The Rolling Stones
| The Rolling Stones |
|---|
| instantia de: banda[*], banda rock[*] |
| parte de: British Invasion[*] |
|
|
|
| data de creation: 1962 |
| sito web official: https://rollingstones.com |
| Commons: The Rolling Stones |
The Rolling Stones es un gruppo anglese de rock, formate in London in 1962. Illes deveniva un del plus succedite gruppos de rock. Durante lor avantiamento decisive commercial, le membros esseva Mick Jagger (vocales), Keith Richards (gitarra), Brian Jones (gitarra), Bill Wyman (gitarra basso) e Charlie Watts (batteria). Mick Taylor reimplaciava Jones in 1969. Quando Taylor partiva in 1974, ille esseva reimplaciate per Ronnie Wood. Wyman partiva in 1993. Chuck Leavell (clavieros) e Darryl Jones (guitarra basso) nunc sona con le banda, ma non es membros official.
Le gruppo esseva formate per Brian Jones e pianista Ian Stewart, ben que Stewart esseva removite tosto. Jones nominava le banda pro le canto Rollin' Stone per le musico Muddy Waters. Initialmente Jones dirigeva le banda e illes interpretava cantos del blues e rock del annos 1950. Con le incoragiamento de lor gerente Andrew Loog Oldham, Jagger e Richards comenciava scriber cantos e le banda cultivava un imagine plus rebelle que The Beatles, lor contemporaneos e amicos. Lor 1965 canto (I Can't Get No) Satisfaction esseva un successo mundial e deveniva un del cantos plus iconic del annos 1960. Illes consolidava lor popularitate con le canto Paint it Black e lor prime album de cantos original, Aftermath (1966). Le influentia de Jones declinava proque ille non comenciava scriber cantos e a causa de su narcomania. Ille esseva destituite in 1969 e moriva tosto in un accidente de necamento.
Post un experimento breve con rock psychedelic, le banda retornava a blues rock con un serie de albumes popular, acclamate e influential: Beggar's Banquet (1968), Let It Bleed (1969), Sticky Fingers (1971) e Exile on Main St. (1972). Le banda continueva ha successo commercial usque le initio del annos 1980, specialmente le albumes Some Girls (1978) e Tattoo You (1981). Le annos 1980 videva un declino commercial e le banda non faceva toures. Post 1990, le banda ha publicate nove musica minus frequentmente, ma ha continuite facer concertos. Lor toures recente ha essite grande successos commercial.
The Rolling Stones ha durate quasi sexanta annos e vendite circa 240 milliones de discos. Illes esseva inducite in le Rock and Roll Hall of Fame in 1989 e le UK Music Hall of Fame in 2004.
Albumes
[modificar | modificar fonte]- The Rolling Stones / England's Newest Hit Makers (1964)
- 12 X 5 (1964)
- The Rolling Stones No. 2 (1965)
- The Rolling Stones, Now! (1965)
- Out of Our Heads (1965)
- December's Children (And Everybody's) (1965)
- Aftermath (1966)
- Between the Buttons (1967)
- Their Satanic Majesties Request (1967)
- Beggars Banquet (1968)
- Let It Bleed (1969)
- Sticky Fingers (1971)
- Exile on Main St. (1972)
- Goats Head Soup (1973)
- It's Only Rock 'n Roll (1974)
- Black and Blue (1976)
- Some Girls (1978)
- Emotional Rescue (1980)
- Tattoo You (1981)
- Undercover (1983)
- Dirty Work (1986)
- Steel Wheels (1989)
- Voodoo Lounge (1994)
- Bridges to Babylon (1997)
- A Bigger Bang (2005)
- Blue & Lonesome (2016)
- Hackney Diamonds (2023)