Նիքրոմ

Նիքրոմ, [նի(կել) և քրոմ], քրոմնիկելային համաձուլվածք [65–80% նիկել, 15–30% քրոմ, երբեմն՝ սիլիցիում (մինչև 1,5%), ալյումին (մինչև 3,5%) և այլ տարրեր պարունակող], որը բնութագրվում է բարձր կրակակայունությամբ և տեսակարար էլեկտրական դիմադրությամբ։ Կիրառվում է էլեկտրական վառարանների և սարքերի տաքացնող տարրեր պատրաստելու համար։ Աշխատանքային առավելագույն ջերմաստիճանը՝ ~1200°C։ Թողարկվում են նաև նիքրոմի տիպի համաձուլվածքներ, որոնցում նիկելի մի մասը (20% և ավելի) փոխարինված է երկաթով (ֆեռոնիքրոմներ)։

• Էլեկտրական դիմադրողականություն - 1,05-1,4 Օհմ· մմ²/մ (կախված խառնուրդի դասից);
• դիմադրության ջերմաստիճանի գործակից - ${\displaystyle (0,1-0,25)\cdot 10^{-3}K^{-1}}$
• խտությունը - 8200-8500 կգ/մ³;
• հալման կետ - 1100-1400 °C;
• աշխատանքային ջերմաստիճանը - 800-1100 °C;
• տեսակարար ջերմունակություն - 450 Ջ/(կգ Կ) 25 °C-ում;
• ձգման դեպքում ամրության սահմանը - 0,65-0,70 ԳՊա;
• ջերմահաղորդունակության գործակիցը - 11.3 վտ/(մ·Կ);
• գծային ջերմային ընդարձակման գործակիցը՝ ${\displaystyle 14\cdot 10^{-6}K^{-1}}$։

• Նիկելի համաձուլվածքներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 308)։