Բաո (մուլտֆիլմ)
 անգլ.՝ Bao | |
|---|---|
| Տեսակ | կարճամետրաժ ֆիլմ |
| Ժանր | կարճամետրաժ ֆիլմ |
| Գործողության վայր | Տորոնտո |
| Ռեժիսոր | Դոմի Շի |
| Պրոդյուսեր | Becky Neiman? |
| Գործադիր պրոդյուսեր | Փիթ Դոքթեր և Ջոն Լեսսետեր |
| Երաժշտություն | Թոբի Չու |
| Խմբագիր | Katherine Ringgold? |
| Երկիր |  ԱՄՆ |
| Ընկերություն | Walt Disney Pictures և Պիքսար |
| Դիստրիբյուտոր | Walt Disney Studios Motion Pictures և Դիսնեյ+ |
| Տևողություն | 8 րոպե[1] |
| Թվական | ապրիլի 21, 2018[2], հունիսի 15, 2018[3] և հուլիսի 19, 2018[4] |
| Պարգևներ | |
| MPAA վարկանիշ | G[6] |
| pixar.com/bao | |
Բաո (անգլ.՝ Bao), 2018 թվականի համակարգչային անիմացիոն կարճամետրաժ ֆիլմ՝ ստեղծված Pixar Animation Studios ընկերության կողմից։ Մուլտֆիլմի սցենարիստն ու ռեժիսորը Դոմի Շին է։ Ավանդույթի համաձայն՝ մուլտֆիլմը վարձույթի է հանվել ստուդիայի «Սուպեր ընտանիքը 2» լիամետրաժ ֆիլմի հետ միասին 2018 թվականի հունիսի 15-ին։ Մուլտֆիլմը պատմում է չին-կանադացի ծեր կնոջ մասին, որ տառապում է դատարկ բնի ախտանիշով և անսպասելիորեն ստանում է մայր դառնալու երկրորդ հնարավորություն բոացզիի պատրաստման ժամանակ, երբ կարկանդակներից մեկը կենդանանում է՝ ստանալով տղայի տեսք։
Սյուժե
[խմբագրել | խմբագրել կոդը]Չինուհին, որի ամուսինը շատ է աշխատում, խոհանոցում պատրաստում է բոացզի, որոնցից մեկը կենդանանում է և ստանում մարդկային տեսք։ Կինն սկսում է հոգ տանել նրա մասին և կերակրել նրան։ Մոր հոգատարությունը դուր չի գալիս տղային, որը ցանկանում է խաղալ այլ երեխաների հետ, բայց մայրը շատ է անհանգստանում նրա փխրունության համար։ Դառնալով դեռահաս՝ որդին ավելի է հեռանում մորից, որին չի բավականացնում նրա ուշադրությունը։ Երբ բոացզին տուն է բերում իր հարսնացուին և հայտնում ամուսնանալու իր մտադրության մասին, մայրը, չդիմանալով դրան և չցանկանալով որևէ մեկի հետ կիսել իր որդուն, կուլ է տալիս նրան։ Գիտակցելով իր արածը՝ մայրն սկսում է լացել։
Հաջորդ տեսարանում մայրը պառկած է անկողնում, իսկ նրա հարազատ որդին մտնում է սենյակ. այդ ժամանակ պարզ է դառնում մինչ այդ տեղի ունեցածի այլաբանությունը։ Մայրն ուշադրություն չի արժանացնում որդուն՝ թաքցնելով վիրավորանքը։ Ի վերջո նրանց հաջողվում է հասնել փոխըմբռնման։ Եզրափակիչ տեսարանում ողջ ընտանիքը որդու հարսնացուի հետ միասին պատրաստում է բոացզի և հեռուստացույց դիտում։
Ստեղծում
[խմբագրել | խմբագրել կոդը]«Բաո» մուլտֆիլմի ռեժիսորը Դոմի Շին է, որը եղել է առաջին կին ռեժիսորը, որ ստեղծել է անիմացիոն ֆիլմ Pixar ընկերությունում։ Պրոդյուսերը Բեքի Նյուման-Քոբն է[7][8]։ Դոմի Շին ունի չին-կանադական արմատներ և մուլտֆիլմի ստեղծման ժամանակ հենվել է իր կյանքի փորձի վրա՝ հիշելով, թե ինչպես էին ինքն ու մայրը պատրաստում խմորագնդիկներ և ցանկանալով ստեղծել ժամանակակից հեքիաթ[9][10]։ Մուլտֆիլմի գաղափարը ներկայացնելով ստուդիային՝ Դոմի Շին վախենում էր, որ Pixar-ն այն կարող է համարել բավական մռայլ ու մշակութային տեսանկյունից յուրահատուկ համընդհանուր ընկալման համար[9]։ Մուլտֆիլմում հանդիպում են բազմաթիվ մանր դետալներ, որոնք, ինչպես հույս ունի ռեժիսորը, ծանոթ կթվան ասիացի հանդիսատեսին. դրանցից են բրինձ եփելու կաթսան, մանեկի նեկոն կամ ստանոիլը, որով ծածկված է գազօջախը[9]։ Մուլտֆիլմի ստեղծման ժամանակ աշխատակիցները պարբերաբար այցելել են չինական թաղամաս, իսկ Շիի մայրը գնացել է Pixar և սովորեցրել պատրաստել բոացզի[9][11]։
