Annie Besant
Annie Besant (1. október 1847 – 20. september 1933) var breskur sósíalisti, guðspekingur, baráttumaður fyrir kvenfrelsi, rithöfundur og fyrirlesari. Hún skrifaði bækur og var talsmaður breska guðspekifélagsins.
Árið 1877 var Annie og vinur hennar Charles Bradlaugh lögsótt en þau höfðu þá gefið út bók um takmörkun barneigna eftir Charles Knowlton. Dómsmálið og umtal kringum það gerði þau fræg og var Bradlaugh kosinn á þing árið 1880. Annie tók virkan þátt í verkalýðsbaráttu svo sem Bloody Sunday árið 1887 og verkfalli eldspýtnastúlkna árið 1888. Annie var ræðumaður fyrir bæði Fabian félagið og marxíska jafnaðarmenn.
Árið 1890 kynntist Annie Helenu Blavatsky og gekk í guðspekifélag sem Helena stýrði og helgaði sig eftir það andlegum málum. Hún varð talsmaður samtakanna og þekktur fyrirlesari. Hún fór til Indlands á vegum samtakanna og vann þar að því að koma upp skólum og stofnunum. Hún var frímúrari í frímúrarareglu þar sem bæði voru konur og karlar og stofnaði margar frímúraradeildir í ríkjum innan Breska Heimsveldisins. Hún tók virkan þátt í indverskum stjórnmálum og studdi heimastjórn þar. Hún var kjörin forseti indverska Þjóðarráðsflokksins árið 1917. Annie fluttist til Bandaríkjanna með kjörson sinn Jiddu Krishnamurti.
Fjölskylda Annie tilheyrði miðstétt og var af írskum uppruna. Faðir hennar dó þegar hún var fimm ára. Móðir hennar rak heimavist fyrir drengi við Harrow skólann og gat ekki séð um Annie. Annie var send í fóstur til vinkonu móður sinnar Ellen Marryat. Árið 1867 giftist hún prestinum Frank Besant. Þau eignuðust tvö börn. Þau skildu árið 1873.
Tenglar
[breyta | breyta frumkóða]
- Annie Besant,Jólablað félagsins Stjarnan í austri., 1. Tölublað (24.12.1915), Blaðsíða 12
- Annie Besant's Quest for Truth: Christianity, Secularism, and New Age Thought
- Annie Besant's Multifaceted Personality. A Biographical Sketch
- Thought power, its control and culture Cornell University Library Historical Monographs Collection.
- Annie Besant Biography at varanasi.org.in
- William Thomas Stead, “Character Sketch: October of Mrs. Annie Besant” 349-367 in Review of Reviews IV:22, October 1891. Geymt 27 ágúst 2018 í Wayback Machine