Vilarmosteiro, O Páramo

Vilarmosteiro
	Igrexa de Santa Eufemia de Vilarmosteiro.
Concello	O Páramo
Provincia	Lugo
Coordenadas	42°51′00″N 7°29′53″O / 42.8499, -7.4981
Poboación	107 hab. (2020)
Entidades de poboación	14
	[ editar datos en Wikidata ]

Para outras páxinas con títulos homónimos véxase: Vilarmosteiro.

Santa Eufemia de Vilarmosteiro é unha das 18 parroquias do concello lugués do Páramo. Segundo o IGE en 2011 tiña 118 habitantes (66 mulleres e 52 homes), distribuídos en 12 entidades de poboación, o que supón unha diminución en relación ao ano 1999 cando tiña 134 habitantes.

Consta de 12 núcleos de poboación: Vilarmosteiro, Mundín, Lamacemón, Seoane, O Castro, A Ciguñeira, O Castro de Neira, Lamabecerros, A Cal, Vigodefondo, O Campo da Feira e San Xuliao.

Xeografía

Na parroquia de Vilarmosteiro encóntrase o Campo da Feira do Páramo. O Campo da Feira consta dunha carballeira de máis de 7 hectáreas. Ó redor do Campo da Feira o concello do Páramo foi construíndo distintos edificios públicos que pasaron a constituír un novo núcleo, O Páramo^[2]: o pavillón polideportivo, o centro médico, o colexio público, a casa do médico, e finalmente no ano 2006 o concello mudou a capital para este lugar e o novo edificio multiúsos transformouse en casa do concello.

No ano 1976 comezaron a organizarse as Feiras e Festas de Primavera, co ánimo de recuperar a vitalidade na carballeira ante a ameaza da especulación urbanística. Estas feiras están organizadas pola Asociación de Amigos do Campo da Feira, creada por Jesús Méndez.

Historia

A primeira referencia histórica que se coñece de Vilarmosteiro é do ano 1229, cando Vivian Froyaz se bateu en preito coa Encomenda de Portomarín polo padroado da Igrexa de Vilarmosteiro. Este documento é o primeiro documento escrito en galego máis antigo da provincia de Lugo. Curiosamente o segundo documento máis antigo en galego da provincia inclúe tamén o topónimo Vilarmosteiro.

Durante a Segunda República recoñecidos políticos do momento deron mítins políticos no Campo da Feira. O máis sonado foi o de Ramón Otero Pedrayo que se subiu a un estrado sobre varias cubas de viño diante da Casa do Zapateiro.

No ano 2000 os veciños de Vilarmosteiro crearon a Asociación Lares Unidos, coa pretensión de organizar as festas do San Vitorio, crear unha sede social propia, e a realización das actuacións necesarias para a construción dun novo camposanto parroquial.

Festas

A parroquia organiza en torno ó día 27 de agosto a festa do San Vitorio, instaurada a finais do século XIX polo párroco Juan Benito Quiroga. O día 16 de setembro celébrase unha misa pola Santa Eufemia, patroa desde antes do ano 1229.

Galería de imaxes

Monólito no Campo da feira do Páramo.
Pendello no Campo da feira do Páramo.

Lugares e parroquias

Lugares de Vilarmosteiro

Lugares da parroquia de Vilarmosteiro no concello do Páramo (Lugo)
O Agro \| A Cal \| O Campo da Feira \| O Castro de Neira \| A Ciguñeira \| O Couso \| Lamabecerros \| Lamacemón \| Mundín \| A Ponte de Neira \| San Xulián \| Seoane \| Vigo de Fondo \| Vilarmosteiro

Parroquias do Páramo

Galicia | Provincia de Lugo | Parroquias do Páramo

Notas

Véxase tamén

Outros artigos

Lugares do Páramo

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[2] "DECRETO 229/2006, do 30 de novembro, polo que se aproba o cambio de capitalidade do Concello do Páramo".

[1]

[2]

Vilarmosteiro
Igrexa de Santa Eufemia de Vilarmosteiro.
Concello	O Páramo^[1]
Provincia	Lugo
Coordenadas	42°51′00″N 7°29′53″O / 42.8499, -7.4981
Poboación	107 hab. (2020)
Entidades de poboación	14^[1]
[ editar datos en Wikidata ]