Դեպոկ

Բնակավայր
Դեպոկ
Դրոշ Զինանշան Paricara Darma
Երկիր	Ինդոնեզիա
Համայնք	Արևմտյան Ճավա[1]
Ներքին բաժանում	Cimanggis?[2], Beji?[2], Pancoran Mas?[2], Limo?[2], Tapos?[2], Bojongsari?[2], Cipayung?[2], Sawangan?[2], Cilodong?[2], Sukmajaya?[2] և Cinere?[2]
Հիմնադրված է	ապրիլի 27, 1999[3] թ.
Մակերես	200,29 կմ²
ԲԾՄ	84 մետր
Պաշտոնական լեզու	ինդոնեզերեն
Բնակչություն	▼2,462 մարդ (2021)
Ժամային գոտի	UTC+7
Հեռախոսային կոդ	021
Ավտոմոբիլային կոդ	B
Պաշտոնական կայք	depok.go.id
Դեպոկ Վիքիպահեստում

Դեպոկ (ինդոն.՝ Kota Depok), Ինդոնեզիայի Արևմտյան Ճավա շրջանի միլիոնանոց քաղաքներից մեկը։ Դեպոկը գտնվում է հետևյալ կորրդինատներում՝ 6°23′24″ հվ. լ. 106°49′48″ ավ. ե.^HGЯOL, Ճավա կղզու հյուսիս-արևմուտքում։ Քաղաքը զարգանում է որպես Ջակարտայի քաղաք-արբանյակ, քանի որ բնակիչներից շատերը աշխատում են Ջակարտայում։

Քաղաքը գտնվում է Ինդոնեզիայի մայրաքաղաք Ջակարտայից դեպի հարավ։ Քաղաքի մակերեսը կազմում է 200,29 կմ², իսկ բնակչությունը՝ 2 330 333 մարդ (2018 թվականի մարդահամարի տվյալներով)։ Բնակչության խտությունը 11,634 մարդ/կմ² է։

1696 թվականի մայիսի 18-ին VOC ընկերության նախկին սպա Կորնելիս Չեստելեյնը գնել է 12,44 կմ² հողատարածք, որը կազմում է ներկայիս Դեպոկի ընդհանուր տարածքի 6,2%-ը։ Տեղացի աշխատողների շնորհիվ զարգացնելով արդյունաբերական գործարանները՝ Չեստելեյնը ուշադրություն է դարձրել նաև ինդոնեզացիներին քրիստոնեության ուսուցմանը։ Նա հիմնել է «De Eerste Protestante Organisatie van Christenen» (DEPOC) միաբանությունը^[4]։ Չնայած Դեպոկ անվանումը, որը նշանակում է «մեկուսի կացարան», գոյություն է ունեցել մինչ միաբանության հիմնադրումը, որոշ կարծիքներ կան նաև այն մասին, որ հենց միաբանության հապավումն է օգտագործվել որպես տեղանուն։ Իր մահից հետո Կորնելիս Չեստելեյնը ազատել է բոլոր ստրուկներին՝ նրանց բաժանելով հողեր և հողատեր դարձնելով։ 1871 թվականին հոլանդական կառավարությունը թույլատրել է Դեպոկին ունենալ սեփական կառավարությունը և նախագահը։ 1952 թվականին քաղաքի վերահսկողությունը հանձնվել է Ինդոնեզիային։

1982 թվականի մարտին Դեպոկը դարձել է վարչական քաղաք, իսկ արդեն 1999 թվականին քաղաքը կառավարում էր քաղաքապետը։

1999 թվականի ապրիլի 20-ին Դեպոկին միացվել են մի քանի շրջաններ Բոգորից, և քաղաքի մակերեսը դարձել է 200,29կմ²^[5]։ Ամսաթիվը նշվում է որպես Դեպոկի հիմնադրման օր։

Քաղաքը բաժանվում է 6 շրջանների՝ Բեջի (Beji), Չիմանգիս (Cimanggis), Լիմո (Limo), Պանչորան Մաս (Pancoran Mas), Սավանգան (Sawangan) և Սուկմաջայա (Sukmajaya)։

Դեպոկի քաղաքապետների ցանկ․

• Մոհամադ Ռուկասա Սուրադիմաջա (1982-1984)
• Իբիդ Տամջիդ (1984-1988)
• Աբդուլ Վահյան (1988-1991)
• Մոհամադ Մասդուկի (1991-1992)
• Սոֆյան Սաֆարի Խամիմ (1992-1996)
• Բադրուլ Կամալ (1997-2005)
• Նուռ Մահմուդի Իսմաիլ (2006-2016)
• Իդրիս Աբդուլ Շոմադ (2016-հիմա)

Դեպոկը հայտնի է որպես ուսանողների քաղաք։ Քաղաքում են գտնվում հետևյալ համալսարանները․

• Ինդոնեզիական համալսարան
• Գունադարմա համալսարան
• Politeknik Tugu
• Politeknik Negeri Jakarta

Դեպոկում կան մասնավոր լեզվաբանական դպրոցներ՝ EF English First, ILP և այլն։

Դեպոկում են գտնվում հետևյալ հիվանդանոցները և բուժհաստատությունները․

• RSIA Hermina
• RS Bunda
• RS Tugu Ibu
• RS Sentra Medika
• RS Puri Cinere
• Rumah Sakit Bhakti Yudha

Դեպոկում են գտնվում հետևյալ առևտրի կենտրոնները՝ Margo City^[6], Mall Depok, Depok Plaza, SixtyOne Building և Depok ITC.

Քաղաքի հիմնական տրանսպորտային միջոցը մեքենաներն են։ Որպես Ջակարտայի արբանյակ՝ Դեպոկը հայտնի է իր շատ խիտ երթևեկությունով։ Ջակարտայի և Դեպոկի միջև գտնվող ճանապարհներին հաճախ են լինում խցանումներ։

Առկա է ավտոբուսային գիծ, ինչպես նաև KRL Jabodetabek արագ տրանսպորտային միջոցի համակարգ։ Jabo(de)tabek բառը վերծանվում է որպես Jakarta, Bogor, Depok, Tangerang և Bekasi քաղաքների անվանումների առաջին տառերի միավորում։ Դեպի Ջակարտայի կենտրոնական մաս ուղևորությունների համար օգտագործվող գնացքները ամենաարագ և ամենաշատ օգտագործվող տրանսպորտն են, ուստի դրանք հիմնականում մարդաշատ են։

Դեպոկում է գտնվում հայտնի «Բենգկել» («Արհեստանոց») թատրոնը, որը հիմնել է բանաստեղծ, դրամատուրգ Ռենդրան։

Դեպոկում կան բազմաթիվ տեղական ռեստորաններ ազգային խոհանոցով, սակայն առկա են նաև միջազգային ցանցեր, ինչպիսիք ենMcDonalds-ը, A&W-ը, Kentucky Fried Chicken-ը, Starbucks-ը։

Դեպոկում է գտնվում Պերսիկադ ֆուտբոլային թիմը։

• Պաշտոնական կայք Արխիվացված 2002-09-26 Wayback Machine
• Դեպոկ, Ինդոնեզիա
• Դեպոկի պատմություն Արխիվացված 2016-10-31 Wayback Machine
• Ինդոնեզիական համալսարան