1984 (romance)
| 1984 |
|---|
| instantia de: obra litterari[*] |
|
|
|
| precedite per: Animal Farm |
| data de creation: 1948 |
| Commons: Nineteen Eighty-Four |
1984 es un romance de fiction scientific dystopic per George Orwell, publicate in 1949. Le romance es locate in un mundo que es dominate per totalitarianismo, guerra perpetue, surveliantia in massa, propaganda e paupertate, durante un futuro imaginari in le anno 1984. Orwell, un socialista democratic, diceva que ille habeva lo scribite pro "como un demonstration del perversiones ... que ha jam essite realisate per communismo e fascismo." Le romance es etiam un exemplo de fiction scientific social.
Le mundo del romance es regite per tres superstatos. Le loco es Grand Britannia, nunc un provincia del superstato Oceania. Le Partito regente de Oceania usa le Policia de Pensar pro persequer le individualitate e opposition. Le chef national Grande Fratre ha un intense culto de personalitate, ma ille non es vidite e ille forsan non existe. Le fabula es le historia de Winston Smith, un membro commun del Partito que sonia re rebellion e comencia un relation prohibite con Julia, un collega.
Le romance deveniva un successo immediate e es nunc considerate un classico moderne del litteratura anglese. Multe de su conceptos es famose in cultura popular e le romance es sovente discutite per scepticos al surveliantia de governamentos.