Olimpiala Ludi en Rio de Janeiro, 2016
L'Olimpiala Ludi en Rio de Janeiro, 2016, od oficale la 31ma Olimpiala Ludi, esas internaciona plursporta konkurso qua eventis en 2016 en Rio de Janeiro, Brazilia. Lore unesmafoye Sud-Amerikana lando gastigis l'Olimpiala Ludi.
La Ludi komencis ye la 5ma di agosto e finis ye la 21ma di agosto 2016. Partoprenis 11,551 atleti[1] de 206 landi e teritorii, ed anke nedependanta esquado, kompozita da atleti qui esis refujinti de militi. Esis 306 eventi pri 28 sporti. Konkursi pri rugbio* por 7 ludisti e pri golfo inkluzesis unesmafoye en la Ludi.
Selekto dil urbo
redaktarLa kandidatesi dil urbi por gastigar la Ludi oficale prizentesis unesmafoye ye la 16ma di mayo 2007.[2] Sep urbi - Chicago, Rio de Janeiro, Doha, Tokyo, Baku, Madrid e Praha - prizentis lia kandidatesi ye septembro dil sama yaro, e de li quar urbi selektesis por konkursar: Chicago, Madrid, Rio de Janeiro e Tokyo.
La lasta votado eventis ye la 2ma di oktobro 2009 en København, Dania, ed IOK tandem anuncis Rio de Janeiro kom eventeyo di l'Olimpiala Ludi.
| Kandidata urbi por Olimpiala Ludi 2016 - rezulti: | ||||
| Urbo | Lando | 1ma votado | 2ma votado | 3ma votado |
| Rio de Janeiro | 26 | 46 | 66 | |
| Madrid | 28 | 29 | 32 | |
| Tokyo | 22 | 20 | — | |
| Chicago | 18 | — | — | |
Komence recevita entuziasmoze dal populo, la selekto di Rio de Janeiro por gastigar la Ludi gradope komencis recevar forta kritiki de multa Braziliani, sive pro la granda expensi bezonata por plubonigar la substrukturo dil urbo, sive pro desfidi pri misuzo di publika kolokajo por finar la labori justatempe, sive pro perdo di fido pri la politikistaro. En kelka loki eventis protesti dum la transporto di l'olimpiala flamo, e kelkafoye on probis extingar la flamo.
Rio de Janeiro subisis granda modifiki en lua urbala substrukturo pos lua selekteso kom eventeyo, quala l'inauguro di lua triesma lineo di metropoliteno*, la konstruktadi di l'Olimpiala vilajo por gastigar l'atleti, di la velodromo, di du nova stadii por teniso e por natado, e la restuaro di domajita spaci en lua centro, quala la placo Praça Mauá, qua recevis la nova Muzeo pri Arto di Rio de Janeiro (MAR), kayo por recevar navi kun pasajeri, nova spaci kovrata per arbori e herbi, e moderna tramveturo-lineo qua juntas ol al aeroportuo Santos Dumont. Tamen, la diminuteso di 80% de la poluto en la bayo di Guanabara (loko por la konkursi pri windsurf e pri diversa klasi di seglobateli) ne eventis,[3] e recevis severa kritiki dal sportisti e da lia sportala federuri.
Ultre Maracanã, futbal-stadii di plusa kin urbi gastigis la konkursi pri futbalo, sive por viri, sive por mulieri: Arena Amazônia en Manaus; Arena Corinthians en Sao Paulo; Mineirão en Belo Horizonte; stadio Mané Garrincha en Brasília; ed Arena Fonte Nova en Salvador. La partii di futbalo por mulieri komencis ye la 3ma di agosto e por viri ye la 4ma di agosto, ante l'inauguro-ceremonio. La stadio Engenhão en Rio de Janeiro, en la quartero Engenho de Dentro, adaptesis por recevar la konkursi pri atletismo.
La skandalo pri dopado en la Rusa esquado ante la Ludi
redaktarEn 2013 Rusa atletino Yulia Rusanova recevis 2-yara suspenseso de l'internaciona konkursi pro l'uzo di substanci interdiktita[4]. Ye la sequanta yaro, el ed elua spozulo Vitali Stepanov decidis revelar detali pri l'uzo di dopado* dal Rusa esquadi.
Ye la 9ma di novembro 2015, divulgesis 323-pagina inquesto pri l'uzo di drogi dal Rusian atleti.[4] La inquesto montris quale atleti, entrenisti, kelk arbitreri, kelka personi qui facis la testi pri uzo di drogi, e mem kelka membri di la Federuro Internaciona pri Atletismo - IAAF - rispektive uzis, furnisis, falsigis la kolekto di specimeni por testar l'uzo di drogi, falsigis la rezulti di testi ed/od omisis la pruvi pri l'uzo di drogi en diversa okazioni.[4] Segun l'inquesto, la Ministerio Rusa pri la Sporto "komandis, kontrolis e direktis" la falsigo di la rezulti pri l'exameni di urino de l'atleti.[5] Ye la 1ma di novembro 2015 l'ex-prezidanto de IAAF, Lamine Diack, arestesis e restas sub inquestado pro korupteso e pro pekunio-lavado.[6][7] Segun l'akuzi, Diack recevis 1,2 milion dolari de la Rusa Federuro pri Atletismo por celar pruvi pri dopado di adminime 6 atleti en la yaro 2011.[6]
Pro la skandalo, komence l'IAAF decidis interdiktar nur l'atletismo Rusiana de l'Olimpiala Ludi en Rio de Janeiro. Pose la puniso afektis omna Rusa esquadi por omna sportala konkursi.[5] Erste du dii ante l'inauguro-ceremonio en Rio de Janeiro, l'Internaciona Olimpiala Komitato - IOK - divulgis la nomi di la sportisti Rusa qui povis partoprenar la Ludi.[8] Entote 271 sportisti povis konkursar, dum ke 118 interdiktesis pro la skandalo.[8]
Inter l'atleti qui ne recevis la permis-atesto por konkursar esis Yelena Isinbayeva, atletino dufoye premiizita per ora medalii por stango-salto, en Athina (2004) e Beijing (2008), ed unfoye premiizita per bronza medalio, en London, 2012.[9] Ye la 18ma di agosto 2016 Isinbayeva elektesis membro di la komitato di atleti dal Internaciona Olimpiala Komitato.[10] El decidis aceptar la nomineso, quankam el forte kritikis la decido da IOK pri ne permisir el partoprenar la Ludi, ed el anuncis elua retreto de la partopreni kom atletino lor la futura sportala konkursi.[11]
L'inauguro-ceremonio
redaktarCirkume 78.000 personi esis en stadio Maracanã por l'inauguro-ceremonio.[12] Unesmafoye esquado kompozita nur per refujant atleti - entote 10 personi - konkursis en la Ludi, sub l'Olimpiala standardo.[13] Inter la 37 chefi di stati e guvernerii qui asistis l'inauguro-ceremonio esis Franca François Hollande, Arjentiniana Mauricio Macri, Lituaniana Dalia Grybauskaitė, Nederlandana rejulo Willem-Alexander e la chefministro Mark Rutte, e la chefministro Italiana Matteo Renzi.[14]
Por simbolizar la repulso di prejudiki kontre homeosexuali e transsexuali, l'organizuro dil evento selektis Léa T., transsexuala modelo Braziliana, por duktar la triciklo qua transportis la plako kun la nomo di la Braziliana delegitaro.[15] Por portar la Braziliana standardo avan la delegitaro selektesis l'atletino Yane Marques, serjento de Brazilian armeo, qua ganis bronza medalio por moderna pentatlo en London, 2012.
