Wikipedia:Evita terminos evasive

Nota

Iste pagina documenta un directiva de Wikipedia in interlingua.

Iste directiva es generalmente acceptate per le communitate, e deberea esser observate. Nonobstante, rememora applicar le senso commun e que il pote occasionalmente haber exceptiones.

Iste es un declaration flagrantemente partial:

"Montreal es le melior citate del mundo."

Iste es un tentativa apathic de simular impartialitate:

"Alicun personas dice que Montreal es le melior citate del mundo."

Qui lo dice? Tu? Io? Quando illes lo diceva? Quante personas pensa assi? Que typo de gente pensa assi? Ubi es illes? Que predispositiones illes ha?

A minus que tu pote fornir un facie o nomine como fonte del opinion, tu non redige con real impartialitate. Tu solo divulga rumores, o (plus probabilemente) occulta tu opinion personal per medio de un vage syntaxe indirecte.

Tu debe evitar usar iste e altere terminos que disguisa un vision non impartial:

"Alicun personas dice que..."
"...es amplemente considerate..."
"...ha essite denominate..."
"Uno crede que..."
"Uno ha suggerite que..."
"Alicun personas crede que..."
"Se diceva que..."
"Alicunos dicerea que..."

Ecce un scripto evasive:

"Uno ha suggerite que George W. Bush pote esser un analphabeto functional."

Le sequente es tanto evasive quanto illo:

"Le criticos del presidente ha suggerite que George W. Bush pote esser un analphabeto functional."

Qualcunque persona qui scribe isto es per definition un critico. Illo es logica circular. Le redactor debe trovar un fonte — o melio ancora, un citation — pro le opinion.

Le autor Michael Moore in su libro Stupid White Men scribeva un littera aperte a George Bush. In illo, ille demandava: "George, tu es capace de leger e scriber in un nivello adulte?".

Si tu declarationes non es simplemente un question de opinion personal, trova alcun evidentia pro dar fundamento a illo. O, si illo es realmente un facto, scribe le declaration simplemente, sin terminos evasive. Si tu non ha un fonte, ni un evidentia, ni confidentia que illo es un facto, exclude integremente le declaration partial e infundate.