Արձագանքներ
[խմբագրել | խմբագրել կոդը]The Verge կայքի՝ «Սուպեր ընտանիքը 2» մուլտֆիլմի նվիրված նյութում Տաշա Ռոբինսոնը «Բաոն» նկարագրել է որպես «չափազանց զգացմունքային փոքրիկ ֆիլմ» և «կատարյալ լրացում» գլխավոր ֆիլմին[12]։ Slate-ից Ինկու Կանգը ֆիլմը կոչել է «ասիա-ներգաղթյալների փորձի շարժվող ինկապսուլյացիա»[13]։ Digital Spy-ից Ջես Լին նշել է, որ ֆիլմը «խփել է տան շատ մոտ», սակայն ավելացրել է, այդ մուլտֆիլմում կան համընդհանուր թեմաներ, որոնք պետք է վերաբերեն մշակույթների մեծ մասին[14]։
Ֆիլմը շատ լավ է ընդունվել ասիացի հանդիսատեսի կողմից, թեև արևմտյան հանդիսատեսի մի մասը շփոթմունքի մեջ է ընկել։ Թվիթերյան մի գրառման մեջ ֆիլմը նկարագրել է որպես «իմ կյանքի ամենախճճված 10 րոպեները»[15][16]։
Ծանոթագրություններ
[խմբագրել | խմբագրել կոդը]- ↑ Bao (2018): Technical Specifications — 1990.
- ↑ Bao (2018): Release Info — 1990.
- ↑ Bao (2018): Release Info — 2019.
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
- ↑ https://www.oscars.org/oscars/ceremonies/91st-oscar-highlights
- ↑ https://www.filmratings.com/Search?filmTitle=Bao
- ↑ Chen, Heather (13 апреля 2018). «Bao, Pixar's first short by a woman, is the story of a Chinese dumpling» (անգլերեն). BBC News. Վերցված է 2018 թ․ օգոստոսի 7-ին.
- ↑ Lee, Jess (28 марта 2018). «Pixar's next short film centres on a Chinese mother and a cute baby dumpling» (անգլերեն). Digital Spy. Վերցված է 2018 թ․ օգոստոսի 7-ին.
- ↑ 9,0 9,1 9,2 9,3 Dockterman, Eliana (14 июня 2018). «The Story Behind Bao, the Adorable Short Before The Incredibles 2» (անգլերեն). TIME. Վերցված է 2018 թ․ օգոստոսի 7-ին.
- ↑ Soto, Kaly (27 июня 2018). «The Creator of 'Bao' on That Twist: 'Part of Me Wanted to Shock Audiences'» (անգլերեն). The New York Times. Վերցված է 2018 թ․ օգոստոսի 7-ին.
- ↑ Zack, Jessica (20 июня 2018). «Pixar's 'Incredibles 2' short preview 'Bao' powered by women — and food». San Francisco Chronicle. Վերցված է 2018 թ․ օգոստոսի 7-ին.
- ↑ Robinson, Tasha (15 июня 2018). «With Incredibles 2, Pixar moves away from complicated emotions» (անգլերեն). The Verge. Վերցված է 2018 թ․ օգոստոսի 7-ին.
- ↑ Kang, Inkoo (15 июня 2018). «Pixar's Bao Is so Much More Than an Appetizer for Incredibles 2» (անգլերեն). Slate. Վերցված է 2018 թ․ օգոստոսի 7-ին.
- ↑ Lee, Jess (17 июля 2018). «Pixar's dumpling short Bao had me crying, but the themes are universal» (անգլերեն). Digital Spy. Վերցված է 2018 թ․ օգոստոսի 7-ին.
- ↑ Lee, Jess (27 июня 2018). «Bao: Asian Americans hit back after some white people call Pixar's emotional short "confusing"» (անգլերեն). Digital Spy. Վերցված է 2018 թ․ օգոստոսի 7-ին.
- ↑ Radulovic, Petrana (26 июня 2018). «The polarized reactions to Pixar's 'Bao' are rooted in culture» (անգլերեն). Polygon. Վերցված է 2018 թ․ օգոստոսի 7-ին.
Արտաքին հղումներ
[խմբագրել | խմբագրել կոդը]- Bao(անգլ.) ֆիլմը Internet Movie Database կայքում
|
