[go: up one dir, main page]
Jump to content

Լիլ Փիփ

Վիքիպեդիայից՝ ազատ հանրագիտարանից
Լիլ Փիփ
Բնօրինակ անունանգլ.՝ Lil Peep
Ի ծնե անունԳուստավ Էլայջա Ար
Նաև հայտնի է որպեսԼիլ Փիփ
Ծնվել էնոյեմբերի 1, 1996(1996-11-01)[1]
Ալլենթաուն, Լեհայ շրջան, Փենսիլվանիա, ԱՄՆ
Երկիր ԱՄՆ և  Շվեդիա
Մահացել էնոյեմբերի 15, 2017(2017-11-15)[1] (21 տարեկան)
Թուսոն, Պրիմա շրջան, Արիզոնա, ԱՄՆ
ԳերեզմանԴիակիզում
Ժանրերէմո ռեփ, Լոու ֆայ երաժշտություն, Թրեպ երաժշտություն, փոփ փանկ, ալտերնատիվ ռոք, էմո ռոք և ալտերնատիվ հիփ հոփ
Մասնագիտությունռեփեր, երգիչ, երգերի հեղինակ, մոդել և երաժիշտ
Գործիքներվոկալ
ԼեյբլFirst Access Entertainment, Columbia Records[2] և AWAL
ԿրթությունԼոնգ Բիչի ավագ դպրոց
Կայքlilpeep.com
 Lil Peep Վիքիպահեստում

Գուստավ Էլայջա Ար (անգլ.՝ Gustav Elijah Åhr, նոյեմբերի 1, 1996(1996-11-01)[1], Ալլենթաուն, Լեհայ շրջան, Փենսիլվանիա, ԱՄՆ - նոյեմբերի 15, 2017(2017-11-15)[1], Թուսոն, Պրիմա շրջան, Արիզոնա, ԱՄՆ), առավել հայտնի է Լիլ Փիփ (անգլ.՝ Lil Peep) կեղծանվամբ, ամերիկացի ռեփեր, երգիչ, երգերի հեղինակ, մոդել։

Վաղ տարիներ

[խմբագրել | խմբագրել կոդը]

Ծնվել է Փենսիլվանիայի Ալենթաուն բնակավայրում և մեծացել Լոնգ-Այլենդի հարավային ափում։ Ծնողները Հարվարդի համալսարանի ավարտականներ են, ովքեր ամուսնալուծվել էին, երբ Գուստավը դեռահաս էր։ Հայրը քոլեջում պրոֆեսոր է աշխատել, իսկ մայրը՝ սկսնակ դասարանների ուսուցչուհի։

Արը դադարել է դպրոց հաճախել, իսկ ուսումն ավարտել է առցանց դասընթացների միջոցով[3]։ Ավելի ուշ սկսել է հետաքրքրվել երաժշտությամբ և իր կատարումները տեղադրել է ՅուԹյուբում և SoundCloud-ում։

17 տարեկան հասակում Արը տեղափոխվել էր Լոս Անջելես, որպեսզի զբաղվի իր երաժշտական կարիերայով։ Այնտեղ ընդգրկվել է լոսանջելեսյան «GothBoiClique» ռեփ կոլեկտիվի կազմ, դառնալով էմո ռեփի առաջին ներկայացուցիչներից մեկը[4]։

Կարիերա

[խմբագրել | խմբագրել կոդը]

Սկիզբ (2015-2017)

[խմբագրել | խմբագրել կոդը]

2015 թվականին Լիլ Փիփը թողարկել է իր առաջին միքսթեյփը` «Lil Peep Part One»-ը, որն առաջին իսկ շաբաթում SoundCloud հարթակում հավաքել է 4000 լսում։ Այդ ամենից հետո թողարկեց «Feelz»-ը և ևս մեկ միքսթեյփ՝ «Live Forever»-ը[5][6]։

2016 թվականին թողարկեց ևս երկու միքսթեյփ՝ «Crybaby»-ն և «Hellboy»-ը[3]։

«Come Over When You’re Sober» (2017)

[խմբագրել | խմբագրել կոդը]

2017 թվականի հունիսի 2-ին իր ինստագրամյան էջում Փիփը հայտարարեց իր դեբյուտային` «Come Over When You’re Sober» ալբոմի մասին[7]։ Ալբոմը թողարկվեց օգոստոսի 15-ին[8]։ «Come Over When You’re Sober» ալբոմի աշնանային շրջագայությունը մեկնարկել է հոկտեմբերի 2-ին և պետք է ավարտվեր 2017-ի նոյեմբերի 16-ին[9], սակայն Փիփը կնքեց մահկանացուն նոյեմբերի 15-ին՝ թմրանյութերի չարաշահումից։

Տեսահոլովակներ

[խմբագրել | խմբագրել կոդը]

2017 թվականի հունիսի 8-ին Լիլ Փիփը թողարկեց «Benz Truck» երգի երաժշտական տեսահոլովակը։

