Gerd von Rundstedt

Karl Rudolf Gerd von Rundstedt
Profesiono:	militisto (marshalo)
Lando:	Naziista Germania
Naskodato:	12 di decembro 1875
Nasko-loko:	Aschersleben, Prusia, Germana imperio
Mortodato:	24 di februaro 1953
Morto-loko:	Hannover, West-Germania

Karl Rudolf Gerd von Rundstedt esis Germana marshalo dum la duesma mondomilito.

Naskinta en Prusiana familio kun longa militala tradiciono, Von Rundstedt eniris l'armeo en 1892. Dum l'unesma mondomilito ilu servis kom parto del armeala burokrataro. Dum la sequanta yari ilu duris lua militala kariero ed atingis la rango di kolonelo.

Dum la duesma mondomilito, ilu itere kunvokesis por komandar Sudal Armeo-Grupo dum l'invado di Polonia. Ilu komandis l'Armeo-Grupo A dum la batalio di Francia. Ilu promocesis a marshalo en 1940. Dum l'invado di Sovietia, ilu komandis Sudal Armeo-Grupo, qua siejis Kiyiv. Ilu revokesis de la komando pos permisar l'evakuo di Rostov en decembro 1941, ma itere kunvokesis en 1942, por esar chef-komandanto en la westo.

Ilu itere revokesis de komando pos la vinkeso en Normandia en julio 1944, ma en septembro sam yaro il itere kunvokesis por esar chef-komandanto en westala fronto, e restis ibe til ke Hitler revokis lu en marto 1945.

Von Rundstedt savis pri diversa komploti por mortigar Hitler, tamen ilu decidis partoprenar nulo. Kande la milito finis, ilu akuzesis pro milito-krimini, ma ne judiciesis pro lua evo e mala saneso-stando. Ilu liberigesis de karcero en 1949, e mortis en 1953.