Hjalmar Söderberg

Hjalmar Söderberg
Sexo	mascule
Nascentia	1869-07-02 (Stockholm)
Decesso	1941-10-14 (Copenhagen)
Loco de reposo	Vestre Cemetery[*]
Citatania	Svedia
Educate in	Universitate de Uppsala
Occupation	jornalista[*], traductor, dramaturgo, poeta[*], romancero[*], designator[*], scriptor, critico litterari[*]
Obras notabile	Q10501736[*], Historietter[*], Martin Birck's Youth[*], Doctor Glas[*], Gertrud[*], The Serious Game[*]
Conjuge	Märta Söderberg[*]
Infantes	Tom Söderberg[*], Mikael Söderberg[*], Betty Söderberg[*], Dora Söderberg[*]
Premios	Samfundet De Nio's Grand Prize[*]
Lingua	svedese
Sito	http://www.soderbergsallskapet.se/
Identificatores
ISNI	0000000121214583
VIAF	14783431
IMDB	nm0845464
Commons	Hjalmar Söderberg

Hjalmar Söderberg es un autor svedese del seculo 20. Certo ille esseva controverse durante su vita ma su obras es ancora legite hodie. Su stilo ha un modulation trivial e es clar, modic, exacte e ironic. Ille participava activemente in le debatto social e ille es considerate como un multo bon descriptor de Stockholm. Su roman, "Den allvarsamma leken" (disponibile in interlingua sub le titulo Le joco seriose^[1]), su ultime belletristic, esseva jam in le annos 1940 appellate "le sol importante roman de amor de nostre litteratura." Ma illo tamben evocava critica a causa del conto de un relation extraconjugal.

Hjalmar Söderberg nasceva 1869 in Stockholm, in un parte del urbe appellate Östermalm. Ille habeva un soror, Frida, qui esseva un anno plus juvene. Su patre esseva revisor de contos in un autoritate administrative. In le schola ille sovente esseva exponite a crueltate e physic e psychic per le cameradas e le corte del schola esseva un camera de tormento pro ille, lo que es testificate per le autor e poeta Bo Bergman, un amico in tote su vita, qui vadeva in le mesme schola, Norra Latin. Post le schola ille comenciava al Universitate de Uppsala ma malgrado su extreme aviditate de leger libros, desde multe annos, ille finiva post alcun menses 1890. Jam al etate de 20 annos ille comenciava scriber critica in le jornal Dagens Nyheter.

Durante le annos 1899-1917 ille esseva maritate con Märta Abenius e illes habeva tres infantes. Post 1906 illes a vices viveva in Copenhagen. In 1907 ille incontrava le danesa Emelie Voss in Mölle, Svedia, e esseva inamorate ma solmente in 1917, post le divorcio ab Märtha, ille la maritava. Solmente in januario 1919 ille vermente esseva registrate como danese lo que ille esseva usque a su morte in 1941. Ille viveva in plure locos in Copenhagen e su suburbios. Con Emelie ille habeva un filia Betty que esseva un actrice successose e maritava Hakon Stangerup, un historico de litteratura. Illes habeva duo infantes, Henrik Stangerup e Helle Stangerup e iste graninfantes de Hjalmar ambes deveniva autores. Hjalmar Söderberg es interrate in un tumba de familia in le cemeterio Vestre Kirkegård in Copenhagen.

Durante plure annos ille esseva empleate in le direction general del doana. In le annos 1891-1892 ille laborava como jornalista de cultura in le jornal Kristianstadsbladet. Post isto ille retornava a Stockholm e comenciava scriber critica in le jornales Dagens Nyheter e Ord och Bild. In 1897 ille esseva recrutate al gruppo circum le autor Verner von Heidenstam que habeva prendite possession del jornal Svenska Dagbladet. Isto deveniva pro ille un platteforma importante que le rendeva subsistentia regular. In ille jornal ille laborava usque a 1908 como critico e autor de columnas. Alora ille deveniva reputate como jornalista de cultura.