Gustavo Kuerten, Braziliana ex-tenisisto trifoye championo en Wimbledon, eniris la stadio tenante l'olimpiala flamo. Ilu pose transdonis ol a Hortência Marcari, Braziliana ex-basketbalistino, qua fine transdonis ol al ex-maratonisto Vanderlei Cordeiro de Lima, l'unika Brazilian atleto qua ganis la Medalio Pierre de Coubertain. Vanderlei acendis l'Olimpiala Rogo (fakte kaldrono).[16]
Quankam la budjeto por l'inauguro-ceremonio esis nur 10% de la budjeto por l'inauguro-ceremonio di 2012 en London,[17][18] la spektaklo recevis laudi de l'internaciona jurnalaro. Exemple Washington Post, qua dicis ke "adminime dum un nokto, Rio de Janeiro montris lo maxim bona quon ol facas, to esas: festi". Ultre la historio di la rasi e populi quin formacis la Braziliana populo, la precipua temo di la ceremonio esis la protektado dil *ambiento. La mesajo esis: "avancigar la paco en la mondo esas la bazo dil Olimpial idealo, e nun on bezonas anke urjante avancigar la paco kun nia planeto".[19] Por simbolizar l'ambientala* sucio, mem l'Olimpiala kaldrono projetesis por emisar poka karbobioxo.
Kelka eventi e rezulti
redaktarAquala sporti
redaktarPor la konkursi pri natado konstruktesis provizora Stadio Olimpiala por Aquala Sporti en la quartero Barra da Tijuca, dum ke la 10-kilometra aquala maratono eventis en la maro e finis an la fuorto di Copacabana. Eventis konkursi pri 35 sporto-speci, de qui Usa ganis l'ora medalio pri 16, Australia ed Hungaria ganis 3 ora single, Japonia e Nederlando ganis du ora single, ed Unionita Rejio, Popul-Republiko Chinia, Kanada, Italia, Suedia, Dania, Hispania, Kazakstan e Singapur ganis 1 ora single.
Dum la Ludi, Usana natisto Michael Phelps ganis entote 6 Olimpiala medalii, de qui 5 ora e 1 arjenta. Dum lua kariero, ilu ganis 28 olimpiala medalii en quar Olimpiala Ludi, de qui 23 ora e 3 arjenta, e divenis la maxim premiizita atleto dum la historio dil Olimpiala Ludi. En Rio de Janeiro ilu ganis l'unesma ora pos helpar Usana esquado en la 4x100-metra relaya natado libera-stila por viri.[20] La duesma ganesis por 200-metra natado segun papiliono-stilo,[21] dum ke la triesma ganesis por la 4x200-metra relaya natado libera-stila.
La 4ma medalio ganita da Michael Phelps en Rio de Janeiro esis arjenta, por 100-metra natado segun papiliono-stilo[22] kun altra du atleti: Chad le Clos e László Cseh.[22] En la sama konkurso, Joseph Schooling de Singapur ganis la ora.[22] Phelps ganis ora anke por la 200-metra natado libera-stila, e por la 4x100-metra natado libera-stila.
Anke pri natado por viri, Japoniana Kosuke Hagino ganis l'ora medalio por la 400-metra natado mixita-stila.[23] Usana Ryan Murphy ganis l'ora por la 100-metra dorso-natado.[24]
Pri natado por mulieri, Hungara Katinka Hosszú ganis 4 Olimpiala medalii, de qui 3 ora ed 1 arjenta. Lua unesma ora medalio en Rio de Janeiro esis por la 400-metra natado mixita-stila.[23] Hosszú ganis ora medalio anke por la 100-metra dorso-natado,[25] e por la 200-metra natado mixita-stila. El ganis l'arjenta pri la 200-metra dorso-natado.
Sueda Sarah Sjöström ganis lua unesma ora medalio en l'Olimpiala Ludi, e ruptis la rekordo mondala por la 100-metra natado segun papiliono-stilo por mulieri.[26] Altra Olimpiala rekordo ruptesis da Dana natistino Pernille Blume, por la 50-metra natado libera-stila por mulieri.[27]
La konkursi pri plunjado por mulieri e por viri, pri sinkronigata natado (nur por mulieri) e pri aquala poloo* eventis en la stadio por aquala sporti Maria Lenk, anke en Barra da Tijuca. Popul-Republiko Chinia ganis 6 ek la 7 ora medalii di la konkursi pri plunjado, ed anke du arjenta por mulieri ed 1 bronza por viri. Pri sinkronigata natado, Rusia ganis l'ora medalio, Popul-Republiko Chinia ganis l'arjenta e Japonia ganis la bronza.
Pri aquala poloo* por viri, Serbia vinkis Kroatia en la finala partio e ganis l'ora medalio.[28] Italia ganis la bronza pos vinkar Montenegro.
La maxim multa konkursi pri atletismo eventis en la stadio João Havelange, anke konocota kom Engenhão, en la quartero Engenho de Dentro, en la norda parto dil urbo. La stadio João Havelange inauguresis en 2007 por la Tot-Amerika Ludi ed uzesis precipue por futbalo-konkursi ante adaptesar por atletismo-konkursi. L'unika konkursi qui ne eventis en Engenhão esis la maratoni por mulieri e por viri, qui komencis e finis en la Sambódromo pos parkurir la stradi dil centro di Rio de Janeiro; e la konkursi pri atletala marcho, qui komencis en la peninsuleto Pontal e parkuris stradi en la quarteri Barra da Tijuca e Recreio dos Bandeirantes, til arivar en placo Tim Maia.
