Arané tali
Arané tali sajeroning basa Jawa iku antarané:
- Amben: Tali weteng jaran
- Baas : Tali saka siladan papah krambil
- Dhadhung: Tali kanggo nancang sapi
- Dhandan: Tali kanggo nggèrèt glondhongan kayu
- Elis: Tali kendhali
- Goci: Tali layangan
- Godhi: Tali gombal
- Jala jala: Tali kanggo mbendheng kelir
- Janget/Ulap ulap: Tali blebet garane pethèl
- Jejet: Tali plipitan
- Keluh: Tali ing irung sapi
- Klanthé: Tali caping
- Kelat : tali kanggo narik/ngrubuhake wit kang ditegor
- Koloran/Usus usus: Tali Kathok
- Lilit Uwi : tali kang digawé saka welat pring kang digubetaké ing siladan
- Pluntur: Tali ing gayor kanggo nggantung gong/nyangga gamelan
- Rut : Tali cindhak (1–2 m) kanggo naleni gawan ing pit
- Sandhat : tali kanggo naleni pethi jenazah nalika digawa menyang kuburan
- Salang: Tali pikulan
- Sawed: Tali pasangan sapi
- Sendheng: Tali gendhéwa/langkap
- Seling : Tali saka wesi (kabel/kawat)
- Setagèn/Sabuk/Setut: Tali weteng wong
- Suh: Tali sapu
- Tutus: Tali saka irat iratan pring/penjalin
- Tampar : Tali ukuran cilik lan dawa, kanggo larikan nalika tandur utawa ngundha layangan
- Ulur: Tali kanggo ngulukake layangan
- Upat upat: Tali pecut
- Uwed: Tali kanggo ngubengake gangsingan