Diplazium
| Diplazium | |
|---|---|
| |
| Diplazium dietrichianum | |
| Taksonomia | |
| Pagarian: | Plantae |
| Klado: | Tracheophytes |
| Klase: | Polypodiopsida |
| Urnos: | Polypodiales |
| Sub-urnos: | Aspleniineae |
| Pamilia: | Athyriaceae |
| Henero: | Diplazium Swartz |
| Dagiti sebbangan | |
|
Kitaen ti teksto | |
Ti Diplazium ket ti henero dagiti pako nga espesipiko a mangiraman kadagiti agarup a 400 nga ammo a sebbangan dagiti twinsorus a pako. Ti kayat a sawen ti Griego a ramut ti diplazein ket doble: ti indusia iti daytoy a henero ket mairukan kadagiti dua a bangir iti urat. Dagitoy a pako ket nasapsapada a naikeddeng a parte dagiti pamilia ti Athyriaceae, Dryopteridaceae,[1] Aspleniaceae, wenno Polypodiaceae ngem masansanda a mabigbig a kas maitagikua iti bukodda a taksonomiko a pamilia. Narigat ken di unay ammo ti taksonomia iti daytoy a henero, ken babaen idi 2009 saan pay daytoy a suheto iti maysa a kompleto a monograpiko a panagadal.[2] Ti pannakaiwarwarasda ket pantropikal, nga adda met dagiti bassit a sebbangan a maigay-at kadagiti temperado a lugar.[1][3]
Ti risoma iti henero ti Diplazium ket agdumaduma manipud iti agdalapdap aginggana iti tumakder, ken nasiksikan. Dagiti dakkel a nabingbingay a bulong ket matnag-bulong wenno kankanyon a berde, tropopodiko[nb 1] ken mabalin a monomorpiko wenno nakapuy a dimorpiko. Ti estipe ket berde, nauneg a naguritan manipud iti ngato, ken mabalin a daytoy ket nasiksikan wenno nalamuyot. Daytoy ket kankanayon nga addaan kadagiti dua nga immindayon a baskular a reppet. Dagiti bulong ket mabalin a bugbugtong wenno dagiti dua ket interoda pinnado, sumakop manipud iti arinduyog-sukog gayang aginggana iti deltate, ken manipud iti hierba aginggana iti marapapel. Daytoy ket addaan kadagiti nalinteg a basalo a soro a naparisan iti agbatog iti isu met laeng nga urat. Nalinteg ken agtultuloy ti indusium, ken marakayumanggi ti esporangio. Adda dagiti kadawyan a sebbangan a mangiraman ti Diplazium hymenodes, ti pako a paboreal; Diplazium esculentum, ti nateng a pako; Diplazium molokaiense, ti twinsorus a pako ti Molokai; ken ti Diplazium lonchophyllum, ti gayang-bulong a pako ti wayang.
Taksonomia
[urnosen | urnosen ti taudan]Ti Diplazium ket adda iti pamilia ti Athyriaceae iti klado ti eupolypodiales II iti urnos ti Polypodiales,[4] iti klase ti Polypodiopsida.[5] Ti kadawyan a pako ti wayang iti Amianan nga Amerika, ti Diplazium pycnocarpon, ket nabirukan a saan a maitagikua iti dayta a henero, ngem imbes ket a naikabil iti henero ti Homalosorus (Diplaziopsidaceae) [4]
Dagiti napili a sebbangan
[urnosen | urnosen ti taudan]- Diplazium australe
- Diplazium dietrichianum
- Diplazium esculentum
- Diplazium melanochlamys
- Diplazium molokaiense
- Diplazium sibiricum
Dagiti nota
[urnosen | urnosen ti taudan]- ^ Ti tropopoda ket ti organo a pagipenpenan ti makan a naipalawag manipud kadagiti bilang dagiti pako iti Amianan nga Amerika. Buklen daytoy iti naipadakkel ken nabaliwan a batayan ti bulong a napunno iti kulanit a pagipenpenan iti almidon. Kitaen da W. H. Wagner, Jr. ken D. M. Johnson, Taxon, Vol. 32, No. 2 (Mayo, 1983), pp. 268-269 para iti ad-adu pay a pakaammo ti daytoy nga organo.
Dagiti nagibasaran
[urnosen | urnosen ti taudan]- ^ a b "3. Diplazium Swartz", Flora of North America
- ^ Leticia Pacheco and Robbin C. Moran. Lectotypification of Several Names Currently Placed in Diplazium (Woodsiaceae). American Fern Journal, Vol. 93, No. 2 (Abr. - Hun., 2003), pp. 90-92
- ^ "Diplazium esculentum". Germplasm Resources Information Network (GRIN). Agricultural Research Service (ARS), United States Department of Agriculture (USDA). Naala idi 12 Enero 2018.
- ^ a b Maarten J. M. Christenhusz; Xian-Chun Zhang; Harald Schneider (2011). "A linear sequence of extant families and genera of lycophytes and ferns" (PDF). Phytotaxa. 19: 7–54.
- ^ Alan R. Smith; Kathleen M. Pryer; Eric Schuettpelz; Petra Korall; Harald Schneider; Paul G. Wolf (2006). "A classification for extant ferns" (PDF). Taxon. 55 (3): 705–731. doi:10.2307/25065646. Naiyarkibo manipud iti kasisigud (PDF) idi 2008-02-26.