Baleari

Segun la tradiciono, Greki de Rhodes-insulo koloniigis Baleari pos Troya-milito. L'insulani divenis konocita kom habila uzanti di frondi, ed verkis kom mercenarii por Kartagani e pose por Romani.

Dum la fino di Roman imperio, Vandali konquestis la regiono, kelkatempe inter [[461] e 468. Tamen, dum la fino di 533 o komenco di 534, Bizancana generalo Flavius Belisarius konquestis ol.

Inter 1113 e 1115 Toskaniani e Lombardiani konquestis l'insuli. Dum 13ma yarcento, rejulo Jaime 1ma de Aragon konquestis ol. En 1492, kande Aragon e Kastilia unionis, l'insuli divenis parto di Hispania.

L'arkipelago konsistas ek kin habitata insuli e 146 mikra nehabitata insuli. La habitata insuli esas:

• Mayorka
• Minorka
• Ibiza
• Formentera
• Cabrera

L'autonoma komuneso di la Baleari havas propra parlamento, guvernerio e guberniestro (prezidanto di guverno), qui elektesas omna quar yari. La parlamento elektas la prezidanto e kontrolas la guvernerio. La prezidanto nominas la membri di la guvernerio.

L'insuli Mallorca, Minorca, Ibiza e Formentera havas pluse lia propra "insulo konsilantaro" (consells insulars).

Turismo esas la precipua ekonomiala aktiveso di arkipelago.

La koquarto dil insuli havas Kataluniana, Hispaniana e Mediteraneana influi. Homardo-raguto de Minorka atraktis rejulo Juan Carlos 1ma a l'insuli. Mayonezo posible originis en l'insulo di Maó, qua anke produktas lua propra fromajo.

Hispaniana e Kataluniana esas ambe oficala lingui en l'arkipelago.

La precipua futbalo-squado de l'insuli esas RCD Mallorca, de Mayorka.

	Autonoma regioni di Hispania
Andaluzia • Aragon • Asturia • Baleari • Baskia • Extremadura • Galisia • Kanarii • Kantabria • Kastilia e Leon • Kastilia-La Mancha • Katalunia • Madrid • Murcia • Navara • La Rioja • Valencia Autonoma urbi: Ceuta • Melilla Suverena teritorii: Chafarinas • Vélez de la Gomera • Alhucemas