Zielona Góra
| |||
| Wopon a chorhoj | |||
|---|---|---|---|
| |||
| Zakładne daty | |||
| stat |  Pólska
| ||
| wojewódstwo |  Lubuš
| ||
| powiat | bjezwokrjesne | ||
| wysokosć | 154 metrow n.m.hł. | ||
| přestrjeń | 278,32 km² | ||
| wobydlerstwo | 140.874 (30. jun 2019)[1] | ||
| hustosć zasydlenja | 506 wob. na km² | ||
| póstowe čisło | 65-001 do 65-980 | ||
| předwólba | (+48) 68 | ||
| awtowa značka | FZ | ||
| adresa | ul. Podgórna 22 65-424 Zielona Góra | ||
| webstrona | zielona-gora.pl | ||
Zielona Góra (serbsce tež Zelena Hora;[2] němsce Grünberg) je ze 140.000 wobydlerjemi najwjetše město a nimo Gorzowa jedna z dweju stolicow Lubušskeho wojewódstwa w zapadnej Pólskej. Jako bjezwokrjesne město njepřisłuša žanomu powiatej, je pak zarjadniske sydło Zielonogórskeho wokrjesa. Město je sydło uniwersity kaž tež romsko-katolskeho biskopstwa.
We wokolinje města nadeńdźe so z 200 hektarami najwjetše plahowanišćo wina w Pólskej, kotrež je zdobom najsewjerniše zwisowace na swěće.
Geografija
[wobdźěłać | žórłowy tekst wobdźěłać]Město nadeńdźe so něhdźe 60 kilometrow wuchodnje němskeje hranicy w historiskej Delnjej Šleskej. Susodne wulkoměsta su Choćebuz 90 kilometrow do juhozapada, Poznań 110 kilometrow do sewjerowuchoda a Wrócław 150 kilometrow do juhowuchoda.
Ze Zieloneje Góry wobsteja železniske zwiski z nimale wšěmi wulkimi městami w Pólskej kaž tež ze Zhorjelcom, Frankobrodom a Berlinom.
Stawizny
[wobdźěłać | žórłowy tekst wobdźěłać]
Wot srjedźowěka słušeše město, kotrež so w lěće 1302 prěni raz naspomni, k Hłohowskemu wójwodstwu. Za tutón čas měješe hižo měšćanske prawa. Po chronice bě so sydlišćo w 1220tych lětach załožiło a 1272 nasta sewjerozapadnje Zieloneje Góry hród.
W lěće 1740 přińdźe město jako dźěl Šleskeje k Pruskej. Wot 1816 bě hłowne město Grünbergskeho wokrjesa w pruskim knježerstwowym wobwodźe Lěhnica. Mjez swětowymaj wójnomaj bě z dźělom Delnjošleskeje prowincy. Kónc Druheje swětoweje wójny bu město w februarje 1945 wot sowjetskeho wójska wobsadźene a steješe wot měrca samsneho lěta jako Zielona Góra pod pólskim zarjadnistwom.
Mjez 1950 a 1998 bě Zielona Góra stolica Zielonogórskeho wojewódstwa, kotrež so potom přez zarjadnisku reformu rozpušći.
Partnerske města
[wobdźěłać | žórłowy tekst wobdźěłać]Měšćanske partnerstwa wobsteja mjez druhim z Choćebuzom, Žitawu, Iwano-Frankiwskom (Ukraina) a Wicebskom (Běłoruska).
Žórła
[wobdźěłać | žórłowy tekst wobdźěłać]- ↑ Population. Size and Structure by Territorial Division. As of June 30, 2019. Główny Urząd Statystyczny (GUS) (PDF), wotwołany dnja 24. decembra 2019.
- ↑ Jurij Kral: Serbsko-němski słownik hornjołužiskeje rěče. Maćica Serbska, Budyšin 1927.
Wotkazaj
[wobdźěłać | žórłowy tekst wobdźěłać]
Commons: Zielona Góra – Zběrka wobrazow, widejow a awdiodatajow- Oficielna webstrona města (wjacerěčna)
bjezwokrjesnej měsće: Gorzów Wielkopolski | Zielona Góra
powiaty: Gorzów | Krosno | Międzyrzecz | Nowa Sól | Słubice | Strzelce/Drezdenko | Sulęcin | Świebodzin | Wschowa | Zielona Góra | Żagań | Żary