Kósojce

Tutón zapisk wopisuje gmejnski dźěl Wětošowa. Za Kósojce pola Brylanda hlej Kósojce (Bryland).

Kósojce
Koßwig

DEC
město:	Wětošow
zagmejnowanje:	2003
wobydlerstwo:	227 (31. decembra 2022)[1]
wysokosć:	64 metrow n.m.hł.
51.77551414.02926264 Koordinaty: 51° 46′ 32″ S, 14° 1′ 45″ W
póstowe čisło:	03226
předwólba:	035752
wotwodźene słowa:	wobydler/ka: Kósojcaŕ/-ka adjektiw: kósojski skłonowanje: , tam, Kósojce, , tam
wikidata: Kósojce (Q1785800)

Kósojce (němsce Koßwig, prjedy Kosswigk) su delnjołužiska wjes w braniborskim wokrjesu Hornje Błóta-Łužica a wot lěta 2003 gmejnski dźěl Wětošowa. Maja něhdźe 230 wobydlerjow a nadeńdu so štyri kilometry zapadnje Wětošowskeho stareho města při krajnej dróze L 54 do Kalawy. Přez wjes ćeče Chóričanska rěčka (Göritzer Fließ).

Susodne wjeski su Chórice na sewjeru, město Wětošow na wuchodźe, Herpna na juhowuchodźe, Rudna a Zasłomjeń na juhozapadźe kaž tež Kałkojce na zapadźe. Na sewjerozapadźe ležacy wutwar Dubrawa słuša do gmejnskeho dźěla Kósojce a bu kónc 1980tych lět zwjetša wotbagrowany.

Pućowc naspomni so prěni raz w lěće 1312. Po statistice Arnošta Muki mějachu Kósojce we 1880tych lětach cyłkownje 206 wobydlerjow, z nich 55 Serbow (27 %) a 151 Němcow.^[2] W Černikowej statistice z lěta 1956 so Kósojce hižo njejewja.

Hač do 26. oktobra 2003 běchu Kósojce samostatna gmejna.

1. ↑ staw: 31. decembra 2022; Ličby wobydlerstwa na vetschau.de
2. ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski

• Informacije na webstronach města Wětošowa (němsce)
• Kósojce w datowej bance delnjoserbskich městnych mjenow na dolnoserbski.de (delnjoserbsce)

Gmejnske dźěle Wětošowa

městnostne dźěle: Herpna (Repten) | Hogrozna (Ogrosen) | Chórice (Göritz) | Kósojce (Koßwig) | Łaz (Laasow) | Njabožkojce (Naundorf) | Pšyne (Missen) | Raduš (Raddusch) | Tšadow (Stradow) | Zušow (Suschow)
gmejnske dźěle: Běłośin (Belten) | Długi (Fleißdorf) | Gołyń (Gahlen) | Huštań (Wüstenhain) | Łoboźice (Lobendorf) | Tarnojsk (Tornitz) | Wusoka (Märkischheide)