Pebrero 31
Ti Pebrero 31, no maipanggep iti moderno a Lumaud a kalendario a (nabaliwan Gregoriano), daytoy ket naipagpagarup laeng a petsa. Daytoy ket sagpaminsan nga inus-usar para kadagiti panggep ti kas pagarigan, tapno maipalawag urayno ania ti linaon ti kontesto a ti pakaammo a naiprespresenta ket artipisial ken saan a pudno a datos.[1] Ti Pebrero 30 ket sagpaminsan pay nga inus-usar iti isu met laeng a tabas,urayno adda met dagiti sabali a kalendario a lehitimado nga agus-usar ti Pebrero 30.
Iti daytoy a banag, dagitoy a "petsa" ket kapada iti sabali a nalawag a piksional a datos nga inus-usar iti isu met laeng a panggep, kasla iti 12th of Never wenno "John Q. Public" iti Ingles.
Dagiti kas pagarigan ti naigagara a panagusar
[urnosen | urnosen ti taudan]
- "[T]i umuna a rambakan ti Pebrero 31 iti lubong! ... Kaano: Intono Pebrero 31, wen aya! Ti rambakan ket mangrugi intono 12:61 PM..."[1] (panag-usar ti awan kaipapananna a datos iti panid ti pagikabilan ti nagan ti dominio).
- Ti maysa nga episoda ti presentasion ti Ti Oras ni Alfred Hitchcock a naibatay iti nobela iti isu met laeng a nagan babaen ni Julian Symons ket natituluan iti "The Thirty-First of February".[2] Ni David Wayne ket nagbida a kas lalaki a nasuspetsa a nagpatay iti asawana, ket naigaggagara a pinamauyong tapno agkompesar. Ti proseso ket mairaman ti maulit-ulit a panangibaliw ti kalendariona iti Pebrero 4, ti petsa ti ipupusay ti asawana, ken kanungpalan a panangibaliw daytoy iti awan a Pebrero 31.
- "wadan a panid ti web / Titulo ti Panid / Naudi a Napabaro idi Pebrero 31, 1999"[3] (kaspagarigan a panag-usar ti datos kadagiti pangipakaamo a materiales).
Dagiti pannakaipasngay
[urnosen | urnosen ti taudan]Ti Ripley's Believe It or Not! ket nangibagbaga a ni William O'Malley, "segun ti dokumento ti pannakaipasngayna idiay Clifden, Irlanda, ket naipasngay idi 1853 Pebrero 31".[4]
Kitaen pay
[urnosen | urnosen ti taudan]
Dagiti nagibasaran
[urnosen | urnosen ti taudan]- ^ a b "You are invited..." Feb31.com. Naala idi 2010-02-27.
- ^ "The Thirty First of February". tv.com. Naiyarkibo manipud iti kasisigud idi 2011-06-04. Naala idi 2009-08-30.
- ^ Maricopa Center for Learning and Instruction (2002). "Lesson 12: Address Footers and E-Mail Links". Writing HTML: A Tutorial for Creating Web Pages. Maricopa Community Colleges. Naiyarkibo manipud iti kasisigud idi 2012-12-29. Naala idi 2007-07-06.
- ^ Ripley Enterprises, Inc. (Septiembre 1969). Ripley's Believe It or Not! 15th Series. New York City: Pocket Books. p. 25. ISBN 0-671-80473-1.