Gaborone

Gaborone

DEC
Zakładne daty
stat	Botswana
wysokosć	983 metrow n.m.hł.
přestrjeń	196 km²
wobydlerstwo	231.592 (2011)[1]
hustosć zasydlenja	1.181,6 wob./km²
p • d • w

Gaborone (do 1969 Gaberones) je stolica a z něhdźe 230.000 wobydlerjemi zdobom najwjetše město a hospodarske srjedźišćo južnoafriskeho kraja Botswana.

Stolica leži we wysokosći wot 1000 metrow na juhowuchodźe kraja při rěce Notwane, jenož dźesać kilometrow wot hranicy Južneje Afriki a słuša do distrikta South East. Wothladajo wot 1287 metrow wysokich horin Kgale Hills je wokolina chětro płona. Na juhu nadeńdźe so rěčna zawěra Gaborone Dam při Notwane.

Město so w lěće 1890 wot hłowy kmjena Batklowa, Kgosi Gaborone, załoži. Britiska kolonialna administracija mjenowaše je Gaberones a přepołoži w lěće 1965 zarjadniske sydło kolonije Betšuana wot južnoafriskeho Mahikeng sem. Z tym zahaji so wutwar dotal jenož 1000 wobydlerjow ličaceho městačka. Lěto pozdźišo sta so Gaborone ze stolicu noweje njewotwisneje Botswany.

W lěće 1982 załoži so w měsće Uniwersita Botswany jako prěnja wysoka šula w kraju.

1. ↑ Ludličenje 2011 (jendź.)

 Commons: Gaborone – Zběrka wobrazow, widejow a awdiodatajow

• Webstrona turistiskeho ministerstwa Botswany wo měsće (jendź.)