Wp/isv/Moldavija

Država

Wp/isv/Moldavija

rum.: Moldova
Obča informacija
Polna nazva	Republika Moldova (rum.: Republica Moldova)
Himn	"Naš jezyk"
Glavny grad	Kišinev
Najbolši grad	capital
Služebne jezyky	rumunsky jezyk
Državna forma	unitarna parlamentska republika
Statistika
Plošča	33 843,5[1] km² (135.)
Naseljeńje	Ocenka (2021, bez Pridněstrovja): 2 597 100[2] ljudij (138.)
Valuta	moldovsky lev (MDL)
Časova zona	UTC+2 (EET) lětom: UTC+3 (EEST)
Kod ISO 3166	MD
<mapframe> problems: Attribute "latitude" has an invalid value Attribute "longitude" has an invalid value
Koordinaty: Template:Wp/isv/Coord

Moldova ili Moldavija, služebno Republika Moldova, jest država v Iztočnoj Evropě. Graniči s Rumunijeju na zapadu i Ukrajinoju na sěveru, iztoku i jugu. Obča površina Moldovy jest 33843 km², čest jej ozemij kontroluje samoproglašena republika Pridněstrovje. Na ozemjah, ktore kontroluje sama Moldova, živut kolo 2.6 milionov ljudij. Glavny i najljudny grad jest Kišinev.

Večinstvo ozemij sovrěmennoj Moldovy bylo čestju Moldovskogo knežstva s 14. stolětja do 1812 goda, kogdy Osmanska imperija, vasalom ktoroj bylo knežstvo, ustupila jih Rosijskoj imperiji. Krajina stala znanoju kako Besarabija. V 1856 godu južnu Besarabiju vratili knežstvu, i črěz 3 goda ono sjedinilo se v ličnoj uniji s Valahijeju i osnovalo Rumuniju. V 1878 godu vlada Rosije nad vseju krajinoju byla vračena. V čas Rosijskogo povstańja 1917 goda Besarabija proglasila sobstvenu republiku v sostavu Rosije, znanu kako Moldovska demokratična republika. V februaru 1918 goda ona proglasila nezaležnost od Rosije i brzo vošla v sostav Rumunije. To rěšeńje osparjal Sovětsky sojuz, ktory v 1924 godu osnoval Moldovsku avtonomnu republiku (ASSR) v ramkah sovětskoj Ukrajiny na ozemjah s moldovanami k iztoku od Besarabije.

V juniju-avgustu 1940 goda, poslě zaključeńja dogovora Molotova-Ribentropa, Rumuniju prinudili ustupiti Besarabiju i Sěvernu Bukovinu Sovětskomu sojuzu, poslě čego byla stvorjena Moldovska sovětska socialistična republika, ktora vključala večinstvo Besarabije i čest ozemij Moldovskoj ASSR. 27 avgusta 1991 goda, v čas razpada Sovětskogo sojuza, Moldovska SSR proglasila nezaležnost i prijela ime «Moldova». Ozemje Moldavije na iztočnom brěgu Dněstra byli pod faktičnoju kontroloju vlady Pridněstrovja s 1990 goda.

Moldavija jest unitarna parlamentska republika. Vhodi v Organizaciju sjedinjenyh narodov. Valuta Moldavije jest moldovsky lev.

1. ↑ "Republica Moldova - Geografie". Moldova.md. 26 avgusta 2016.
2. ↑ "Populaţia cu reședință obișnuită, la 1 ianuarie 2021 (pg.12)" (PDF). Statistica.gov.md. BNS Rep.Moldova.

• Tutoj članok imaje prěvod iz članka "Moldova" v Vikipediji na anglijskom (spis avtorov; dozvoljeńje CC BY-SA 4.0).