Sink

Kopar	Sink	Gallín
	Kadmín
Efnatákn Zn Sætistala 30 Efnaflokkur Hliðarmálmur Eðlismassi 7140,0 kg/m³ Harka 2,5 Atómmassi 65,409 g/mól Bræðslumark 692,68 K Suðumark 1180,0 K Efnisástand (við staðalaðstæður) Fast form Lotukerfið

Sink er frumefni með efnatáknið Zn og er númer 30 í lotukerfinu.

Sink er nokkuð hvarfgjarn málmur sem binst við súrefni og aðra málmleysingja og verkar á daufar sýrur með því að losa um vetni. Eina algenga oxunarstig sinks er +2.

Sink er fjórði algengasti málmurinn í notkun í dag, á eftir járni, áli og kopar í magni tonna framleiddum ár hvert.

• Sink er notað til að húða málma eins og stál til að vernda þá gegn tæringu.
• Sink er notað í málmblöndur eins og látún, nýsilfur, ritvélamálm, ýmsar tegundir lóðtins o.s.frv.
• Látún, á sama hátt, hefur mikla notkunarmöguleika sökum styrkleika og tæringarþols.
• Sink er notað í steypumót, þá sérstaklega í bílaiðnaði.
• Valsað sink er notað í hluta af umbúðum rafhlaðna.
• Sinkoxíð er notað sem hvítt litarefni í vatsnlitum og málningu, og einnig sem efnahvati í gúmmíiðnaði. Það er einnig selt sem lyfseðilslaust rakakrem til að bera á húð sem vörn við sól- og kuldabruna.
• Sinkklóríð er notað sem svitalyktareyðir og sem fúavarnarefni.
• Sinksúlfíð er notað í kaldaskins litarefni, til að búa til vísa í klukkur og aðra hluti sem að glóa í myrkri.
• Sink meþýl (Zn(CH₃)₂) er notað í fjölda lífrænna efnasmíða.
• Sink sterat er smurningsefni úr plasti.
• Smyrsl sem að gerð eru úr kalamíni, sem er blanda af Zn-(hýdroxíð-)karbónötum og sílikötum, eru notuð til að lækna húðútbrot.
• Sinkmálmur er í flestum fjölvítamín- og steinefnablöndum sem hægt er að kaupa í apótekum. Ásamt öðrum málmum er það talið af sumum hafa andoxunaráhrif sem eiga að vernda gegn öldrun húðar og vöðva. Í stærri skömmtum, tekið eitt og sér, er það talið flýta fyrir græðingu eftir áverka.
• Sink glúkonít glýsín er tekið í hálstöfluformi sem bót við kvefi.