli nyusun sawijining sistem penalaran kang ngowahi katrangan-katrangan kang ana dadi sawijining persamaan. Kanthi persamaan iki dhèwèké bisa njupuk dudutan.
Logika kang dikembangaké déning Boole iki nyinaoni bab asas-asas penalaran kang bener lan migunakaké simbul-simbul tartamtu. Yèn dibandhingaké karo logika tradhisionalé Aristotèles, logika modhèren kang dikembangaké Boole iki luwih lumrah utawa umum. Logika iki uga logika kang nyinaoni wujud-wujudé pernyataan, dudu nyinaoni isiné pernyataan. Dadi logika modhèren iki sejatiné uga logika formal kang nganggo simbul-simbul matematik, mula logika iki uga dikenal minangka logika matematik.[5]
Karya
[besut | besut sumber]Karyané Boole kang kawentar ya iku An Investigation of the Laws of Thought, on Which Are Founded the Mathematical Theories of Logic and Probabilities kang dibabar taun 1854. Saliyané iku, The Mathematical Analysis of Logic: Being an Essay Towards a Calculus of Deductive Reasoning kang ngamot bab logika aljabar, uga minangka sawijining karyané kang wigati.[5]
Pati
[besut | besut sumber]Ing pungkasané Novèmber 1864, Boole lagi lumaku nalikané udan deres, saka omahé ing Lichfield Cottage ing Ballintemple[9] menyang pawiyatan luhur kang adohe udakara 4,8 kilomèter. Nalika kuwi, klambi kang dinggo dhèwèké dadi klebus.[10] Amarga kuwi dhèwèké banjur lara, lan nandang pneumonia. Kaanané Boole dadi luwih parah lang ing tanggal 8 Dhésèmber 1864,[11] dhéwèké tilar donya amarga demam uga anané éfusi plèura. Dhèwèké dikubur ing pakuburan Gréja Irlan Santo Michael, Church Road, Blackrock (sawijining suburb ing Cork).[12]
Rujukan
[besut | besut sumber]- ↑ John J. O'Connor lan Edmund F. Robertson. George Boole ing MacTutor archive.
- ↑ Ivor Grattan-Guinness (ed.), Companion Encyclopedia of the History and Philosophy of the Mathematical Sciences, Routledge, 2002, ch. 5.1.
- ↑ "Society for the History of Astronomy, Lincolnshire". Dibukak ing 2 Sèptèmber 2019.
- ↑ Boole, George (2012). Studies in Logic and Probability. New York: Dover Publication. kc. 273. ISBN 978-0-486-48826-4.
- ↑ a b c Asdi, Endang Daruni; Aksa, A. Husnan (1982). Filsuf-filsuf Dunia dalam Gambar. Yogyakarta: Karya Kencana. kc. 40–41.
- ↑ "John Boole". Lincoln Boole Foundation. Diarsip saka sing asli ing 8 Maret 2016. Dibukak ing 6 Novèmber 2015.
- ↑ Chisholm, Hugh, èd. (1911). . Encyclopædia Britannica (ing basa Inggris) (édhisi ka-11). Cambridge University Press.
- ↑ C., Bruno, Leonard (2003) [1999]. Math and mathematicians : the history of math discoveries around the world. Baker, Lawrence W. Detroit, Mich.: U X L. kc. 49. ISBN 0787638137. OCLC 41497065.
- ↑ "Dublin City Quick Search: Buildings of Ireland: National Inventory of Architectural Heritage".
- ↑ Barker, Tommy (13 Juni 2015). "Have a look inside the home of UCC maths professor George Boole". Irish Examiner. Dibukak ing 6 Novèmber 2015.
- ↑ "George Boole". Encyclopædia Britannica. Encyclopædia Britannica, inc. 30 Januari 2017. Dibukak ing 7 Dhésèmber 2017.
- ↑ "Death-His Life-- George Boole 200".