Spjall:Lokalausnin

Var þetta ekki einhvern tíma kallað "endanleg lausn gyðingavandamálsins" ? --Akigka 13:36, 24 október 2006 (UTC)

Þetta er ekki rétt: "Hugtakið var smíðað af Adolf Eichmann, háttsettum nasista sem sá um framkvæmd þjóðarmorðsins auk Hitlers."

Eichmann var tiltölulega lágt settur (hann hafði titilinn Obersturmbannführer eða "Lieutenant Colonel"). Sérstaklega miðað við Heinrich Himmler og Reinhard Heydrich (báðir höfðu stöðu SS-hershöfðingja), sem voru aðal arkitektar Helfararinnar, í samráði við Adolf Hitler. Þá heyrði Eichmann undir Heinrich Müller, yfirmann Gestapo. Goggunarröðin ("chain of command") var á þessa leið: Eichmann var yfirmaður undir-skrifstofu hjá SS sem sá um "Jewish Affairs." Sú undirskrifstofa heyrði undir Gestapo-skrifstofu Heinrich Müllers, var var hluti af RSHA (Reichssicherheitshauptamt), yfir-öryggisskrifstofu SS, sem var undir leiðsögn Reinhard Heydrich (seinna Ernst Kaltenbrunner). Heydrich heyrði síðan beint undir Heinrich Himmler, sem var Reichsführer-SS eða yfirmaður SS-sveitanna. Himmler heyrði síðan beint undir Hitler, sem var flokksforingi Nasistaflokksins, kanslari Þýskalands og þjóðarleiðtogi (Heimild: Hannah Arendt, 2006[1963], Eichmann in Jerusalem: A Report on the Banality of Evil. UK: Penguin Books).

Það var klárlega ekki Eichmann sem fann upp hugtakið: "Final Solution to the Jewish Question." Herman Göring skrifaði bréf til Heydrich þann 31. júlí árið 1941 þar sem hann bað hann um að finna "lokalausn við Gyðingavandamálinu." Ég er ekki alveg viss, en það er mögulegt að það hafi verið fyrsta skiptið þar sem hugtakið kemur fram í svörtu og hvítu. Það má skoða það nánar. --Tjörvi Schiöth, kl. 01:36, 31. október 2018