Tiramisuo

Tiramisuo (en l'Italiana: tiramisù) esas desero de Italian origino. La nomo signifikas literale tirez me adsupre, dicante fakte: gayigez me. Tiramisuo ofte esas donat a risaneskanta maladi, por rifortigar li e ridonar viv-entuziasmo.

La maxim karakterizant elementi di la tiramisu-saporo esas la kombino de bisquito, kakao, maskarpono, kafeo ed ovo.

Ye la 30ma di oktobro 2021 mortis l' Italiana restoreriestro Ado Campeol ye evo 93, il konsideresis kom l'inventisto di la desero. Kande, en 1972, ilua chef-koquisto preparis vanilo-glaciajo, ilta acidente faligis kuliero de maskarpono en bolo kun ovi e sukro. La koquisto e siorino Campeol gustis la mixuro, quik komprenis la potenteso e decidis servar la rezultajo sur Savoyana bisquiti trempit en kafeo e dispersite de bitra kakao.