Վիքիպեդիայից՝ ազատ հանրագիտարանից
Լոշ (ֆր.՝ Loches. ֆրանսերեն արտասանութամբ՝ (
լսել)), համայնք Ֆրանսիայում՝ Կենտրոն-Լուարի հովիտ երկրամասի Էնդր և Լուար դեպարտամենտում, որի կազմի մեջ մտնող նույնանուն շրջանի վարչական կենտրոնն է։ Ընկած է երկրի մայրաքաղաք Փարիզից մոտավորապես 220, Օռլեանից՝ 110 կմ դեպի հարավ-արևմուտք, Տուր քաղաքից՝ 38 կմ դեպի հարավ-արևելք[4]։
Տնտեսությունը զգալի չափով կողմնորոշված է դեպի զբոսաշրջությունը։ Բացի այդ, լքված քարհանքերում շամպինիոն տեսակի սունկ են աճեցնում մեծ ծավալներով։
Բնակչությունը՝ 6486 մարդ (2007 ):
Բնակչության թվաքանակը
| 1872 | 1876 | 1881 | 1886 | 1891 | 1896 | 1901 | 1906 | 1911 | 1921 | 1926 | 1931 |
| 4 964 | 5 085 | 5 096 | 5 141 | 5 132 | 5 182 | 5 161 | 5 115 | 5 346 | 4 652 | 4 754 | 4 761 |
Բնակչության թվաքանակը
| 1936 | 1946 | 1954 | 1962 | 1968 | 1975 | 1982 | 1990 | 1999 | 2006 | 2007 |
| 4 944 | 5 515 | 5 525 | 5 902 | 6 359 | 6 738 | 6 772 | 6 544 | 6 328 | 6 375 | 6 486 |
- Ֆուլկ III, Անժուի կոմս (970–1040), միջնադարյան ամրոցների կառուցման առաջին և մեծ նախաձեռնողներից մեկը[5]
- Ագնես Սորել ( 1409 - 1450 ), XV դարի կուրտիզանուհի, ֆրանսիական թագավոր Շառլ VII- ի սիրուհին։
- Լոդովիկո Սֆորցա ( 1452 - 1508 ), Միլանի դուքս Սֆորցա դինաստիայից, Վերածննդի դարաշրջանի տաղանդավոր գործիչ։
- Ժան Լա Բալյու ( 1421 - 1491 ), ֆրանսիացի քաղաքական և կրոնական գործիչ, կարդինալ և դիվանագետ, ծառայում էր Ֆրանսիայի թագավոր Լուի XI- ին։
- Ֆիլիպ դը Կոմին (մոտ 1447 - 1511 ), ֆրանսիացի դիվանագետ և պատմաբան, Լյուդովիկոս XI և Կառլ VIII թագավորների խորհրդական։ Համարվում է ժամանակակից պատմագրության հիմնադիրներից մեկը, ֆրանսերեն առաջին հուշագրությունների հեղինակը։
- Ալֆրեդ դը Վինյի ( 1797 - 1863 ), կոմս, ֆրանսիացի բանաստեղծ, վիպասան, թատերագիր[6]։
- Լուի Դելապորտ ( 1842-1925 ), ֆրանսիացի հետազոտող գիտնական և նկարիչ։
- Մարի-Ժոզեֆ Լաֆայետ (1757-1834 ), ֆրանսիացի քաղաքական գործիչ։ Երեք հեղափոխությունների մասնակից.
- Ժակ Վիլրե ( 1951 - 2005 ), ֆրանսիացի կինոդերասան, կատակերգու։
- Ժան Պոլ Պենեն, (1949-), դիրիժոր
- Դոնժոն, կառուցված մոտավորապես 1000 թվականին, 36 մ բարձրությամբ։
- Hortus conclusus
- Թագավորական պալատը, որ Հարյուրամյա պատերազմի ժամանակ Վալուա տոհմի արքաների սիրած կեցավայրերից մեկն էր։
- Թագավորական դարպաս, կառուցված XII-XV դդ.
- Սանտ Անտուանի զանգակատուն, քաղաքային զանգակատուն՝ 52 մ բարձրությամբ, կառուցվել է 1529-1575 թվականների միջակայքում։
- Վինյեմոնի քարհանք (ֆր.՝ Carrière de Vignemont), տուֆի լքված հանքավայր, որն օգտագործվում է սունկ աճեցնելու համար։
- Սանսակ ամրոց (ֆր.՝ Manoir de Sansac), հայտնի է իր ասիմետրիկ ճակատային պատով։ Հենց այստեղ են առաջին անգամ հանդիպել Ֆրանցիսկոս I-ը և Կառլոս V-ը ։
- Le Patrimoine des Communes d’Indre-et-Loire. Flohic Editions, Band 2, Paris 2001, ISBN 2-84234-115-5, S. 827–844.
Ֆրանսիա