Pri la 10.000-metra kurado por mulieri Etiopian Almaz Ayana ganis ora medalio e ruptis la mondala rekordo pri ta konkurso.[29] Keniana Vivian Jepkemoi Cheruiyot ganis l'arjenta, ed altra Etiopiano, Tirunesh Dibaba, ganis la bronza.[29] Pri la 5.000-metra kurado por mulieri, unesmafoye Kenia ganis l'ora e l'arjenta en la sama konkurso, rispektive Vivian Cheruiyot e Hellen Onsando Obiri, dum ke Etiopiana Almaz Ayana ganis la bronza.[30]
Usain Bolt de Jamaika ganis lua triesma ora medali pri 100-metra kurado por viri. Usana Justin Gatlin ganis l'arjenta e Kanadana Andre De Grasse ganis la bronza.[31] Bolt konkursis anke por la 200-metra kurado e por la 4x100-metra relayo-kurado e ganis plusa 2 ora medalii. Por la 200-metra kurado, Kanadana Andre De Grasse ganis l'arjenta e Cristophe Lemaitre de Francia ganis la bronza.[32] Por la 4x100-metra kurado, la Jamaikana esquado ganis l'ora, la Japoniana esquado astonante arivis duesma-range e ganis l'arjenta, e quankam l'Usana esquado arivis triesma-range, pro eroro dum pasigar la bastoneto a Justin Gatlin l'esquado exkluzesis del konkurso, e Kanada ganis la bronza.[33][34]
Pri la 400-metra kurado por viri Wayde van Niekerk de Sudafrika ganis la ora e ruptis la rekordo por ta konkurso.[35] Kirani James de Grenada ganis l'arjenta, ed Usana LaShawn Merritt ganis la bronza.[35]
Jamaikan atletino Elaine Thompson-Herah ganis du ora medalii, pri 100-metra kurado e 200-metra kurado por mulieri, ed 1 arjenta medalio pri 4x100 metra relaya kurado por mulieri, kom parto di Jamaikana esquado. Usana esquado, konsistanta ek Tianna Bartoletta, Allyson Felix, English Gardner e Tori Bowie ganis l'ora medalio pri 4x100 metra kurado.
Pri la heptatlo (konkurso qua existas nur por mulieri), Belga Nafissatou Thiam ganis l'ora medalio, Britaniana Jessica Ennis ganis l'arjenta, e Brianne Theisen-Eaton de Kanada ganis la bronza.[36]
Pri stango-salto por viri, Braziliano Thiago Braz da Silva ganis l'ora medalio pos saltar 6.03 metri, e ruptis l'Olimpiala rekordo por ica sporto-speco. Franca Renaud Lavillenie saltis 5.98 metri e ganis l'arjenta, e Sam Kendricks de Usa saltis 5.92 metri e ganis la bronza.[37] Pri la stango-salto por mulieri, Greka Ekaterini Stefanidi ganis l'ora medalio pos saltar 4.85 metri.[38] Sandi Morris de Usa ganis l'arjenta, e Eliza Mccartney de Nova-Zelando ganis la bronza.
Pri la maratono por mulieri, Jemima Sumgong ganis la ora medalio por Kenia, Eunice Kirwa - naskinta en Kenia ma konkursanta por Bahrein ganis l'arjenta, ed Etiopiana Mare Dibaba ganis la bronza.[39] La konkurso komencis e finis en Sambódromo, la stadio ube dum la karnavalo eventas paradi di samba-skoli.
La maratono por viri - la lasta atletismo-konkurso qua eventas dum l'Olimpiala Ludi, komencis sub pluvo. Pos 2 hori, 8 minuti e 44 sekundi, Keniana Eliud Kipchoge arivis unesma-range e ganis l'ora medalio. Etiopiana Feyisa Lilesa ganis l'arjenta, ed Usana Galen Rupp ganis la bronza.[40]
La konkursi pri biciklismo en Rio de Janeiro eventis en 4 loki: L'Olimpiala treko por BMX-konkursi konstruktita en la quartero Deodoro, la centro por montala biciklismo (ank en Deodoro), la velodromo (en la quartero Barra da Tijuca), e por la konkursi pri biciklismo sur choseo uzesis la stradi qui iras de la fuorto Copacabana til la quartero Recreio dos Bandeirantes.
Nederlandana Anna van der Breggen ganis ora medalio pri biciklismo sur choseo,[41] pos parkurar 136.9 km[42] en la stradi di Rio de Janeiro. Emma Johansson de Suedia ganis l'arjenta medalio ed Italiana Elisa Longo Borghini ganis la bronza. Greg Van Avermaet, de Belgia, ganis l'ora medalio en la sama kategorio por viri.[43][44]
En l'individuala biciklo-kurado kontre-horloja por mulieri, Usana Kristin Armstrong ganis l'ora medalio, Olga Zabelinskaya de Rusia ganis l'arjenta, e Anna van der Breggen ganis la bronza por la sama konkurso.[45] En la simila konkurso por viri, Suisa Fabian Cancellara ganis la ora.[46]
Sporta pafado
redaktarLa konkursi pri sporta pafado eventis en la Nacionala Centro por (Sporta) Pafado, konocata anke kom Olimpiala Centro por (Sporta) Pafado, inaugurita en 2007 en quartero Deodoro, proxim la geografiala centro di Rio de Janeiro.
Pri la 10-metra sporta pafado kun pistolo per kompresita aero por viri, Vietnamana Hoàng Xuân Vinh ganis l'ora medalio, Braziliana Felipe Almeida Wu ganis l'arjenta, e Pang Wei de Popul-Republiko Chinia ganis la bronza. Duesma-foye en la historio di la Ludi Brazilia ganis medalio pri sporta pafado - l'unesma esis en 1920.[47] En la konkurso por mulieri por la sama sporto-speco, Mengxue Zhang de Popul-Republiko Chinia ganis la ora medalio, Vitalina Bacarashkina de Rusia ganis l'arjenta, e Anna Korakaki de Grekia ganis la bronza.[48]
En la 10-metra pafado per karabino per kompresita aero por viri, Italiana Niccolò Campriani ganis l'ora.[49]
Kuwaitana sporto-pafisto Fehaid Al-Deehani ganis l'ora medalio por pafado per eskopeto. Tamen, ilu ne konkursis por Kuwait, pro ke ta lando exkluzesis de la Ludi dal Internaciona Olimpiala Komitato.[50] Vice, ilu konkursis kom "nedependanta sportisto" sen portar standardo, pro ne aceptir konkursar sub l'Olimpiala standardo. Al-Deehani ganis l'unika du (bronza) medalii de la historio di Kuwait en l'Olimpiala Ludi, ed en 2016 ilu ganis la ora, kom nedependanta atleto.
