Wodopad

Wodopad je městno abo wotrězk w běhu rěki abo rěčki, na kotrymž pada jeje woda přez topografiski próh wertikalnje deleka do hłubiny. Wodopady, kotrež wobsteja z wjacorych schodźenkow, mjenuja so tež kaskady.

Najwyši na zemi je Angelowy wodopad (Salto Ángel) we Venezueli, kiž pada wot tafloweje hory Auyan-Tepui 978 metrow do hłubiny. Dalše znate wodopady su na přikład Yosemite Falls w Zjednoćenych statach (739 m), Niagaraske wodopady (na wodu najbohatše w Sewjernej Americe), Victoriaske wodopady w južnej Africe abo Rynski wodopad při němsko-šwicarskej hranicy, najsylniši w Europje.

 Commons: Wodopady – Zběrka wobrazow, widejow a awdiodatajow