Ջասթին Չեմբերս

Ջասթին Չեմբերս; անգլ.՝ Justin Chambers
Ծնվել է	հուլիսի 11, 1970 (54 տարեկան)
Ծննդավայր	Սփրինգֆիլդ, Օհայո, ԱՄՆ
Քաղաքացիություն	ԱՄՆ
Մայրենի լեզու	անգլերեն
Կրթություն	Southeastern Local High School?, North High School? և HB Studio
Մասնագիտություն	դերասան, հեռուստատեսային դերասան, կինոդերասան, մոդել, հնչյունավորող և կինոպրոդյուսեր
	Justin Chambers Վիքիպահեստում

Ջասթին Չեմբերս (անգլ.՝ Justin Chambers հուլիսի 11, 1970(1970-07-11), Սփրինգֆիլդ, Օհայո, ԱՄՆ), ամերիկացի դերասան և մոդել, որը առավել հայտնի է «Գրեյի անատոմիա» երկարատև հեռուստասերիալում խաղացած Ալեքս Կարևի դերով։

Կարիերա

Չեմբերսը մոդելի իր կարիերան սկսել է Փարիզում։ Նա Եվրոպայում, Ճապոնիայում և Միացյալ Նահանգներում աշխատել է Քելվին Քլայնի, Ջորջիո Արմանիի և Դոլչե և Գաբանայի համար^[1]։ Այն բանից հետո, երբ որոշել է սկսել իր դերասանական կարիերան, Չեմբերսը տեղափոխվել է Նյու Յորք, որտեղ HB Studios-ում չորս տարի սովորել է դերասանական վարպետություն։

1995 թվականին, ինչպես նաև շատ ուրիշ մոդելներ, Չեմբերսը իր դեբյուտային դերը կատարել է «Այլ աշխարհ» ցերեկային սերիալում։ Նա շուտով հեռացվել է սերիալից և դրանից հետո փորձել է իր կարիերան կառուցել փրայմ թրայմ սերիալներում։ Նա հայտնվել է մի քանի սերիալներում, իսկ 1998 թվականին «Քառանկյուն» փրայմ թրայմ հեռուստասերիալում ստացել է կանոնավոր դեր՝ փորձելով ստեղծել «Դալլաս» սերիալի նոր տարբերակը, որը փակվել է երկու էպիզոդից հետո։ Հաջորդ տարում նա առաջնաելույթ է ունեցել մեծ էկրանում՝ «Ազատության բարձունքները» ֆիլմում, որից հետո նկարահանվել է «Հարսանեկան իրարանցում» ռոմանտիկ կատակերգությունում՝ որպես Ջենիֆեր Լոպեսի ամուսին, որի հաջողությունից հետո նա խաղացել է «Հրացանակիրը» և «Կենդանակերպ» ֆիլմերի գլխավոր դերերում^[1]։

2005 թվականին Շոնդա Ռայմսը Չեմբերսին ընդունել է իր «Գրեյի անատոմիա» սերիալում, որը հանկարծակի բավականին մեծ հաջողության է հասել և արդյունքում դարձել է տասնամյակի ամենաքննարկվող և վարկանիշային հեռուստանախագծերից մեկը։ 2007 թվականին նա այլ դերասանների հետ արժանացել է ԱՄՆ կինոդերասանների գիլդիա մրցանակի՝ դրամատիկական սերիալում լավագույն դերասանական կազմի համար^[2]

Անձնական կյանք

Ջասթին Չեմբերսը ծնվել է Օհայո նահանգի Սփրինգֆիլդ քաղաքում։ Հայրը եղել է շերիֆի տեղակալ, իսկ մայրը՝ տնային տնտեսուհի^[3]։ 1993 թվականին ամուսնացել է իր մոդելային գործակալության գործընկեր Քեյշի հետ։ Զույգը ունեցել է չորս երեխա՝ Իզաբելլան, Մայա և Կայլա երկվորյակները, Եվան և Ջեքսոնը։