Altra Kuwaitana sportisto qua konkursis kom nedependanta en Rio esis Abdullah Al-Rashidi, qua ganis la bronza medalio pri pafado skeet (kontre ceramika pladi). Al-Rashidi konkursis kontre Italiana Gabriele Rossetti, qua ganis l'ora medalio, e kontre Marcus Svensson de Suedia, qua ganis l'arjenta pri la sama sporto-speco.
Altra sporti
redaktar- Paula Pareto ganis l'unesma ora medalio pri judoo* por Arjentinia, en la kategorio sub 48 kg por mulieri.[51] En la kategorio sub 52 kg por mulieri, Majlinda Kelmendi ganis l'unesma ora medalio por Kosovo.[52] En la kategorio sub 57 kg por mulieri Rafaela Lopes Silva ganis l'unesma ora medalio por Brazilia en la Ludi.[53]
- Nur du dii pos recevar liberigo de Internaciona Olimpiala Komitato por konkursar, Rusa judoisto Beslan Mudranov ganis ora medalio en la kategorio sub 60 kg, pos vinkar Yeldos Smetov per wazari.[54] En la kategorio sub 66 kg por viri, Fabio Basile ganis ora medalio por Italia. En la kategorio super 100 kg por viri, Franca judoisto Teddy Riner ganis lua duesma ora medalio - l'unesma esis en London.[55]
- Hungara Emese Szász ganis ora medalio pri skermoarto per espado por mulieri.[56] Italiana Daniele Garozzo ganis ora medalio por skermoarto per floreto por viri.[57]
- Skermistino Usana Ibtihaj Muhammad divenis l'unesma sportistino de lua lando qua konkursis kun hijab (Mohamedana velo uzata por mulieri) sur elua kapo.[58] El ganis la bronza medalio pri skermoarto per sabro por esquado hominala, ed elua partopreno divenis simbolo pri la lukto kontre la prejudiko religiala en Usa.[59] Pri la sama konkurso, Rusian esquado ganis la ora ed Ukrainana esquado ganis l'arjenta.
- Pri halterlevo por viri, Chiniana Long Qingquan ganis l'ora medalio pri la kategorio sub 56 kg. Pri la kategorio sub 69 kg por viri, Óscar Albeiro Figueroa ganis l'unesma ora medalio por Kolumbia en la Ludi.[60] Por mulieri, Sopita Tanasan de Tailando ganis l'ora medalio por la kategorio sub 48 kg.
- La hominala esquado di Australia ganis ora medalio pri rugbio* por 7 ludisti. Nova-Zelando recevis l'arjenta e Kanada recevis la bronza.[61]
- Pri rugbio* por 7 ludisti por viri, Fidji ganis lua unesma medalio en la historio di la Ludi: la ora.[62] Unionita Rejio ganis l'arjenta e Sudafrika ganis la bronza.[63]
- Pri golfo por mulieri, Inbee Park de Sud-Korea ganis l'ora medalio,[64] Lydia Ko de Nova-Zelando ganis l'arjenta e Chiniana Shanshan Feng ganis la bronza.
- Pri kavalk-arto individuala por viri, Germana Michael Jung ganis l'ora, Franca Astier Nicolas ganis l'arjenta ed Usana Phillip Dutton ganis la bronza.[65] En kavalk-arto por esquado mixita, Francia ganis la ora,[66] e Germania, kun la partopreno di Jung, l'arjenta.[66]
- Pri taekwondo, kategorio sub 57 kg por mulieri, Britaniana Jade Jones ganis l'ora medalio pos vinkar Hispana Eva Calvo Gómez. Egiptiana Hedaya Malak ed Iranana Kimia Alizadeh egaleskis e ganis la bronza.[67]
- Pri teniso por viri, Andy Murray de l'Unionita Rejio ganis la ora, Juan Martin Del Potro de Arjentinia ganis l'arjenta e Kei Nishikori de Japonia ganis la bronza[68] pos vinkar Rafael Nadal, qua finis quaresma-range.[69] La mondala teniso-stelo, Novak Djokovic, vinkesis ed eliminesis da Del Potro ja dum l'unesma fazo.
- Pri la teniso por mulieri Portorikana Mónica Puig ganis la ora, Germana Angelique Kerber ganis l'arjenta e Petra Kvitová de Chekia ganis la bronza.[70] La mondala teniso-stelo Serena Williams de Usa vinkesis da Ukrainana Elina Svitolina en partio por singla ludisti, ed vinkesis anke en partio por du ludisti, ed eliminesis.
- Pri la teniso duopla por mulieri la ora medalii ganis Rusianini Yekaterina Makarova e Yelena Vesnina.
- Pri boxo en la kategorio sub 91 kg por viri, Evgeny Tishchenko ganis l'ora medalio, Vassiliy Levit de Kazakstan ganis l'arjenta, e du atleti (Rustam Tulaganov de Uzbekistan, e Erislandy Savón de Kuba) ganis la bronza.[71]
- Sebastian Brendel de Germania, Isaquias Queiroz dos Santos de Brazilia, e Serghei Tarnovschi de Moldavia ganis rispektive la ora, l'arjenta e la bronza medalii por kanoo-sporto klaso C1, 1000-metra.[72] La duo Germana Sebastian Brendel e Jan Vandrey ganis l'ora medalio anke por kanoo-sporto por du ludisti (1000-metra treko, klaso C2), e Braziliani Isaquias Queiroz dos Santos ed Erlon Souza ganis l'arjenta, ed Ukrainani Dmytro Ianchuk e Taras Mishchuk ganis la bronza.[73]
- Simone Biles ganis 5 medalii, de qui 4 ora ed 1 bronza, pri gimnastiko por mulieri.[74] Usa ganis l'ora medalio anke pri gimnastiko por esquadi.