Մինչ այդ, Լիլ Փիփը ինքնուրույն նկարահանել է իննը տեսահոլովակ՝ «Backseat», «Girls», «White Wine», «Gym Class», «Beamerboy», «Drugz», «Live Forever», «California World», «Your Eyes» և «White Tee»[10]։

2017 թվականի հուլիսի 27-ին Լիլ Փիփը թողարկեց «The Brightside» երգի տեսահոլովակը, որը նրա դեբյուտային ալբոմի երկրորդ սինգլն է[11]։

Երաժշտական ոճ

[խմբագրել | խմբագրել կոդը]

Լիլ Փիփը նկարագրվում է որպես «Soundcloud ռեփեր», իսկ իր երաժշտական ոճը ասոցացվում է լոու ֆայ ռեփի և էմո թրապի հետ[12][13]։ Գուստաֆի երգերը հիմնված են հարավային ռեփի և փոստհարդռոք ոճի վրա[14]։ Նյու Յորք Թայմս ամսագիրը նշել է, որ վերջին 24 ամիսների ընթացքում Փիփը «հանդես է գալիս ավելի մռայլ և դիմանկարային թողարկումներով, որը բնորոշ է Կուրտ Քոբեյնին»[14]։

Լիլ Փիփի երաժշտությունը պարունակում է լիրիկական թեմաներ՝ ինքնասպանություն, նախորդ հարաբերություններ, թմրադեղերի օգտագործում և կախարդություն։ Նրան անվանում էին «ապագայի էմո»[15]։

Նրա երաժշտական կարիերայի վրա ազդեցություն են ունեցել Գուչի Մենը, Riff Raff-ը, Red Hot Chili Peppers խումբը, Crystal Castles-ը, Seshollowaterboyz-ը, Rozz Dyliams-ը, My Chemical Romance և Panic! At the Disco խմբերը[16][17]։

Գուստավը տրոմբոն և տուբա երաժշտական գործիքների է տիրապետել[18]։

Անձնական կյանք

[խմբագրել | խմբագրել կոդը]

2017 թվականին Գուստավը ապրել է Լոնդոնում և անդամակցել է «GothBoiClique» և «Schemaposse» խմբերին[19]։

Զուգընկերուհու հետ բաժանումից հետո մոտ վեց տարի չի կարողացել շփվել մարդկանց հետ։

Հայտնի է եղել թմրանյութերի օգտագործմամբ, հատկապես ունեցել է կախվածություն կոկաինից և քսանաքսից. այդ փաստը նա պարբերաբար հիշատակում էր սոցցանցերի գրառումներում[20][21]։ Ինստագրամի գրառումներից մեկում հայտարարել էր, որ «արդյունավետ թմրամոլ» է և կոչ է արել հրաժարվել թմրանյութերից։

2017 թվականի օգոստոսին թվիթթերում հայտարարել է, որ բիսեքսուալ է[22][23]։

Մահ

[խմբագրել | խմբագրել կոդը]
Հիմնական հոդված՝ Լիլ Փիփի մահ

2017 թվականի նոյեմբերին Արի մտերիմ ընկեր Ադամ Գրանդմեյսոնը հաղորդել է, որ Արը գտնվում է հիվանդանոցում չափազանց մեծ քանակությամբ թմրանյութի՝ կոկաինի և ֆենտանիլի օգտագործման արդյունքում։

Նոյեմբերի 15-ին Գուստավի մենեջերը հայտարարեց, որ Արը հիվանդանոցում կնքել է մահկանացուն[24]։ Մահը վրա է հասել Արիզոնայի Թուսոն քաղաքում սպասվելիք ելույթից առաջ[25]։ Գուստավ Արը 21 տարեկան էր։

Սկավառակագրություն

[խմբագրել | խմբագրել կոդը]
Հիմնական հոդված՝ Լիլ Փիփի սկավառակագրություն

Ստուդիական ալբոմներ

[խմբագրել | խմբագրել կոդը]

Միքսթեյփներ

[խմբագրել | խմբագրել կոդը]
  • Lil Peep Part One (2015)
  • Live Forever (2015)
  • Crybaby (2016)
  • Hellboy (2016)

Մինի ալբոմներ

[խմբագրել | խմբագրել կոդը]
  • Feelz (2015)
  • Vertigo (2016)
  • California Girls (2016)
  • Teen Romance (2016)
  • Castles (2016)
  • Castles II (2017)
  • Goth Angel Sinner (2019)

