Olisa Metuh

Olisa Metuh

mmádu

ụdịekere	nwoke
mba o sị	Naijiria
aha enyere	Olisa
Ebe ọmụmụ	Otolo
asụsụ ọ na-asụ, na-ede ma ọ bụ were na-ebinye aka	Bekee, pidgin Naịjirịa
ọrụ ọ na-arụ	onye ọka iwu
ebe agụmakwụkwọ	University of Nigeria
onye otu ndọrọ ndọrọ ọchịchị	People's Democratic Party

Olisa Metuh audio (help·info) bụ onye ọka iwu n'ala Naijiria, onye ndọrọ ndọrọ ọchịchị na kwa ode akwukwọ mkpọsa ochie nke otu People's Democratic Party . ^{[1] [2]}

A mụrụ Chief Olisa Metuh na Otolo, Nnewi North, na Anambra Steeti, n'ebe ndịda ọwụwa anyanwụ Nigeria . ^[3] O nwetara nzere bachelọ nke iwu na Mahadum Nigeria, Nsukka dị n'Enugwu steeti, e wee kpọbata ya n'otu ndị ọka iwu Naijiria n'afọ otu puku na narị iteghete na iri asatọ na asatọ (1988)^[4] Ọ malitere ọrụ iwu ya na ụlọ ọrụ iwu Olisianunba, ụlọ ọrụ iwu nke nna ya nwere. N'afọ otu puku na narị iteghete na iri iteghete (1990), o hiwere ụlọ ọrụ mmekọ ọnụ nke a na-akpọ Metuh, Okafor & Associates, ebe ọ rụrụ ọrụ dịka onye ọka iwu njikwa. ^[5] N'afọ otu puku na narị iteghete na iri iteghete na otu (1991), a họpụtara ya ka ọ bụrụ onye isi oche nke ụlọ ọrụ akpọrọ Legend Properties Limited, ụlọ ọrụ na-ahụ maka ijikwa ihe onwunwe. ^[6] O mechara debanye aha dị ka onye na-enye ndụmọdụ gbasara itinye ego n'otu Securities and Exchange Commission (SEC). ^[7] N'afọ otu puku na narị iteghete na iri iteghete na isii (1996), o guzobere Ụlọ Ọrụ Iwu, Olisa Metuh & Co, iji nye ọrụ n'ihe gbasara omume iwu, ala, na ịkekọrịta ihe nnweta. ^{[8] [9]}

Ọ malitere ọrụ ndọrọndọrọ ọchịchị dịka onye nhazi ọgbakọ Igbo United Congress. ^[10] Mgbe ọ na-eje ozi n'ọkwa ahụ, ọ bụkwa onye so na kọmitii na-ahụ maka ego n'otu People's National Forum (PNF). ^[11] Ọ jere ozi dị ka otu onye izizi na kọmitii na-ahụ maka ego mba nke otu People's Democratic Party . ^[12] Na ọnwa Nọvemba n'afọ otu puku na narị iteghete na iri iteghete na iteghete (1999), na Mgbakọ Mba mbụ nke PDP, a họpụtara ya ka ọ bụrụ onye isi oche nke otu National Executive Committee (NEC) nke pati ahụ. ^[13] O mechara bụrụ odeakwụkwọ nke otu National Peace and Reconciliatory Committee nke pati ahụ afọ abụọ. ^[14] N'afọ puku abụọ na abụọ (2002), a họpụtara ya ka ọ bụrụ onye isi oche ngalaba ntuli aka nke steeti Cross River. ^[15] E mechara họpụta ya ka ọ bụrụ onye otu ngalaba na-enyocha iwu nke People's Democratic Party. ^[16] N'afọ puku abụọ na isii (2006), ọ ghọrọ onye isi oche ụlọ ọrụ ntuliaka Abia steeti ma sorokwa na-elekọta ntuliaka na pati dị iche iche di na steeti Abia . ^[17] N'afọ puku abụọ na asaa (2007,) a họpụtara ya ka ọ bụrụ onye na-enyocha ka ego si gaa na kwa onye so na kọmitii na-arụ ọrụ nke pati nke a kpọrọ National Working Committee (NWC) ^[18] E mechara họpụta ya ka ọ bụrụ osote onye isi oche nke pati na mpaghara ndịda ọwụwa anyanwụ. ^{[19] [20]} Ọ jere ozi dịka odeakwụkwọ mgbasa ozi mba nke otu People's Democratic Party site n'afọ puku abụọ na iri na atọ (2013) wee ruo n'afọ puku abụọ na iri na ise (2015) mgbe otu ahụ tụfuru ikike gọọmenti etiti n'aka ndị mmegide All Progressives Congress, APC. ^{[21] [22]}

Ka onwa Jenụwarị gbara mkpụrụ ụbọchị ịse n'afọ puku abụọ na iri na isii (2016), ndị Economic and Financial Crimes Commission, (EFCC) nwụchiri Olisa Metuh, ^[23] ka ọ bịa zara ọnụ ya n'okwu gbasara ụfọdụ ego metụtara nkwekọrịta ngwa ọgụ ka a chọpụtara na o metụtara ụlọ ọrụ ya. ^[24]

"Site na ndekọ dị iche iche, Metuh nwetara ihe karịrị narị nde naira anọ, o kwubeghị ihe ọ bụla n'ihi na anyị chọrọ ka e weghachite ego ọha na eze ka e were ya mee ihe maka ọdịmma ọha," Maazị Magu kwuru n'oge nzukọ ya na ndị na-ebipụta mgbasa ozi n'ịntanetị na Lagos nwere. ^[25]

Ka ọnwa Febụwarị gbara mkpụrụ ụbọchị ịse n'afọ puku abụọ na iri na asatọ (2018), Olisa Metuh rutere n'ụlọ ikpe gọọmentị etiti dị na Abuja na ụgbọ ihe mberede. ^[26] Ọ nọghị ya mgbe a nụrụ ikpe ahụ n'izu gara aga.

• Onye otu ndị ọka iwu Naijiria
• Onye otu International Bar Association
• Onye otu Association of Business Lawyers of Nigeria.

• Otu ndọrọ ndọrọ ọchịchị People's Democratic Party

• Profaịlụ Chief Olisa Metuh