- Sud-Korea ganis omna 4 ora medalii por sporta ark-pafado: individuala por mulieri, individuala por viri, e por esquadi virala e hominala.
- Pri badmintono por du ludisti, Indonezia ganis l'ora medalio, Malaizia ganis l'arjenta e Popul-Republiko Chinia ganis la bronza. Pri badmintono por mulieri (singla ludisto) Hispana Carolina Marín ganis l'ora, Indiana Pusarla Venkata Sindhu ganis l'arjenta, e Nozomi Okuhara de Japonia ganis la bronza.[75]
- Popul-Republiko Chinia ganis omna 4 ora medalii por tabloteniso: individuala por mulieri, individuala por viri, e por esquadi virala e hominala, ed anke du arjenta.[76]
- Pri futbalo por mulieri, Germana esquado ganis l'ora medalio, Sueda ganis l'arjenta, e Kanadana ganis la bronza. Pri futbalo por viri, Brazilia ganis l'ora, Germania l'arjenta e Nigeria la bronza.[77]
- Pri volebalo por viri, Brazilia vinkis Italia per 3x0 e ganis l'ora medalio.[78] Usa vinkis Rusia e ganis la bronza. Pri volebalo por mulieri Popul-Republiko Chinia vinkis Serbia e ganis l'ora medalio,[79] ed Usa ganis la bronza.[80] Pri plajo-volebalo por viri, Alison Cerutti e Bruno Oscar Schmidt de Brazilia ganis l'ora medalio pos vinkar l'Italiani Daniele Lupo e Paolo Nicolai.[81] Pri plajo-volebalo por mulieri, Germana duo Laura Ludwig e Kira Walkenhorst vinkis la finala partio kontre Braziliani Ágatha Bednarczuk e Bárbara Seixas e ganis l'ora medalio.[82] La bronza ganesis dal Usani April Ross e Kerri Walsh Jennings.
- Pri basketbalo por viri, Usa vinkis Serbia e ganis l'ora medalio[83], e Hispania vinkis Australia per 1-punta difero (89 kontre 88) e ganis la bronza.[84] Pri basketbalo por mulieri Usa ganis l'ora medalio pos vinkar Hispania.[85] Serbia ganis la bronza.
- Pri handbalo por mulieri, Rusia vinkis Francia en la finala partio e ganis l'ora medalio.[86] Nederlando vinkis Norvegia e ganis la bronza. Pri handbalo por viri, Dania vinkis Francia e ganis l'ora medalio.[87] Germania ganis la bronza, pos vinkar Polonia per 31x25.[88]
Klozo-ceremonio
redaktarLa klozo-ceremonio eventis en la stadio Maracanã de la 20:00 kloki til la 22:50 kloki (UTC-3) ye la 21ma di agosto 2016.[89] Eventis kulturala prizentadi de Brazilia e de Japonia, pro ke l'eventeyo por la sequanta Olimpiala Ludi esos Tokyo.
Medalii ganita
redaktarYen la listo di landi qui recevis adminime 1 bronza medalio en Rio de Janeiro en 2016. Entote, 87 landi o esquadi ganis adminime 1 bronza medalio.[90]
| # | Lando | Ora | Arjenta | Bronza | Entote |
|---|---|---|---|---|---|
| 1 | 46 | 37 | 38 | 121 | |
| 2 | 27 | 23 | 17 | 67 | |
| 3 | 26 | 18 | 26 | 70 | |
| 4 | 19 | 18 | 19 | 56 | |
| 5 | 17 | 10 | 15 | 42 | |
| 6 | 12 | 8 | 21 | 41 | |
| 7 | 10 | 18 | 14 | 42 | |
| 8 | 9 | 3 | 9 | 21 | |
| 9 | 8 | 12 | 8 | 28 | |
| 10 | 8 | 11 | 10 | 29 | |
| 11 | 8 | 7 | 4 | 19 | |
| 12 | 8 | 3 | 4 | 15 | |
| 13 | 7 | 6 | 6 | 19 | |
| 14 | 7 | 4 | 6 | 17 | |
| 15 | 6 | 6 | 1 | 13 | |
| 16 | 6 | 3 | 2 | 11 | |
| 17 | 5 | 3 | 2 | 10 | |
| 18 | 5 | 2 | 4 | 11 | |
| 19 | 4 | 9 | 5 | 18 | |
| 20 | 4 | 3 | 15 | 22 | |
| 21 | 4 | 2 | 7 | 13 | |
| 22 | 3 | 5 | 9 | 17 | |
| 23 | 3 | 2 | 3 | 8 | |
| 24 | 3 | 2 | 2 | 7 | |
| 25 | 3 | 1 | 4 | 8 | |
| 26 | 3 | 1 | 2 | 6 | |
| 27 | 3 | 1 | - | 4 | |
| 28 | 2 | 6 | 7 | 15 | |
| 29 | 2 | 6 | 3 | 11 | |
| 30 | 2 | 6 | 2 | 10 | |
| 31 | 2 | 5 | 4 | 11 | |
| 32 | 2 | 4 | 2 | 8 | |
| 33 | 2 | 3 | 6 | 11 | |
| 34 | 2 | 3 | 2 | 7 | |
| 35 | 2 | 2 | 2 | 6 | |
| 35 | 2 | 2 | 2 | 6 | |
| 37 | 2 | 2 | - | 4 | |
| 38 | 2 | 1 | 4 | 7 | |
| 39 | 1 | 7 | 10 | 18 | |
| 40 | 1 | 4 | 4 | 9 | |
| 41 | 1 | 3 | 4 | 8 | |
| 42 | 1 | 3 | - | 4 | |
| 43 | 1 | 2 | 7 | 10 | |
| 44 | 1 | 2 | 5 | 8 | |
| 45 | 1 | 2 | 1 | 4 | |
| 46 | 1 | 2 | - | 3 | |
| 47 | 1 | 1 | 3 | 5 | |
| 48 | 1 | 1 | - | 2 | |
| 48 | 1 | 1 | - | 2 | |
| 50 | 1 | - | 2 | 3 | |
| 51 | Sen patrio*[50] | 1 | - | 1 | 2 |
| 51 | 1 | - | 1 | 2 | |
| 51 | 1 | - | 1 | 2 | |
| 54 | 1 | - | - | 1 | |
| 54 | 1 | - | - | 1 | |
| 54 | 1 | - | - | 1 | |
| 54 | Kosovo | 1 | - | - | 1 |
| 54 | 1 | - | - | 1 | |
| 54 | 1 | - | - | 1 | |
| 60 | - | 4 | 1 | 5 | |
| 61 | - | 3 | 2 | 5 | |
| 62 | - | 2 | - | 2 | |
| 62 | - | 2 | - | 2 | |
| 64 | - | 1 | 3 | 4 | |
| 65 | - | 1 | 2 | 3 | |
| 65 | - | 1 | 2 | 3 | |
| 67 | - | 1 | 1 | 2 | |
| 67 | - | 1 | 1 | 2 | |
| 69 | - | 1 | - | 1 | |
| 69 | - | 1 | - | 1 | |
| 69 | - | 1 | - | 1 | |
| 69 | - | 1 | - | 1 | |
| 69 | - | 1 | - | 1 | |
| 74 | - | - | 4 | 4 | |
| 75 | - | - | 3 | 3 | |
| 75 | - | - | 3 | 3 | |
| 77 | - | - | 2 | 2 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 | |
| 78 | - | - | 1 | 1 |
Referi
redaktar- ↑ Olympic Athletes - URL vidita ye 21ma di agosto 2016.
