Amedeo Modigliani
| Amadeo Modigliani | |
|---|---|
 | |
| Land |  Italia
|
| Nascentie | 12-im de julí 1884 in Livorno, Italia |
| Morte | 24-im de januar 1920 in Paris, Francia |
| Ocupation | Pictor, Scupltor |
Amadeo Clemente Modigliani esset un famosi pictor e sculptor de Italia. Il nascet ye li 12-im de julí 1884 in Livorno, Italia e morit ye li 24-im de jannuar 1920 in Paris, Francia. Amadeo Modigliani es famosi pro su act-picturas de nud féminas, qui il pictet in un modern stil, quel esset estimat quam scandalosi.
Amadeo Modigliani originat de un judeic familie in Livorno. Il studiat a un privat scola por picter e dessiner e il studiat li arte del renascentie e picter acte-picturas. In li 1900 Amadeo Modigliani maladijat a tuberculose. In li annu 1906 Modigliani translocat a Paris (Francia).
In Paris Amadeo Modigliani anc comensat laborar quam sculptor. Il esset activ quam sculptor inter 1909 e 1913.
Amadeo Modigliani esset in un relation con li pictora Jeanne Hébuterne e li cuple havet un comun filia. Li cuple volet maritar, ma Amadeo Modigliani morit ye li 24-im de januar 1920. Du dies plu tard Jeanne Hébuterne fat suicidie.
Ovre
[modificar | redacter fonte]Li ovre de Amadeo Modigliani consiste ex circa 420 picturas e dessines e circa 25 sculpturas. Li grand majorité de su picturas es portretes. Li ovres de Modigliani uni expressionist, cubistic e simbolistic elementes.