Andy Hilaire Personna

Atik sa a se yon ebòch.

ou kapab pataje konesans ou pandan w ap amelyore l (Kijan ?).


Nesans	3 jen 1989 (35 ane) Lazil Nip
Nasyonalite	Ayisyèn
Peyi nesans	Ayiti

Andy Hilaire Personna (ki fèt 3 jen 1989) se yon ekriven ayisyen.

Biyografi

Andy Hilaire Personna te fèt 3 jen 1989 nan Lazil nan depatman Nip dizyèm depatman peyi Ayiti. Li leve avèk grann li Polène Laurore. Epi li fè etid klasik li nan vil kote li fèt la. Aprè klas filo, li te oblije al viv nan kapital, yon kote li pat janm swete rete lèl te piti. Rive nan yon lòt sosyete, kote Bonjou ak Bonswa pa gen menm kwonotasyon. Andy ekri yon tèks ki gen pou tit "Bonjou Bonswa" , yon rekèy powè'm kote li dekri sajès ti nèg ki leve nan vil pwovens yo.

Li etidye diplomasi ak relasyon entènasyonal nan yon inivèsite Pòtoprens. Move sekous lavi fèl kite Ayiti pou imigre nan Repiblik Dominikèn, kote li pral fè plizyè etid teknik kòm enfòmatik, Migrasyon intènasyonal, ak anpil lòt etid ankò. Lè li te Ayiti li te travay kòm pwofesè literati ayisyèn ak istwa Dayiti. Li rive nan Repiblik Dominikèn nan lane 2012, istwa aterisaj jenn entèlekyèl ayisyen sa a nan tè panyòl se yon istwa ki gen anpil brèch, li dekril nan yon nan liv li yo ki rele "Pati lwen lakay". Yon liv ke ekriven an prezante nan de volim, yon rekèy powèm pou dekri dousè ak tristès lèw se imigran sitou nan tè Dominikèn ak yon woman kote li esplike ki kote li soti poul rive kote li ye a.

Gen yon fraz powèt la toujou di "Toupandan media Ayisyen yo pa chanje sistèm kritik yo a an edikasyon pou ti mas pèp la, Ayiti ap toujou pèdi anpil kad nan sosyete a". Nan Repiblik Dominikèn, li gen yon estabilite paske li fòme yon fanmi, li ap travay, li kreye yon ti antrepriz epi li gen yon ti kwen pou li fè lèkti ak ekri sak vin nan lidel, li santil izole de zantray li, men li reziyenl jis poul ka planifye an silans rèv li pou sosyete natal li. Li poze anpil aksyon pozitiv nan Repiblik Dominikèn. Li fonde plizyè asosiyasyon imigran. Li travay nan anpil antrepriz enpòtan nan repiblik vwazin nan. Li se kofondatè plizyè tou operatè. Li travay kòm gid touristik, Responsab piblisite, Travayè Sosyal, Fasilitatè, pwomotè teknik nan plizyè antrepriz. Se yon poliglòt : li domine kat lang byen "Kreyòl, Anglè, Fransè ak Espanyòl". Li bay touch li nan lang italyen, ris ak tyèk.

Rèv li se wè Ayiti sou ray devlopman, epi kapab pataje sal viv yo avèk chak grenn Ayisyen.

Zèv li yo

Parcours, (lòt tit Peindre l'amour dans la nature)^[1]
Pati lwen lakay
Le cri de l' environnement
Le mystère de 15
Nous deux
Lejos de ti
Pour Haïti
La Douceur de la Melancolie^[2]
Mi método

Referans

↑ lirenligne.net, ed. (2017-05-27). « Detay liv Parcours ». Retrieved 2017-09-10.
↑ lirenligne.net, ed. (2017-06-23). « Detay liv La Douceur de la Melancolie ». Retrieved 2017-09-10.

Lyen deyò

Biyografi Andy Hilaire Personna sou lirenligne.net

[1] renligne.net, ed. (2017-05-27). « Detay liv Parcours ». Retrieved 2017-09-10.

[2] renligne.net, ed. (2017-06-23). « Detay liv La Douceur de la Melancolie ». Retrieved 2017-09-10.

[1]

[2]