Barikado
Barikado es omna tipo di objekto o strukturo uzata kom fortifikuro improvizita, konstruktita ek pavi amasigita, arbori abatita, veturi renversita, e.c., por impedar l'aceso ad ula loko. Ca vorto indikas omna fortifikuro improvizata, exemple en stradi de ula urbo, dum militala batalii od urbala konflikti.
La vorto "barikado" anke nominas tempala "trafik-barikadi" uzata por impedar trafiko di vehili o personi dum pavizo di stradi od altra interveni en urbala substrukturi, o strukturi pozata en stradi por preventar proximigo di personi de domajita edifici o strukturi qui povas reprezentar danjero, o pozata en stradi ante komencar publika eventi, por preventar tumulti o invado da nepermisata personi.
