Eric Bentley

Eric Russell Bentley (Bolton, Lancashire, Anglaterra le 14 de septembre 1916 – New York City, New York, SUA le 5 de augusto 2020) esseva un critico theatral, dramaturgo, cantator, redactor, e traductor.^[1] In 1998, ille esseva admittite al Sala de Fama Theatral Statounitese. Ille esseva alsi un membro del Sala de Fama Theatral de Nove York, in recognition de su multe annos de representationes in cabaret.

Nascite in Lancashire, Bentley studeva in le Universitate de Oxford, recipente su grado in 1938. Depost ille studeva a University Yale (B. Litt. in 1939 e Ph.D. in 1941), ubi ille recipeva le Premio John Addison Porter.^[2]

Comenciante in 1953, Bentley inseniava al Universitate Columbia e esseva un critico theatral pro le magazin The New Republic. Ille deveniva cognoscite pro su stylo brusc de criticismo theatral e esseva menaciate de litigation per ambe Tennessee Williams e Arthur Miller pro su recensiones disfavorabile de lor obra. In 1960–1961, Bentley esseva le Professor Charles Eliot Norton al Universitate Harvard.

Bentley esseva un del expertos preeminente re Bertolt Brecht, que ille incontrava al Universitate de California, Los Angeles como un homine juvene e cuje obra ille traduceva extensivemente. Ille editava le edition de Grove Press del obra de Brecht, e faceva duo albumes del cantos de Brecht pro Folkways Records, le major parte de qual previemente non esseva jammais gravate in anglese.

In 1968, ille signava le voto del Writers and Editors War Tax Protest, jurante a refusar pagamento de taxas in opposition al participation statounitese in le Guerra Civil Vietnamese.^[3]

Su ludo The Red, White, and Black (Le Rubie, Blanc, e Nigre) esseva representate a La MaMa Experimental Theatre Club in 1971 in collaboration con le Columbia University School of the Arts Theatre Division.^[4]

Comenciante in 1975, Andrei Serban dirigeva plure productiones del traduction per Bentley de Le Bon Femina de Setzuan a La MaMa, com musica per Elizabeth Swados. Le production de 1975^[5] esseva sequite per un production in 1976^[6] e un altere production in 1978.^[7] Le Great Jones Repertory Company alsi representava le ludo in plure citates in Europa in 1976.^[8]

Bentley esseva elegite un Fellow del American Academy of Arts and Sciences in 1969.^[9] Le mesme anno, ille faceva public su homosexualitate. In un interview in le The New York Times le 12 de novembre 2006, ille diceva que ille esseva sposate duo vices ante annunciar publicamente su sexualitate al etate de 53, a qual tempore illa departiva su position como le Professor Brander Matthews de Litteratura Dramatic a Columbia pro concentrar in su scripto. Ille citava su homosexualitate como un influentia in su obra theatral, in particular Lord Alfred's Lover, basate in le vita de Oscar Wilde.

Ille ha ganiate le Premio Obie pro Complimento in Theatro in Su Vita del American Theatre Wing in 2006 e un Premio Robert Chesley in 2007.^[10]

Bentley deveniva un citatano statounitese in 1948 e viveva in New York City. Un centenario, ille moriva al etate de 103 annos.^[11]

Ille scribeva multe libros de criticismo theatral. In addition, ille esseva le redactor de The Importance of Scrutiny (1964), un collection de Scrutiny: A Quarterly Review, e Thirty Years of Treason: Excerpts from Hearings Before the House Committee on Un-American Activities, 1938–1968 (1971). Su ludo le plus frequentemente representate, Are You Now Or Have You Ever Been: The Investigations of Show-Business by the Un-American Activities Committee 1947–1958 (1972), esseva basate in le transcriptiones del Committee de Activitates Antiamerican del Camera de Representantes collegite in Thirty Years of Treason.^[12]

• 1944: A Century of Hero Worship
• 1946: The Playwright As Thinker
• 1947: Bernard Shaw
• 1948: The Modern Theatre
• 1953: In Search of Theater
• 1956: What Is Theatre?
• 1964: The Life of the Drama
• 1971: Thirty Years of Treason
• 1972: Theater of War
• 1981: Brecht Commentaries
• 1987: Thinking About The Playwright

• 1967: A Time To Live & A Time To Die (publicate per Broadway Play Publishing Inc.)
• 1972: Are You Now Or Have You Ever Been: The Investigations of Show-Business by the Un-American Activities Committee 1947–1958
• 1979: Lord Alfred's Lover (collegite in Monstrous Martyrdoms, 1985)
• 1985: H for Hamlet
• German Requiem (collegite in Monstrous Martyrdoms, 1985)
• Round One (publicate per Broadway Play Publishing Inc.)
• Round Two (publicate per Broadway Play Publishing Inc.)
• "The Sternheim Trilogy" continente The Underpants, The Snob, & 1913 (publicate per Broadway Play Publishing Inc.)

1. ↑ Eric Bentley. Recuperate le April 11, 2015.
2. ↑ Historical Register of Yale University, 1937–1951 (New Haven: Yale University Press, 1952), p. 80.
3. ↑ "Writers and Editors War Tax Protest" January 30, 1968 New York Post
4. ↑ La MaMa Archives Digital Collections. "Production: Red, White, and Black, The (1971)". Accessed August 15, 2018.
5. ↑ La MaMa Archives Digital Collections. "Production: Good Woman of Setzuan, The (1975)". Accessed August 15, 2018.
6. ↑ La MaMa Archives Digital Collections. "Production: Good Woman of Setzuan, The (1976)". Accessed August 15, 2018.
7. ↑ La MaMa Archives Digital Collections. "Production: Good Woman of Setzuan, The (1978)". Accessed August 15, 2018.
8. ↑ La MaMa Archives Digital Collections. "Tour: Great Jones Repertory Company European Tour (1976)". Accessed August 15, 2018.
9. ↑ Book of Members, 1780–2010: Chapter B. American Academy of Arts and Sciences. Recuperate le June 15, 2011.
10. ↑ "2006 | Obie Awards" (in en-US), Obie Awards (2006). 
11. ↑ Eva C. Schweitzer (2016-12-30). Übersetzer Eric Bentley "Brecht witterte überall Sabotage und Nazis" (germano). Recuperate le January 21, 2017.
12. ↑ "Eric Bentley", glbtq: An Encyclopedia of Gay, Lesbian, Bisexual, Transgender, and Queer Culture, 2006

Iste pagina contine material traducite ab Wikipedia in anglese. Le articulo original se trova in le version 885073477 de en:Eric Bentley, e es usate secundo le mandatos del licentia de Wikipedia.