- ↑ 2016 Bid Process Launched - Publikigita da International Olympic Committee. Dato di publikigo: 16ma di mayo 2007.
- ↑ Promessas irreais e falhas condenam Baía de Guanabara à poluição - Publikigita da Carta Capital. Dato di publikigo: 4ma di julio 2016. URL vidita ye 6ma di agosto 2016. Idiomo: Portugalana.
- ↑ 4,0 4,1 4,2 Escândalo de doping do atletismo russo: perguntas e respostas - Publikigita da Globo.com. Dato di publikigo: 17ma di novembro 2015. URL vidita ye 6ma di agosto 2016.
- ↑ 5,0 5,1 5 perguntas sobre o escândalo de doping russo e como isso afeta a Olimpíada - Publikigita da BBC. URL vidita ye 7ma di agosto 2016. Idiomo: Portugalana.
- ↑ 6,0 6,1 Former IAAF President Under Criminal Investigation for Doping Cover-Up - Dato di publikigo: 4ma di novembro 2015. Nomo di la publikigo: Sports Illustrated. URL vidita ye 21ma di novembro 2015.
- ↑ Athletics doping: Interpol to co-ordinate probe - Dato di publikigo: 9ma di novembro 2015. URL vidita ye 19ma di novembro 2015.
- ↑ 8,0 8,1 Após escândalo, COI divulga atletas da Rússia que poderão competir na Olimpíada no Rio - Publikigita da UOL. URL vidita ye 7ma di agosto 2016. Idiomo: Portugalana.
- ↑ Isinbayeva conta porque foi proibida de participar dos Jogos Rio-2016 - URL vidita ye 7ma di agosto 2016.
- ↑ Yelena Isinbayeva eleita para a comissão de atletas do COI - Publikigita da Record.pt. Dato di publikigo: 18ma di agosto 2016. URL vidita ye 21ma di agosto 2016. Idiomo: Portugalana.
- ↑ Isinbayeva anuncia o fim da carreira e perdoa quem a puniu - Publikigita da TV Cidade Verde. Dato di publikigo: 19ma di agosto 2016. URL vidita ye 21ma di agosto 2016.
- ↑ Opening Ceremony of Rio 2016 Summer Olympics -
- ↑ Pela primeira vez, equipe de refugiados disputa Olimpíada - Publikigita da Portal Brasil. URL vidita ye 6ma di agosto 2016. Idiomo: Portugalana.
- ↑ Veja os líderes dos países que assistirão à abertura da Olimpíada - Publikigita da G1.com. Dato di publikigo: 5ma di agosto 2016. URL vidita ye 7ma di agosto 2016. Idiomo: Portugalana.
- ↑ De bicicleta, modelo transexual Lea T puxa a delegação brasileira no desfile da cerimônia de abertura - Publikigita da jurnalo Extra. Dato di publikigo: 5ma di agosto 2016. URL vidita ye 7ma di agosto 2016. Idiomo: Portugalana.
- ↑ Vanderlei Cordeiro de Lima acende a pira olímpica em cerimônia no Maracanã - Publikigita da UOL. URL vidita ye 6ma di agosto 2016.
- ↑ Rio Olympics Ceremony to Cost 10% of London's Lavish Event Open - URL vidita ye 6ma di julio 2016.
- ↑ Rio 2016 promise "original" Olympic Opening Ceremony despite low budget - URL vidita ye 6ma di julio 2016.
- ↑ Brazil ignites the samba spirit! Rio Olympics is off with a bang but only after opening ceremony with empty seats, climate change lectures and ugly protests outside - Dato di publikigo: 5ma di agosto 2016. URL vidita ye 7ma di agosto 2016.
- ↑ Michael Phelps takes his 19th Olympic gold - Publikigita da IOC. Dato di publikigo: 8ma di agosto 2016. URL vidita ye 8ma di agosto 2016. Idiomo: Angla.
- ↑ Michael Phelps wins the men's 200m butterfly final at Rio Olympics - live: American claims 20th gold medal as Chad le Clos misses out - Publikigita da The Telegraph. URL vidita ye 9ma di agosto 2016. Idiomo: Angla.
- ↑ 22,0 22,1 22,2 Phelps perde chance do tetra nos 100m borboleta e empata com dois em 2° - Publikigita da UOL. URL vidita ye 12ma di agosto 2016. Idiomo: Portugalana.
- ↑ 23,0 23,1 Japão conquista o primeiro ouro da natação; Húngara bate recorde mundial - Publikigita da UOL. URL vidita ye 6ma di agosto 2016. Idiomo: Portugalana.
- ↑ Rio Olympics: Ryan Murphy wins gold as USA and Russia face off in pool – live! - Publikigita da The Guardian.co.uk. URL vidita ye 8ma di agosto 2016. Idiomo: Angla.
- ↑ Olympic swimming results 2016: Katinka Hosszu wins gold in women's 100m backstroke - Publikigita da SB Nation. URL vidita ye 8ma di agosto 2016. Idiomo: Angla.
- ↑ Olympic swimming results 2016: Sarah Sjostrom wins gold in women's 100m butterfly - Publikigita da SB Nation. URL vidita ye 7ma di agosto 2016. Idiomo: Angla.
