Lavinia Williams

al gade paj ki genyen lis atik menm non yo.

Lavinia Williams

Deskripsyon imaj sa a, kòmante pi ba a tou

Lavinia Williams (dènye atelye dans nan Nouyòk nan estidyo Steps Studio an 1983)


Nesans	2 jiyè 1916 Philadelphia
Lanmò	19 jiyè 1989]]
Nasyonalite	ameriken

Lavinia Williams, rele tou Lavinia Williams Yarborough, ki fèt 2 jiyè 1916 epi ki mouri 19 jiyè 1989 (Ayiti), se yon dansèz ak pwofesè dans afrikèn-amerikèn.

Li te fonde lekòl nasyonal dans nan plizyè peyi karayibeyen.

Biyografi

Grace Lavinia Poole Williams te fèt 2 jiyè 1916 nan Filadèlfi, dezyèm nan sis (6) pitit, nan yon fanmi ki orijin antiyèz.^[1] Li te grandi nan Portsmouth, Vijini ak Bwouklin. Li te etidye nan Washington Irving High School epi, nan Art Students League nan New York, kote li te rantre nan konpayi dans American Negro Ballet Company. Li kòmanse karyè li nan yon kantite konpayi dans ak pwodiksyon teyat.^[2]

Jan pi renmen li yo se te balè klasik, dans tradisyonèl, dans modèn, komedi mizikal ak sitou dans karayibeyèn li te metrize nan ane 1940 yo lè li travay avèk Katherine Dunham. Li te pase pi fò nan peryòd 1953 rive nan fen ane 1980 yo ap anseye dans epi fonde ak devlope lekòl nasyonal dans ann Ayiti, Giyàn ak Bahamas.

Li te pase pi fò nan dènyè ane yo nan lavi li ansèyman nan vil Nouyòk, men li te kite Etazini pou Ayiti nan mwa fevriye 1984.

New York Times rapòte ke li te mouri nan yon atak kè nan Pòtoprens^[3] 19 jiyè 1989 byenke plizyè lòt sous ak Beryl Campbell pale " kèk kalite anpwazònman manje kòm kòz lanmò li.^[4] Diana Dunbar, zanmi ak etidyan Lavinia, te òganize antèman li.

Lavi prive

Williams te marye avèk Léon Theremin nan mitan ane 1930 yo. An 1938, Theremin toudenkou tounen nan Inyon Sovyetik kote li te nan prizon epi answit voye li nan yon kan travay.^[4] Williams pa janm wè li ankò.

Lavinia te vizite Clara Rockmore an 1974 e li te eksprime lajwa lè li te aprann Theremin toujou vivan. Yon ti tan apre li ak Theremin kòmanse koresponn, Theremin menm pwopoze yo remarye.

Li marye ak Shannon Yarborough nan finisman ane 1940 yo epi yo gen de (2) pitit fi, Sharron ak Sara. Pi piti pitit fi a, Sara Yarborough-Smith, te swiv tras manman li kòm yon dansèz pwofesyonèl avèk "Alvin Ailey American Dance Theatre", "Dance Theatre of Harlem" ak "Robert Joffrey Ballet" pami lòt bagay.

Bibliyografi

Li te ekri yon bwochi 49 paj Haiti Dance Brönners Druckerei te enprime an 1959.
Li te ekri plizyè lòt ti bwochi sou dans, pa egzanp : Ballets d'Haïti: Bamboche creole or Dances of the Bahamas & Haiti, 1980, 12 paj.

Nòt ak referans

↑ (angle) en « Dance On with Billie Mahoney, Lavinia Williams | Alexander Street, a ProQuest Company ». search.alexanderstreet.com. Retrieved 18 jen 2021.
↑ (angle) en Dunning, Jennifer (10 out 1989). « Lavinia Williams, 73, a Dancer ». The New York Times. ISSN 0362-4331. Retrieved 3 novanm 2021.
↑ (angle) en « Lavinia Williams Service ». The New York Times. 8 novanm 1989. ISSN 0362-4331. Retrieved 3 novanm 2021.
↑ ^4,0 et ^4,1 ekri, dirije ak pwodui pa Steven M. Martin. Orion/MGM, 1994: 51mins Beryl pale yon entoksikasyon alimantè.

Lyen deyò

[1] (angle) en « Dance On with Billie Mahoney, Lavinia Williams | Alexander Street, a ProQuest Company ». search.alexanderstreet.com. Retrieved 18 jen 2021.

[2] (angle) en Dunning, Jennifer (10 out 1989). « Lavinia Williams, 73, a Dancer ». The New York Times. ISSN 0362-4331. Retrieved 3 novanm 2021.

[3] (angle) en « Lavinia Williams Service ». The New York Times. 8 novanm 1989. ISSN 0362-4331. Retrieved 3 novanm 2021.

[t-4] 4,0 et ^4,1 ekri, dirije ak pwodui pa Steven M. Martin. Orion/MGM, 1994: 51mins Beryl pale yon entoksikasyon alimantè.

[1]

[2]

[3]

[4]