Shadi Bartsch

Shadi Bartsch (fædd 17. mars 1966) er Ann L. and Lawrence B. Buttenwieser-prófessor í fornfræði við Chicago-háskóla. Hún kenndi áður við Kaliforníuháskóla í Berkeley og Brown-háskóla, þar sem hún gegndi stöðu W. Duncan MacMillan II-prófessors í fornfræði 2008 – 2009.

Bartsch er dóttir hagfræðings sem starfaði fyrir Sameinuðu þjóðirnar og ólst upp í London, Genf, Teheran, Jakarta og á Fídjieyjum. Hún lauk B.A.-gráðu frá Princeton-háskóla árið 1987 and og bæði M.A. og Ph.D.-gráðu frá Kaliforníuháskóla í Berkeley árið 1992 í latínu og fornfræði.

Bartsch hefur einkum unnið með latneskar bókmenntir og rómverska menningu á tímum júlísk-kládísku ættarinnar, skáldsöguna til forna, rómverska stóuspeki og klassíska arfleifð. Hún hlaut Quantrell-verðlaunin fyrir framúrskarandi kennslu árið 2000 og verðlaun fyrir kennslu á framhaldsstigi við Chicago-háskóla árið 2006. Hún hlaut Guggenheim-styrk árið 2007. Hún var einnig fulltrúi í ritstjórn University of Chicago Press á árunum 2006 – 2008 og aðalritstjóri tímaritsins Classical Philology á árunum 2000 – 2004.

• Decoding the Ancient Novel: The Reader and the Role of Description in Heliodorus and Achilles Tatius. (1989)
• Actors in the Audience: Theatricality and Doublespeak from Nero to Hadrian. (1994)
• Ideology in Cold Blood: A Reading of Lucan’s Civil War. (1998)
• The Mirror of the Self: Sexuality, Self-Knowledge, and the Gaze in the Early Roman Empire (2006)

• Oxford Encyclopedia of Rhetoric. (ásamt Thomas Sloane, Heinrich Plett og Thomas Farrell, 2001)
• Erotikon: Essays on Eros, Ancient and Modern. (ásamt Thomas Bartscherer, 2005)
• Ekphrasis. (sérhefti Classical Philology, ásamt Jas Elsner, 2007)
• Seneca and the Self (ásamt David Wray, 2009)