Amitriptilin

Jeneng sistematis (IUPAC)
	3-(10,11-dihydro-5H-dibenzo[a,d]cycloheptene-5-ylidene)-N,N-dimethylpropan-1-amine
Data klinis
Jeneng dagang	Elavil, others
AHFS/Drugs.com	Monograph
MedlinePlus	a682388
Data lisènsi	US Daily Med:link
Kat. kehamilan	C(AU) C(US)
Status hukum	Prescription Only (S4) (AU) ℞-only (CA) POM (UK) ℞-only (US)
Rute	By mouth, intramuscular injection
Pharmacokinetic data
Bioavailabilitas	30–60%
Roncèn protèin	96%
Métabolisme	Liver (CYP2D6, CYP2C19)
Wektu paro	10–50 hours
Èkskrèsi	Urine
Pangenal
Nomor CAS	50-48-6 ; 549-18-8 (hydrochloride); 17086-03-2 (embonate)
Kode ATC	N06AA09
PubChem	CID 2160
Ligan IUPHAR	200
DrugBank	DB00321
ChemSpider	2075Cithakan:Chemspidercite
UNII	1806D8D52KCithakan:Fdacite
KEGG	D07448 [kegg]
ChEBI	CHEBI:2666
ChEMBL	CHEMBL629
Sinonim	Amitryptyline; Amytriptyline; Amitryptiline; Amitriptiline; MK-230; N-750; Ro 4-1575
Data kimia
Formula	C20H23N
Massa mol.	277.403 g/mol
	InChI InChI=1S/C20H23N/c1-21(2)15-7-12-20-18-10-5-3-8-16(18)13-14-17-9-4-6-11-19(17)20/h3-6,8-12H,7,13-15H2,1-2H3 ; Key:KRMDCWKBEZIMAB-UHFFFAOYSA-N ;
Data fisik
Titik lebur	188 °C (370 °F)

Amitriptilin ya iku obat antidhéprésan sing dipigunakaké kanggo ngatasi dhéprési énthèng nganti abot. Obat iki mbiyantu ngenthéngaké rasa sumelang sakéngga panandhang bisa luwih mayar lèrén. Amitriptilin kang kalebu golongan antidhéprésan trisiklik makarya kanthi cara njaga kaseimbangan kadhar serotonin lan norepinephrine ing sistem saraf pusat.^[1] Pawèhan amitriptilin marang pawongan sing ora nemahi dhéprési ora ndayani apa-apa ing swasana atiné ananging bisa nyebabaké rasa ngantuk. Jeneng dagang obat iki ya iku Amitriptilina HCl, Trilin, lan Amitriptyline.

Mèkanisme makarya

Amitriptilin minangka sanyawa obat sing asipat antikolinergik (ndayani sistem saraf) lan sedatif. Sakwisé dicerna, sanyawa saka obat banjur dimetabolisme dadi nortriptyline kang bisa ngalangi reuptake norepinefrin dlan serotonin pramila kadadéan kaluwihan serotonin lan norepinefrin ing utek. Ganggunan ing reuptake serotonin lan norepinefrin iki dipitayani minangka salah sawijining sebab utama dumadiné dhéprési. Sakèngga kabisan amitriptilin ngehambat prosès iki bisa mbiyantu ngenthèngaké pratandha dhéprési kanthi ndandani swasana ati.^[2]

Indhikasi

Amitriptilin bisa ngréwangi mundhakaké mood lan pangrasa bungah, nyuda rasa sumelang lan rasa tegang, mbiyantu panandhang insomnia amrih bisa turu luwih angler, lan mbiyantu panandhang luwih duwé énergi. Piguna liya saka obat iki ya kuwi kanggo nambani nyeri saraf, (kaya ta neuropati perifer, postherpetic neuralgia), ganggunan mangan (bulimia), perkara kajiwanan utawa ganggunan swasana ati liya (kaya ta rasa kuwatir) lan kanggo menggak lara sirah migrain.^[3]

Dhosis

Amitriptilin duwé sedhiyanan tablèt kanthi kadhar 10 mg, 25 mg, 50 mg, 75 mg, 100 mg dan 150 mg. Masiyo mengkono, sedhiyanan sing ana ing Indonesia amung sing 25 mg (Trilin, Amitriptyline HCL lan Amitriptyline) lan 50 mg (Amitriptyline). Panandhang kanthi lelara dhéprési diwènèhi amitriptilin dhosis wiwitan 25–50 mg sepisan sedina. Dina sabanjuré bisa diwènèhi 25 mg saben 5-7 dina. Ing dhéprési abot, dhosis bisa diundhakaké nganti 300 mg saben dina.^[4] Nalika mènèhi dhosis uga bisa kapara-para dadi pirang-pirang dhosis.