In 1908 ille debuteva como autor de romanes e le prime esseva Förvillelser 1895 (Confusiones). Doktor Glas (Doctor Glas) es per multes considerate como lingualmente perfecte e le plus bon que es scribite in le lingua svedese. Su ultime roman traditional esseva Den allvarsamma leken 1912 (Le joco seriose). Illo eveliava multe reactiones differente. Alcunes lo considerava como un roman grande e emotionante de amor intertanto como alteres lo considerava como un fallimento. Un critico in le annos 1940 Ingemar Wizelius, lo considerava como le "sol importante roman de amor de nostre litteratura". Hodie le appreciation pare haber supervivite plus que le disapprobation. Hjalmar Söderberg habeva un historia de amor con Maria von Platen lo que obviemente ha resultate in tracias in le roman "Den allvarsamma leken" ma tamben in le pecia de theatro Gertrud. Durante le annos 1925-1940 ille esseva un collaborator in Göteborgs Handels- och Sjöfartstidning ubi ille, como Torgny Segerstedt, le famose redactor in chef, scribeva articulos multo critic contra le nazismo e su autocrates. Su production esseva multo grande e ille scribeva, poemas, novellas, columnas de jornales, recensiones de litteratura e theatro, romanes e dramas. Ille tamben ha traducite plure libros estranier, p. ex. per Anatole France, Guy de Maupassant, Alfred de Musset e Heinrich Heine.

Ille habeva un correspondentia vivide, i.a. con le autor danese Georg Brandes, e Bo Bergman e multes de iste letteras es publicate. Su obras es traducite in al minus 20 linguas.
In 2012 apparera un traduction in interlingua del libro "Den allvarsamma leken", "Le joco seriose",que essera imprimite e vendite per Lulu.com.
Durante su ultime annos ille scribeva de plus in plus minus litteratura belletristic ma se interessava pro scientia del religiones p.ex. in Den förvandlade Messias (1932) (Le Messias transformate) ubi ille opina que Jesus e Barabbas esseva le mesme persona. Ille naturalmente eveliava critica quando ille criticava le christianismo. Le archiepiscopo Nathan Söderblom scribeva un vice que "iste obras de Söderberg pertine a illos que on debe negliger con silentio". Sovente ille participava in debattos super ideas actual de jornalismo.

1895 Förvillelser -- Confusiones
1898 Historietter -- Historiettas
1901 Martin Bircks ungdom -- Le juventute de Martin Birck
1903 Främlingarna -- Le forasteros
1905 Doktor Glas -- Doctor Glas
1906 Gertrud -- Gertrud
1912 Den allvarsamma leken -- Le joco seriose
1918 Jahves eld -- Le igne de Jahve
1928 Jesus Barrabas -- Jesus Barrabas

Bibliographia (in svedese) plus complete in: http://litteraturbanken.se/#!forfattare/SoderbergH/presentation
E "Doktor Glas" e "Den allvarsamma leken" es filmate duo vices. Le ultime ha essite emittit"e como radiotheatro e feuilleton radiophonic in Svedia.

Quando on celebrava le centennario de su nascentia le Posta svedese editava un timbro con un portrait de Söderberg, que eveliava un certe interesse. Le pinctura esseva facite per Martin Lamm e le gravura per Arne Wallhorn, e quando on studia le timbro on pote perciper que un femina con longe capilllos sede in le genu del autor. Ille esseva reputate pro su "affaires" con feminas diverse. Partialmente a causa de iste affaires ille al fin emigrava a Copenhagen.

• Le grande premio de "De Nio" (Le Novem) 1934
• Le stipendio de Gustaf Fröding 1941

1. ↑ In 2012 illo esseva traducite in interlingua per Erik Enfors e Ingvar Stenström e es editate per Lulu.com.