IPhone 14 Pro
| iPhone 14 Pro iPhone 14 Pro Max | |
|---|---|
 Մուգ մանուշակագույն iPhone 14 Pro | |
| Կարգախոս | Pro. Beyond. |
| Արտադրող | Foxconn |
| Տեսախցիկ | TrueDepth 12 ՄՊ |
| Օպերացիոն համակարգ | iOS 16 |
| Պրոցեսոր | Apple A15 Bionic |
| Օպերատիվ հիշողություն | 6 ԳԲ |
| Հիշողության քարտ | 128, 256, 512 ԳԲ, 1 ՏԲ |
| Կապ | 4G LTE / 5G NR |
| Սերիա | iPhone |
| Նախորդ | IPhone 13 Pro |
| Կապված թեմաներ | iPhone 14 |
| Ուրիշ | [1] |
iPhone 14 Pro և iPhone 14 Pro Max, «Apple Inc.» ընկերության սմարթֆոններ։ Այն աշխատում է iOS 16 օպերացիոն համակարգով և Apple A16 Bionic մշակիչով։ Սարքերը ներկայացվել են iPhone 14-ի և iPhone 14 Plus-ի հետ միասին 2022 թվականի սեպտեմբերի 7-ին Կալիֆոռնիաի Կուպերտինոյում Apple Park-ում Apple-ի հատուկ միջոցառման ժամանակ։ Նախնական պատվերները սկսել են 2022 թվական սեպտեմբերի 9-ին, իսկ վաճառքը սկսվել է 2022 թվականի սեպտեմբերի 16-ին[1][2]։
Ձևավորում
[խմբագրել | խմբագրել կոդը]
Ի տարբերություն Apple-ի մնացած սմարթֆոնների՝ սկսած iPhone X-ից, ձևափոխվել են սարքավորման առջևի մասերը։ «Խազ»-ի փոխարեն այժմ տեղակայված է Dynamic Island-ը` էկրանի երկարավուն կտվրվածքը։
iPhone 14 Pro-ն և 14 Pro Max-ը հասանելի են 4 գույնով՝ արծաթագույն, տիեզերական սև, ոսկեգույն և մուգ մանուշակագույն։ Մուգ մանուշակագույնը նոր գույն է, որը փոխարինում է լեռնային կապույտին, իսկ տիեզերական սևը՝ գրաֆիտին։
| Գույն | Անվանում |
|---|---|
| Արծաթագույն | |
| Ոսկեգույն | |
| Տիեզերական սև | |
| Մուգ մանուշակագույն |
Մուգ մանուշակագույնը հանդես է գալիս որպես Apple շարքի նոր գույն։ Նախկինում Apple-ը թողարկել է iPhone 13 սերիայում կանաչ գույնը, որը բավականին դրական արձագանքներ է ստացել օգտատերերից։
Առանձնահատկություններ
[խմբագրել | խմբագրել կոդը]Էկրան
[խմբագրել | խմբագրել կոդը]Մոդելը հագեցած է Super Retina XDR էկրանով, որի մաքսիմալ լուսավորվածությունը հասնում է 2000 կդ/մ²։ Էկրանը նաև ունի LTPO տեխնոլոգիայով 120 Հց թարմացման հաճախություն։ iPhone 14 Pro-ն կազմում է 2556x1179 փիքսել կետայնություն 460 ppi-ի դեպքում, այն դեպքում, երբ iPhone 14 Pro Max-ն ունի 2796x1290 փիքսել կետայնություն 460 ppi-ի դեպքում։ Այն ունի մատնահետքերի դիմացկուն օլեոֆոբիկ ծածկույթ՝ միաժամանակ մի քանի լեզուների և նիշերի ցուցադրման աջակցությամբ։ Երկու սմարթֆոններն էլ աջակցում են «Always On Display» գործառույթին։
Տեսախցիկ
[խմբագրել | խմբագրել կոդը]iPhone 14 Pro և Pro Max մոդելներում տեղադրված է նոր 48-մեգափիքսելային սենսոր, որը համարվում է վերջին 7 տարվա մեջ ամենամեծ թարմացումը։ Այն թույլ է տալիս օգտագործել հեռախոսով արված կրկնակի նկար, որը ապահովում է կրկնակի օպտիկական զումը և 4K վիդեո՝ առանց օպտիկական զումի։ Apple-ն արդեն օգտագործում է նոր «Photonic Engine» շարժիչը՝ նկարների և տեսանյութերի լավ որակի համար։ Դիմային տեսախցիկն արդեն լուսավորվում է ավտոֆոկուսի միջոցով, իսկ դիմանկարային ռեժիմում արդեն թույլ է տալիս ճանաչել մի քանի մարդու։
Մարտկոց
[խմբագրել | խմբագրել կոդը]| Օգտագործում | Ժամանակ (ժ) |
|---|---|
| Վիդեոյի վերարտադրություն | մինչև 24 (14 Pro) և 29 (14 Pro Max) |
| Տեսանյութի դիտումը սթրիմինգի ժամանակ | մինչև 20 (14 Pro) և 25 (14 Pro Max) |
| Երաժշտության վերարտադրություն | մինչև 75 (14 Pro) և 95 (14 Pro Max) |