- ↑ Olympic swimming results 2016: Pernille Blume wins gold in women's 50m freestyle - Publikigita da SB Nation. URL vidita ye 15ma di agosto 2016. Idiomo: Angla.
- ↑ Sérvia vence a Croácia e conquista ouro inédito no polo aquático masculino - Publikigita da UOL. URL vidita ye 20ma di agosto 2016.
- ↑ 29,0 29,1 Etíope Almaz Ayana bate recorde mundial dos 10.000 m e leva o 1° ouro do atletismo - Publikigita da UOL. URL vidita ye 12ma di agosto 2016. Idiomo: Portugalana.
- ↑ Rio 2016: Vivian Cheruiyot wins first gold medal for Kenya in women's 5000m run - Publikigita da SB Nation. Dato di publikigo: 19ma di agosto 2016. URL vidita ye 20ma di agosto 2016. Idiomo: Angla.
- ↑ Bolt ganha tri nos 100 m rasos e se torna o maior da história do atletismo - Publikigita da UOL. URL vidita ye 14ma di agosto 2016. Idiomo: Portugalana.
- ↑ É tri de novo! Bolt domina os 200 m em sua despedida de provas individuais - Publikigita da UOL. URL vidita ye 18ma di agosto 2016.
- ↑ Bolt fecha carreira olímpica perfeita com vitória no revezamento e 9° ouro - Publikigita da UOL. URL vidita ye 20ma di agosto 2016.
- ↑ U.S. men's 4x100 meter relay disqualified in final - URL vidita ye 20ma di agosto 2016. Idiomo: Angla.
- ↑ 35,0 35,1 Sob olhar de Michael Johnson, sul-africano quebra recorde mundial dos 400m - Publikigita da IG. URL vidita ye 15ma di agosto 2016. Idiomo: Portugalana.
- ↑ Belga Thiam destrona Ennis-Hill e leva ouro no heptatlo - Publikigita da UOL. Dato di publikigo: 14ma di agosto 2016. URL vidita ye 20ma di agosto 2016.
- ↑ Thiago Braz consegue feito e é ouro no salto com vara com recorde olímpico - Publikigita da UOL. URL vidita ye 16ma di agosto 2016. Idiomo: Portugalana.
- ↑ "Enganada" por torcida, grega descobriu que foi ouro após tombo do marido - Publikigita da UOL. URL vidita ye 20ma di agosto 2016.
- ↑ Rio Olympics 2016: Jemima Sumgong wins women's marathon for Kenya - Publikigita da BBC. Dato di publikigo: 14ma di agosto 2016. URL vidita ye 15ma di agosto 2016. Idiomo: Angla.
- ↑ Queniano leva ouro da maratona no Rio e conquista sua 3ª medalha olímpica - Publikigita da UOL. URL vidita ye 21ma di agosto 2016.
- ↑ Dutch rider Van der Breggen wins thrilling women’s road race - Publikigita da IOC. URL vidita ye 8ma di agosto 2016. Idiomo: Angla.
- ↑ Anna van der Breggen wins Rio 2016 Olympics women’s road race; Lizzie Armitstead fifth - Publikigita da Cycling Weekly. Dato di publikigo: 7ma di agosto 2016. URL vidita ye 10ma di agosto 2016. Idiomo: Angla.
- ↑ Van Avermaet stuns the climbers to take gold in Rio - URL vidita ye 6ma di agosto 2016.
- ↑ Van Avermaet wins gold in men's road race at Olympic Games - Publikigita da Immediate Media Company. URL vidita ye 7ma di agosto 2016.
- ↑ Olympic cycling 2016 results: Kristin Armstrong wins gold in women's time trial - Publikigita da SB Nation. URL vidita ye 10ma di agosto 2016. Idiomo: Angla.
- ↑ Olimpíadas Rio 2016 - Cancellara é ouro no contra-relógio - Publikigita da pedal.com.br. Dato di publikigo: 8ma di agosto 2016. URL vidita ye 12ma di agosto 2016. Idiomo: Portugalana.
- ↑ Fã de Harry Potter e estudante de engenharia, Felipe Wu leva prata na 1ª medalha do Brasil e quebra jejum histórico - Publikigita da ESPN. Dato di publikigo: 6ma di agosto 2016. URL vidita ye 8ma di agosto 2016. Idiomo: Portugalana.
- ↑ Zhang Mengxue wins gold medal in women's 10-meter air pistol for China - URL vidita ye 9ma di agosto 2016. Idiomo: Angla.
- ↑ Olimpiadi Rio 2016, Niccolò Campriani vince l’oro nella carabina da dieci metri per l’Italia è il terzo trionfo - Publikigita da Il Fatto Quotidiano. Dato di publikigo: 8ma di agosto 2016. URL vidita ye 9ma di agosto 2016. Idiomo: Italiana.
- ↑ 50,0 50,1 Kuwaiti becomes first independent athlete to win gold with men's double trap win - Publikigita da Stuff.co.nz. URL vidita ye 12ma di agosto 2016.
- ↑ Amiga de todos e pioneira: a argentina que levou o primeiro ouro do judô no Rio - Publikigita da UOL. URL vidita ye 6ma di agosto 2016. Idiomo: Portugalana.
- ↑ Judô dá 1° ouro para Kosovo: "Espero que sirva para Brasil nos reconhecer" - Publikigita da UOL. URL vidita ye 7ma di agosto 2016. Idiomo: Portugalana.
- ↑ Rafaela Silva dá ao Brasil sua primeira medalha de ouro na Rio-2016 - Publikigita da UOL. URL vidita ye 8ma di agosto 2016. Idiomo: Portugalana.
- ↑ Dois dias após ser liberado pelo COI, russo vence cazaque no golden score e é ouro - Publikigita da UOL. URL vidita ye 6ma di agosto 2016. Idiomo: Portugalana.
- ↑ Invicto há 112 lutas, Riner ganha bi olímpico e aumenta fama de rei do Rio - Publikigita da G1. URL vidita ye 13ma di agosto 2016. Idiomo: Portugalana.
- ↑ Rio Olympics 2016: Emese Szasz wins epee gold for Hungary - Publikigita da BBC Sport. Dato di publikigo: 6ma di agosto 2016. Idiomo: Angla.
- ↑ Daniele Garozzo è d'oro Festa per il Frascati Scherma - Publikigita da Gazzetta Regionale. Dato di publikigo: 7ma di agosto 2016. URL vidita ye 9ma di agosto 2016. Idiomo: Italiana.