Interaksi obat

Pawongan sing ngonsumsi amitriptilin bebarengan karo obat liya bisa nuwuhaké interaksi obat kaya déné:

Bisa mundakaké risiko sindrom serotonin sing duwé akibat ningkataké pakaryan sèl saraf lan mbebayani nyawa menawa dikonsumsi bareng linezolid, fentanyl, lithium, tramadol, utawa antidépresan liyané.
Munggahaké kadhar obat ing ili getih menawa dikonsumsi karo methylphenidate, cimetidine, antipsikotik, lan antagonis kalsium.
Nyuda kadhar obat ing ili getih menawa dikonsumsi karo barbiturat, rifampicin, lan antikonvulsan.
Duwé resiko ngurangi èfèk obat clonidine menawa diombé bebarengan.
Munggahaké resiko artimia menawa dikonsumsi karo biat antiartimia (kaya amiodarone), antihistamin, terfenadine, hormon tiroid, lan cisapride.^[5]

Èfèk samping

Èfèk samping sajroning ngonsumsi amitriptilin kaya ta:

Lambé garing
Pasawangan burem
Pupil gedhé
Bidhuren
Dhegelen
Angèl nguyuh
Kringeten
Trémor
Ruam kulit
Hipomania
Pamudhunan nepsu sèksual
Bingung (wong tuwa)
Ganggunan solah bawa (bocah)^[6]

Ing kahanan kang fatal bisa nyebabaké:

Stroke nganti koma
Jantung dheg-dhegan
Impotènsi
Takikardi (denyut jantung mundhak)
Hipotensi (tekanan getih cendhèk)
Karusakan saraf tepi (néuropati pèrifer)
Ganggunan koordinasi otot (ataksia)^[7]

Kapustakan

↑ "Amitriptyline". Klik dokter. Dibukak ing 2020-06-12.
↑ "Amitriptilin: Manfaat, Dosis, & Efek Samping". Honestdocs. 2019-02-22. Dibukak ing 2020-06-14.
↑ Hapsari, Annisa (2020-05-11). "Amitriptyline". Hello Sehat. Dibukak ing 2020-06-13.
↑ Tarigan, Immanuel Natanael. "Indikasi Dan Dosis Amitriptyline". Alomedika. Dibukak ing 2020-06-12.
↑ "Amitriptyline". Alodokter. 2018-03-29. Dibukak ing 2020-06-13.
↑ "AMITRIPTILIN HIDROKLORIDA". Pusat Informasi Obat Nasional Badan Pengawas Obat dan Makanan. Diarsip saka sing asli ing 2020-06-13. Dibukak ing 2020-06-13.
↑ "Untuk Apa Obat Amitriptyline Itu?". Gue sehat. Dibukak ing 2020-06-14.

[1] "Amitriptyline". Klik dokter. Dibukak ing 2020-06-12.

[2] "Amitriptilin: Manfaat, Dosis, & Efek Samping". Honestdocs. 2019-02-22. Dibukak ing 2020-06-14.

[3] Hapsari, Annisa (2020-05-11). "Amitriptyline". Hello Sehat. Dibukak ing 2020-06-13.

[4] Tarigan, Immanuel Natanael. "Indikasi Dan Dosis Amitriptyline". Alomedika. Dibukak ing 2020-06-12.

[5] "Amitriptyline". Alodokter. 2018-03-29. Dibukak ing 2020-06-13.

[6] "AMITRIPTILIN HIDROKLORIDA". Pusat Informasi Obat Nasional Badan Pengawas Obat dan Makanan. Diarsip saka sing asli ing 2020-06-13. Dibukak ing 2020-06-13.

[7] "Untuk Apa Obat Amitriptyline Itu?". Gue sehat. Dibukak ing 2020-06-14.

[1]

[2]

[3]

[4]

[5]

[6]

[7]