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ https://www.columbiarecords.com/artists/lil-peep/
  3. ↑ 3,0 3,1 «Meet Lil Peep, The All-American Reject You'll Hate To Love». The FADER (անգլերեն). Վերցված է 2017 թ․ նոյեմբերի 18-ին.
  4. ↑ «Lil Peep Has Died at Age 21». Noisey (ամերիկյան անգլերեն). 2017 թ․ նոյեմբերի 16. Վերցված է 2017 թ․ նոյեմբերի 18-ին.
  5. ↑ «Lil Peep @ The Foundry 10/30 | mxdwn.com». music.mxdwn.com (ամերիկյան անգլերեն). Վերցված է 2017 թ․ նոյեմբերի 18-ին.
  6. ↑ stereoboard.com. «Lil Peep Tour Dates & Tickets». Stereoboard.com (անգլերեն). Վերցված է 2017 թ․ նոյեմբերի 18-ին.
  7. ↑ «Lil Peep Announces Album Title, Shares "no respect freestyle"». The FADER (անգլերեն). Վերցված է 2017 թ․ նոյեմբերի 18-ին.
  8. ↑ «Come Over When You're Sober, Pt. 1 by Lil Peep on Apple Music». itunes.apple.com (բրիտանական անգլերեն). Վերցված է 2017 թ․ նոյեմբերի 18-ին.
  9. ↑ «Emo-rapper Lil Peep announces 'Come Over When You're Sober' tour - News - Alternative Press». Alternative Press (անգլերեն). Վերցված է 2017 թ․ նոյեմբերի 18-ին.
  10. ↑ «We Went To Lil Peep's House Today To Drop His "White Tee" Music Video». www.themaskedgorilla.com (անգլերեն). Արխիվացված է օրիգինալից 2017 թ․ նոյեմբերի 16-ին. Վերցված է 2017 թ․ նոյեմբերի 22-ին.
  11. ↑ «Lil Peep Looks at "The Brightside" In New Video | V Magazine». vmagazine.com. Արխիվացված է օրիգինալից 2017 թ․ օգոստոսի 4-ին. Վերցված է 2017 թ․ նոյեմբերի 22-ին.
  12. ↑ «How Losing SoundCloud Would Change Music». The Ringer. Վերցված է 2017 թ․ նոյեմբերի 22-ին.
  13. ↑ «♫ Listen: LIL TRACY - ✧✧✧ LIFE OF A POPSTAR✧✧✧». Tiny Mix Tapes (անգլերեն). Վերցված է 2017 թ․ նոյեմբերի 22-ին.
  14. ↑ 14,0 14,1 Harrison, Angus (2017 թ․ ապրիլի 21). «Lil Peep: the YouTube rapper who's taking back emo». The Guardian (բրիտանական անգլերեն). ISSN 0261-3077. Վերցված է 2017 թ․ նոյեմբերի 22-ին.
  15. ↑ «Tears of a Dirtbag: Rapper Lil Peep Is the Future of Emo | Pitchfork». pitchfork.com (անգլերեն). Վերցված է 2017 թ․ նոյեմբերի 22-ին.
  16. ↑ «"White Wine" by Lil Peep Review | Pitchfork». pitchfork.com (անգլերեն). Վերցված է 2017 թ․ նոյեմբերի 22-ին.
  17. ↑ «13 Artists You Need To Know About In 2017». The FADER (անգլերեն). Վերցված է 2017 թ․ նոյեմբերի 22-ին.
  18. ↑ «The Break Presents: Lil Peep - XXL». XXL Mag. Վերցված է 2017 թ․ նոյեմբերի 22-ին.
  19. ↑ Templeton, Lily (2017 թ․ հունիսի 22). «Front Row at Haider Ackermann Men's Spring 2018». WWD (ամերիկյան անգլերեն). Վերցված է 2017 թ․ նոյեմբերի 22-ին.
  20. ↑ «Is Lil Peep's Music Brilliant or Stupid as Shit?». Noisey (ամերիկյան անգլերեն). 2016 թ․ դեկտեմբերի 23. Վերցված է 2017 թ․ նոյեմբերի 22-ին.
  21. ↑ SINNER, GOTH ANGEL (6:03 PM - 16 Feb 2017). «I am a depressed drug addict and I'm nearing my breaking point. Everything I love is disappearing». @lilpeep (անգլերեն). Վերցված է 2017 թ․ նոյեմբերի 22-ին.
  22. ↑ Tracer, Dan (2017 թ․ օգոստոսի 9). «Rapper Lil Peep comes out as bi on Twitter». Վերցված է 2017 թ․ նոյեմբերի 22-ին.
  23. ↑ «Lil Peep Reveals He's Bisexual - XXL». XXL Mag. Վերցված է 2017 թ․ նոյեմբերի 22-ին.
  24. ↑ «Lil Peep Dies at 21». Billboard. Վերցված է 2017 թ․ նոյեմբերի 22-ին.
  25. ↑ Facebook; Twitter; options, Show more sharing; Facebook; Twitter; LinkedIn; Email; URLCopied!, Copy Link; Print (2017 թ․ նոյեմբերի 16). «Lil Peep, hero to the emo and hip-hop scenes, dies of suspected overdose at 21». Los Angeles Times (ամերիկյան անգլերեն). Վերցված է 2021 թ․ մայիսի 15-ին. {{cite web}}: |last= has generic name (օգնություն)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Լիլ Փիփ» հոդվածին։
Ֆոտո, վիդեո և աուդիո
Թեմատիկ կայքեր
Չափորոշչային վերահսկողություն
Ստացված է «https://hy.wikipedia.org/w/index.php?title=Լիլ_Փիփ&oldid=9918853» էջից