ريش
ريش مۊیي هيسه گه آدم أ برخي دئه مجنده‌أن ٚ چکن، ناک، مچه أطراف بأني ديمکۊلؤن أ گردن ٚ سر رۊشد کۊنه. اينسؤن ٚ مئن مردؤنه‌أن مأمۊلاً بۊلۊغ أ بالغي سربند ٚ جي یا أني به طؤر ٚ ميانگين خۊ هيژده سالگي جي ريش نأ تۊنن.[۱]
بشريت ٚ تاريخ ٚ طی جوامع ٚ دپيرش مردؤنه‌أن ٚ ريش-ه عواملي فرهنگي سۊنن یا سربند ٚ دؤبؤ فشنؤن ٚ دئن ٚ همرأ دگردش دأشته.[۲] برخي أدیان ٚ مئن یته کامل ٚ ريش ضرۊري دؤنسن بۊنه یأ اۊن ٚ أحکام ٚ جي هيسه.[۲] رخي فرهنگؤن ٚ مئن أني با اينگه رسماً واجيب تلقي نؤبۊنه أمما نشؤنه‌اي مردؤنگي هيته أن خۊجير ٚ خصيصه‌أني مؤنه ره فضيلت، قشنگي، درایت، قۊدرت، باروري، جنسي تۊنش بأني اجتماعي پاگه جي نظرأیته نأ.[۲] برخي دئه فرهنگؤن ٚ مئن گه ريش‌نني داب نيه (یا دؤبؤ فشن ٚ جي خاريج هيسه) ريش تۊنه ضعيف ٚ بیداشت یا غیرمتعارف رفتار ٚ همرأ مربۊط فرض بؤبۊن. اۊ کيشورؤن ٚ مئن گه هوا سردتر هيسه ريش تۊنه سرد ٚ هوا جي دیم-ه مۊحافظت بؤنه. هيته أن تۊنه ديم-ه أفتؤو ٚ ورأور دأشتنا بؤبۊن.[۳]