Ֆիլմագրություն

Ֆիլմեր

Տարի	Անվանում	Բնօրինակ անվանում	Դեր	Ծանոթագրություն
1999	Ազատության բարձունքները	Liberty Heights	Թրեյ
2001	Հարսանեկան իրարանցում	The Wedding Planner	Մասիմո
2001	Հրացանակիրը	The Musketeer	Դ'Արտանյան
2002	Լեո	Leo	Ռայան Էյմս
2005	Հարավային գեղեցկուհիները	Southern Belles	Ռեթ Բաթլեր
2005	Կենդանակերպ	The Zodiac	Տեսուչ Մեթ Փերիշ
2008	Բարի գալուստ Լեյքվյու	Lakeview Terrace	Դոնի Իտոն
2013	Կոտրված քաղաքը	Broken City	Ռայան
2013	Արդարության Լիգա։ Կոնֆլիկտի աղբյուրի պարադոքս	Justice League: The Flashpoint Paradox	Բարի Ալեն	Հնչյունավորող, Direct-to-video

Հեռուստատեսություն

Տարի	Անվանում	Բնօրինակ անվանում	Դեր	Ծանոթագրություն
1995	Այլ աշխարհ	Another World	Նիկոլաս Հադսոն # 1	Ցերեկային սերիալ
1996	Կրակե բերք	Harvest of Fire	Ջորջ	Հեռուստաֆիլմ
1996	Սվիֆթի արդարադատությունը	Swift Justice	Ռիկ	Էպիզոդ 1
1997	Ռոուզ Հիլ	Rose Hill	Քոուլ Քլեյբորն	Հեռուստաֆիլմ
1998	Չորս անկյուն	Four Corners	Քալեբ Հեսկել	Կանոնավոր դեր, որը փակվել է երկու էպիզոդից հետո
1999	Սիրո ժամանակը	Seasons of Love	Մեծահասակ Հոքինգ	Հեռուստաֆիլմ
2002	Հիստերիկ կուրություն	Hysterical Blindness	Ռիկ	Հեռուստաֆիլմ
2003	Դետեկտիվ Ռաշ	Cold Case	Крис Лэссинг	Էպիզոդ 3
2004	Գաղտնի ծառայություն	The Secret Service	Չարլզ Բրոդի	Պիլոտային սերիա
2005- 2019	Գրեյի անատոմիա	Grey’s Anatomy	Ալեքս Կարև	Կանոնավոր դեր 2007 թվական - ԱՄՆ կինոդերասանների գիլդիա մրցանակ՝ դրամատիկ սերիալում լավագույն դերասանական կազմի համար 2007 թվական - «Ուղեկից» մրցանակ՝ դրամատիկական սերիալում լավագույն դերասանական կազմի համար 2005 թվական - Teen Choice Award մրցանակ՝ տարվա առաջընթաց 2006-2008 թվականներ - ԱՄՆ կինոդերասանների գիլդիա մրցանակ՝ դրամատիկ սերիալում լավագույն դերասանական կազմի համար
2009	Մանավոր պրակտիկա	Private Practice	Алекс Карев	Էպիզոդ 1

Ծանոթագրություններ

↑ ^1,0 ^1,1 «Justin Chambers- Biography». Yahoo!. Արխիվացված է օրիգինալից 2012 թ․ հոկտեմբերի 20-ին. Վերցված է 2013 թ․ հուլիսի 28-ին.
↑ «Awards for Justin Chambers». Internet Movie Database. Արխիվացված է օրիգինալից 2013 թ․ հունիսի 3-ին. Վերցված է 2013 թ․ հուլիսի 28-ին.
↑ Justin Chambers Biography (1970-)

Վիքիպահեստն ունի նյութեր, որոնք վերաբերում են «Ջասթին Չեմբերս» հոդվածին։

[yahoo-1] 1,0 ^1,1 «Justin Chambers- Biography». Yahoo!. Արխիվացված է օրիգինալից 2012 թ․ հոկտեմբերի 20-ին. Վերցված է 2013 թ․ հուլիսի 28-ին.

[awards-2] «Awards for Justin Chambers». Internet Movie Database. Արխիվացված է օրիգինալից 2013 թ․ հունիսի 3-ին. Վերցված է 2013 թ․ հուլիսի 28-ին.

[3] Justin Chambers Biography (1970-)

[1]

[2]

[3]