Rammstein

Rammstein er þýsk þungarokkhljómsveit sem stofnuð var árið 1994 í Berlín. Í tónlist Rammstein gætir mikilla áhrifa frá raftónlist og iðnaðarrokki. Einnig eru áhrif frá slóvensku sveitinni Laibach. Rammstein er kennd við bylgju rokks í Þýskalandi og Austurríki sem kennd er við Neue Deutsche Härte, nýju þýsku hörkuna. Textar Rammstein eru nær eingöngu á þýsku en nokkrir eru á ensku.

Allir meðlimir hljómsveitarinnar koma frá fyrrverandi Austur-Þýskalandi, Austur-Berlín og Schwerin nánar tiltekið. Nafn sveitarinnar er dregið af bænum Ramstein í Suður-Þýskalandi þar sem mannskætt slys varð á flugsýningu árið 1988, lagið Rammstein er samið til minningar um þann atburð. Með því að bæta inn einu „m“ í viðbót í nafn bæjarins er hægt að þýða það sem „að berja í stein“ sem þykir viðeigandi miðað kraftmikla og áleitna tónlist sveitarinnar.

Riedel, Schneider og Kruspe-Bernstein stofnuðu Rammstein upphaflega en sá síðastnefndi hafði þá um skeið verið viðriðinn hljómsveitina Orgasm Death Gimmicks sem starfaði í Vestur-Berlín og gerði tónlist að amerískri fyrirmynd. Kruspe-Bernstein sagði um þetta: „Ég áttaði mig á því að það er mjög mikilvægt að búa til tónlist og láta hana passa við tungumálið þitt sem ég hafði ekki verið að gera áður. Ég kom aftur [til Þýskalands] og sagði: ‚Það er kominn tími til að búa til tónlist sem er ekta.‘ Ég stofnaði þá til verkefnisins sem kallast Rammstein, til þess að búa til alvöru þýska tónlist.“ Því næst höfðu þeir samband við Lindemann, þáverandi körfuvefara og trommuleikara í hljómsveit sem kallaði sig First Arsch og buðu honum stöðu sem söngvari í sveitinni sem hann og þáði. Þannig skipuð tók sveitin þátt í hljómsveitakeppni fyrir nýjar hljómsveitir og sigraði í henni. Þannig kviknaði áhugi Landers á sveitinni en hann þekkti alla meðlimi hennar fyrir og ákvað að ganga til liðs við hana. Síðasti meðlimurinn var „Flake“ Lorenz, hann hafði spilað með Landers í hljómsveitinni Feeling B, hann var í fyrstu tregur til að ganga til liðs við sveitina en lét þó sannfærast að lokum, ári síðar kom fyrsta platan út.

Þrátt fyrir að syngja langmest á þýsku þá nýtur hljómsveitin mikilla vinsælda víða utan Þýskalands og eftir útgáfu Reise, Reise árið 2004 varð hún vinsælasta þýskumælandi hljómsveit allra tíma.

Rammstein hélt tvenna tónleika á Íslandi, þá fyrstu 15. júní 2001 þar sem HAM hitaði upp fyrir þá og þá síðari 16. júní 2001 með Kanada en þeir tónleikar voru haldnir sökum þess að ekki fengu allir miða sem vildu á þá fyrri þó svo að fyrri tónleikarnir hafi verið markaðssettir undir því yfirskyni að ekki væri möguleiki á að haldnir yrðu aukatónleikar. Rammstein hélt einnig tónleika á Íslandi í maí 2016.

Rammstein ollu hneykslan þann 18. september 2009 þegar þeir settu myndband við lagið sitt "Pussy" á netið, en það þótti helst minna á atriði úr grófri klámmynd. Þar koma hljómsveitameðlimir fram alnaktir í samförum við kvenmenn, en þá er líkama Flake Lorenz einnig breytt í kvennmannslíkama. Einnig töldu þýsk yfirvöld að lagið hvatti til kynlífs án getnaðarvarna.

Næstu ár fór hljómsveitin á tónleikaferðalög og tónleika- og safnskífur komu út. Lindemann og Kruspe gáfu út sólóplötur. Árið 2019 gaf hljómsveitin út smáskífuna Deutschland og kom platan Rammstein út í maí það ár, 10 árum eftir síðustu breiðskífu.

• Richard Z. Kruspe-Bernstein – gítar
• Paul Landers – gítar
• Till Lindemann – söngur
• Oliver Riedel – bassi
• Christoph „Doom“ Schneider – trommur
• Christian „Flake“ Lorenz – hljómborð

• Herzeleid, 1995
• Sehnsucht, 1997
• Live aus Berlin, 1999
• Mutter, 2001
• Reise, Reise, 2004
• Rosenrot, 2005
• Liebe ist ür alle da, 2009
• Rammstein 2019
• Zeit (2022)

• Du riechst so gut (1995)
• Seemann (1996)
• Engel, Fan-Edition (1997)
• Engel (1997)
• Du hast (1997)
• Das Modell (1997)
• Du riechst so gut '98 (1998)
• Stripped (1998)
• Smáskífusafn (1998)
• Sonne (2001)
• Links 2 3 4 (2001)
• Ich will (2001)
• Mutter (2002)
• Feuer frei! (2002)
• Mein Teil (2004)
• Amerika (2004)
• Ohne Dich (2004)
• Keine Lust (2005)
• Benzin (2005)
• Rosenrot (2005)
• Mann Gegen Mann (2005)
• Pussy (2009)
• Ich tuh dir weh (2010)
• Haifisch (2010)
• Waidmanns Heil/Liebe ist für alle da (2011)
• Mein Land (2011)
• Mein Herz Brennt (2012)
• Deutschland (2019)
• Radio (2019)
• Zeit (2022)
• Zick Zack (2022)
• Angst (2022)
• Dicke Titten (2022)
• Adieu (2022)

• Du Riechst so Gut
• Seemann
• Rammstein
• Engel
• Du Hast
• Du Riechst so Gut '98
• Stripped
• Sonne
• Links 2-3-4
• Ich Will
• Mutter
• Feuer Frei!
• Mein Teil
• Amerika
• Ohne Dich
• Keine Lust
• Benzin
• Rosenrot
• Mann Gegen Mann
• Pussy
• Haifisch
• Mein Land
• Mein Herz brennt
• Deutchsland
• Zick Zack (2022)
• Angst (2022)
• Dicke Titten (2022)
• Adieu (2022)

• Live Aus Berlin (1999)
• Links 2 3 4 (2001)
• Lichtspielhaus (2003)
• Völkerball (2006)
• Videos 1995 - 2012 (2012)
• Rammstein in Amerika (2015)
• Rammstein: Paris (2017)

• Heimasíða hljómsveitarinnar

Wikimedia Commons er með margmiðlunarefni sem tengist Rammstein.