Lipsk

Lipsk (němsce Leipzig, w sakskej narěči Leipzsch) je bjezwokrjesne město a ekonomiske srjedźišćo w sewjerozapadnej Sakskej. Z wjace hač 600.000 wobydlerjemi na 298 km² je wone před Drježdźanami na wobydlerjow najbohatše město zwjazkoweho kraja kaž tež wosme najwjetše město cyłeje Němskeje a twori zhromadnje ze susodnej Halu a dalšimi městami metropolowy region „Srjedźna Němska“. Přez Lipsk běžitej rěce Plesna a Běły Halštrow. Lipsk ma uniwersitu z něhdźe 30.000 studentow. Prěni raz naspomni so město w lěće 1015 jako "urbs Libzi".

Lipsk

němsce	Leipzig
DEC
Wopon
Zakładne daty
stat	Němska
zwjazkowy kraj	Sakska Sakska
wokrjes	bjezwokrjesne
wysokosć	113 metrow n.m.hł.
přestrjeń	297,80 km²
wobydlerstwo	619.879 (31. dec 2023)[1]
hustosć zasydlenja	2082 wob. na km²
póstowe čisła	04003–04357
předwólba	(+49) 0341
awtowa značka	L
Politika a zarjadnistwo
wyši měšćanosta	Burkhard Jung (SPD)
rozčłonkowanje	10 měšćanskich dźělow z 63 městnych dźělow
adresa	Neues Rathaus Martin-Luther-Ring 4-6 04109 Leipzig
webstrona	leipzig.de
Połoženje Lipska w Sakskej
wikidata: Lipsk (Q2079)

Lipšćanskej uniwersiće přisłuša jenički institut za sorabistiku na swěće. Nawuknje tam wjele serbskich a wuchodoeuropskich studentow wědomosć serbskeje rěče.

Jako centralne město srjedźneje Němskeje je Lipsk mjez druhim sydło Němskeje narodneje biblioteki, Zwjazkoweho zarjadniskeho sudnistwa a Srjedźoněmskeho rozhłosa (MDR).