- ↑ Ibtihaj Muhammad Officially Becomes First Team USA Athlete To Compete In Hijab At Olympics - Dato di publikigo: 8ma di agosto 2016. URL vidita ye 15ma di agosto 2016.
- ↑ Ibtihaj Muhammad Wins Bronze in Fencing, First U.S. Athlete to Compete at Olympics Wearing a Hijab - Publikigita da US Weekly. URL vidita ye 15ma di agosto 2016.
- ↑ Grande, Óscar Figueroa medalla de oro en pesas en los Olímpicos! - Publikigita da La Nación.com.co. URL vidita ye 8ma di agosto 2016. Idiomo: Hispana.
- ↑ Austrália é o primeiro país a ser medalha de ouro no rugby sevens - Publikigita da ZH Esportes. URL vidita ye 8ma di agosto 2016. Idiomo: Portugalana.
- ↑ Fiji's golden victory: Party in Suva - Publikigita da New Zealand Herald. Dato di publikigo: 12ma di agosto 2016. URL vidita ye 20ma di agosto 2016. Idiomo: Angla.
- ↑ South Africa's Sevens Rugby Team Scores Bronze at Rio - Publikigita da AllAfrica.com. URL vidita ye 20ma di agosto 2016.
- ↑ Ouro no golfe vai para a República da Coreia - Publikigita da Rio2016.com. Dato di publikigo: 20ma di agosto 2016. URL vidita ye 21ma di agosto 2016. Idiomo: Portugalana.
- ↑ Rio Olympics 2016: Michael Jung wins individual eventing gold on Sam - Publikigita da BBC Sport Rio 2016. URL vidita ye 10ma di agosto 2016. Idiomo: Angla.
- ↑ 66,0 66,1 France wins first Rio Olympics gold in equestrian team eventing - Publikigita da France 24. Dato di publikigo: 9ma di agosto 2016. URL vidita ye 10ma di agosto 2016. Idiomo: Angla.
- ↑ Rio 2016 Olympics: Jade Jones retains taekwondo title to claim Team GB's 22nd gold medal - URL vidita ye 20ma di agosto 2016. Idiomo: Angla.
- ↑ Resultado Murray 3-1 Del Potro pelo Ouro do tênis da Rio 2016 - Publikigita da VAVEL. URL vidita ye 14ma di agosto 2016. Idiomo: Portugalana.
- ↑ Kei Nishikori vence Rafael Nadal e conquista medalha de bronze no Rio - Publikigita da VAVEL. URL vidita ye 14ma di agosto 2016. Idiomo: Portugalana.
- ↑ Tenista Monica Puig, a "Pica Power", conquista 1° ouro para Porto Rico - Publikigita da UOL. URL vidita ye 15ma di agosto 2016. Idiomo: Portugalana.
- ↑ Rio Olympics 2016: Evgeny Tishchenko wins gold in men's heavyweight final - Publikigita da BBC. URL vidita ye 17ma di agosto 2016.
- ↑ Brazil's Queiroz wins silver in men's canoe single C1 1,000m - Publikigita da vidaslatinasd.com. URL vidita ye 16ma di agosto 2016. Idiomo: Angla.
- ↑ Isaquias é prata com Erlon e é 1° do país com 3 pódios na mesma Olimpíada - Publikigita da UOL. URL vidita ye 20ma di agosto 2016.
- ↑ 2016 Rio Olympics results: Simone Biles, USA gymnastics win more medals on Day 11 - URL vidita ye 17ma di agosto 2016. Idiomo: Angla.
- ↑ Espanhola quebra hegemonia asiática no badminton - Publikigita da Rio2016.com. Dato di publikigo: 19ma di agosto 2016. URL vidita ye 20ma di agosto 2016. Idiomo: Portugalana.
- ↑ Rio 2016: China – kings of the table tennis world - URL vidita ye 22ma di agosto 2016.
- ↑ Enfim, ouro! Brasil supera dois traumas de uma vez e é campeão no Maracanã - Publikigita da UOL. URL vidita ye 20ma di agosto 2016.
- ↑ Em casa, Brasil atropela Itália e volta a ser campeão olímpico após 12 anos - Publikigita da UOL. URL vidita ye 21ma di agosto 2016.
- ↑ China vence a Sérvia e conquista o tri no vôlei feminino - Publikigita da Terra.com. URL vidita ye 21ma di agosto 2016. Idiomo: Portugalana.
- ↑ EUA repetem vitória sobre Holanda e ficam com o bronze no vôlei feminino - Publikigita da UOL. URL vidita ye 20ma di agosto 2016.
- ↑ Alison e Bruno ganham ouro na praia, e Brasil já faz sua melhor Olimpíada - Publikigita da UOL. URL vidita ye 19ma di agosto 2016.
- ↑ No esporte mais brasileiro da Rio-2016, alemãs tomam conta de Copacabana - Publikigita da UOL. Dato di publikigo: 18ma di agosto 2016. URL vidita ye 20ma di agosto 2016. Idiomo: Portugalana.
- ↑ Dream Team enfim dá show, ganha aplausos e leva ouro na despedida dos Jogos - Publikigita da UOL. URL vidita ye 21ma di agosto 2016. Idiomo: Portugalana.
- ↑ Gasol brilha, Espanha vence jogaço contra a Austrália e se despede da geração com bronze - URL vidita ye 21ma di agosto 2016.
- ↑ EUA conquistam o hexa olímpico e completam 20 anos de invencibilidade - Publikigita da UOL. URL vidita ye 20ma di agosto 2016.
- ↑ Jogadora de 1,62m lidera Rússia em conquista do ouro no handebol feminino - Publikigita da UOL. URL vidita ye 20ma di agosto 2016.
- ↑ Dinamarca conquista ouro inédito no handebol masculino - Publikigita da Agência Brasil. URL vidita ye 21ma di agosto 2016. Idiomo: Portugalana.
- ↑ Alemanha supera Polônia e fica com o bronze no handebol - URL vidita ye 21ma di agosto 2016.
- ↑ Rio 2016 Ingressos – Compre seu ingresso para as Olímpiadas - URL vidita ye 21ma di agosto 2016. Idiomo: Portugalana.
- ↑ Jogos Olímpicos Rio 2016 - Quadro de Medalhas - URL vidita ye 21ma di agosto 2016. Idiomo: Portugalana.