Kione (grammeydys)

Ayns çhengoaylleeaght as grammeydys, ta kione çheet er argane olt ennagh. Dy tradishoonagh, t'ad gra dy vel y kione cowraghey ny ta'n raa loayrt mychione.

Dy cadjin, t'ad cur commee oltyn neuchaghlaaee ry-cheilley lesh king oltyn aistragh. Ayns çhengaghyn Ind-Oarpagh, as adsyn nyn jengaghyn ennymagh-cassidagh, ta'n jees gymmyrkey 'syn aght cheddin. Ayns çhengaghyn ergatagh-jeeragh, cha nel shen kiart; t'adsyn cur ry-cheilley cassyn as commee, cha nel king as commee. Myr shen, ta çhengoayllee eddyrscarrey y tree. T'ad jannoo ymmyd jeh aittin (A) son dy chowraghey king ayns oltscarrey çhengoaylleeagh. Ta shellagh (S) cowraghey commee, as ta onnane (O) cowraghey cassyn.

• 
  Reaghys arganeyn ayns çhengaghyn ergatagh-jeeragh
• 
  Reaghys arganeyn ayns çhengaghyn ennymagh-cassidagh

Sampleyryn^[1]:

• Hooar ad y corp marroo ec lieh-oor lurg nuy sy voghrey.
• Va’n stashoon-radio croghey er argid veih’n reiltys.
• Va’n fer shoh er cheau peint harrish yn Ard Vriw.
• Ghow Victoria yindys.

Dy tradishoonagh, foddee oo cur kione er ny sampleyryn heese myrgeddin:

• Y dooinney va maree, v’eh jeeaghyn garroo dy liooar.
• S'quaagh ny reddyn v'ayn.
• Haink Victoria dy ve ny h-inneen aalin as stoamey, lesh folt fynn as sooillyn gorrym.

Rere çhengoaylleeaght jeianagh, t'adsyn nyn gommee.

Brian Stowell (2005). Dunveryssyn yn Tooder-Folley (Gaelg).