Szaloncukor

Le szaloncukor (pronuncia secundo le IPA como 'sɒlonʦukoɾ) es un hungare typo de bonbons pro le Natal coperite per chocolate, inveloppate singularmente in brillante papiro de seta, respectivemente folio de stanno a fin que illos pote esser pendite sur le ramos del arbore de Natal. Le nomine se traduce literalmente como "sucro de salon(es)", que significa "bonbon de salon", reflectente su origine como un decoration del arbore de Natal in le salones del domos hungare.

Le ancestre del szaloncukor es le bonbons fondant del franceses, le quales illes comenciava producer in le XIVte seculo. De illac immigrante pastisseros german los portava a in Hungaria in le prime tertio del XIXne seculo. (Illes lo nominava in germano Salonzuckerl.) De alora le familias hungare del classe alte comenciava decorar lor arbores de Natal con iste bonbons. Malgrado le origine francese (un simile cosa hodie es le papillote) e le mediation german solmente hungaros los usava e usa como ornamentos al arbore del Natal.

Illos esseva initialmente facite de sucro e sec fructos, ma le receptas ha evolvite durante le annos. Hodie le szaloncukor es typicamente facite de sucro, cacao, e un varietate de plenationes, includente marzapane, pralina, e gelea de fructos. In Hungaria illos pote esser comprate in le botecas e magazines circum le periodo ante le Natal, ma on pote producer iste confectos tamben domesticamente.

In multe domos hungare le decoration del arbore de Natal (anque con szaloncukor) es un festive activitate familial.

Le szaloncukor es a causa de su sapor dulce e su brillante inveloppamento un parte integral del traditiones de Natal in Hungaria e "Hungarophonia", i. e. territorios circa Hungaria, ubi on parla le hungaro como lingua minoritari, i.e. le plus in territorios de Slovachia e Romania. Le szaloncukor es un hungarico (hungaricum, hungarikum) in le senso que representantes de nulle altere nationes lo usa in iste forma del papiros coperiente que servi pro poter pender lo sur le abiete del Natal como ornamento. Mesmo proque le hungaros necubi in le estraniero pote comprar iste bonbons in le magazines, illes mesme los produce domesticamente a fin que illos ornamenta lor abietes de Natal anque extra Hungaria.