Կապ
[խմբագրել | խմբագրել կոդը]iPhone 14 Pro-ն և ProMax-ը, ինչպես ԱՄՆ շուկայի համար արտադրված iPhone 14-ը և 14 Plus-ը, չեն ստացել ֆիզիկական SIM քարտի աջակցությունը (2 eSIM)[3]։ Եվրոպական երկրների համար արտադրված սմարթֆոնների համար ստացել է 1 ֆիզիկական SIM քարտի և 1 eSIM-ի աջակցություն, իսկ Չինաստանի համար՝ 2 ֆիզիկական SIM քարտի աջակցություն։
Ծրագրային ապահովում
[խմբագրել | խմբագրել կոդը]Ինչպես iPhone 14-ն ու 14 Plus-ը, iPhone 14 Pro և Pro Max-ի վրա նախապես տեղադրված համակարգը համարվում է iOS 16-ը, որը թողարկվել է եկել 2022 թվականի սեպտեմբերի 12-ին։
Dynamic Island
[խմբագրել | խմբագրել կոդը]Dynamic Island-ը, որն ավելացվել է IPhone-ի նախկին մոդելներում՝ սկսած iPhone X-ից, սենսորային «խազ»-ի վերաիմաստավորումն է, որը iPhone 14 Pro-ում տեղակայված է կտրվածքում՝ էկրանի վերևի մասից շատ քիչ առանձնացած։ Այն նախատեսված է օգտակար ինֆորմացիայի համար, ինչպիսիք են ապարատային և համակարգի մակարդակի ծանուցումները, լրատվամիջոցների նվագարկման տվյալները և հավելվածին հատուկ այլ գործառույթներ։ Այս պատկերակները կարող են ցուցադրվել որպես ընդլայնում սենսորների երկու կողմերում, իսկ ֆոնը համապատասխանում է էկրանի կտրվածքի սև գույնին և, ըստ երևույթին, սահուն ընդլայնում է այն[4]։ Dynamic Island-ը կարող է նաև ընդարձակվել՝ հարմարեցնելով iPhone 14-ի ավելի լայն էկրանին։ Օրինակ, մուտքային զանգի ծանուցումները հայտնվում են որպես սենսորներից հորիզոնական տարածվող պաստառ, մինչդեռ Face ID-ի ցուցիչները ընկնում են սենսորային կտրվածքից ուղղահայաց, այլ ոչ թե հայտնվում են էկրանի կենտրոնում, ինչպես նախորդ մոդելներում։
Լրացուցիչ մանրամասների համար կարելի է նաև սեղմել Dynamic Island-ի վրա, որպեսզի տեղեկանալ, օրինակ, ընթացիկ գործողություններից, ինչպիսիք են երթուղիները քարտեզների վրա կամ սպորտային միավորները, կարող են նաև ընդլայնվել՝ սեղմելով և պահելով տարածքը։
iPhone 14-ի գովազդ
[խմբագրել | խմբագրել կոդը]IPhone 14-ի գովազդը հակասությունների տեղիք է տվել Իդրիս Էլբայի «Biggest» երգի պատճառով․ որոշ օգտատերեր «Nigga» բառը լսել էին ռասիստական ենթատեքստով։ Apple-ը ստիպված է եղել հեռացնել վոկալը կտրել սաունդթրեքից գովազդի հեռարձակումից երկու ամիս անց[5]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Представлены iPhone 14 Pro и iPhone 14 Pro Max с новым вырезом Dynamic Island, который заменил чёлку». iXBT.com (ռուսերեն). 2022 թ․ սեպտեմբերի 7. Վերցված է 2022 թ․ սեպտեմբերի 7-ին.
- ↑ «Apple представила iPhone 14 Pro и 14 Pro Max — экраны без «чёлки», новый процессор и камеры, спутниковая связь». 3DNews (ռուսերեն). 2022 թ․ սեպտեմբերի 7. Վերցված է 2022 թ․ սեպտեմբերի 7-ին.
- ↑ «Apple kills off the SIM tray on the iPhone 14 and 14 Pro in the US». Engadget (ամերիկյան անգլերեն). Վերցված է 2022 թ․ նոյեմբերի 23-ին.
- ↑ Smith, Chris (2022 թ․ սեպտեմբերի 7). «What is Dynamic Island? iPhone 14 Pro notch feature explained».
- ↑ «Apple вырезала вокал из рекламы iPhone 14, потому что некоторым слышалось «niggers» вместо «biggest»». Афиша (ռուսերեն). Վերցված է 2022 թ․ նոյեմբերի 28-ին.
Արտաքին հղումներ
[խմբագրել | խմբագրել կոդը]- iPhone 14 Pro / iPhone 14 Pro Max Apple-ի պաշտոնական կայքում։(անգլ.)