Porto, As Maus, Vilar de Barrio

Porto
	;
Parroquia	As Maus
Concello	Vilar de Barrio
Coordenadas	42°10′35″N 7°35′35″O / 42.176294444444, -7.5931194444444
Poboación	96 hab. (2023)
	[ editar datos en Wikidata ]

Para outras páxinas con títulos homónimos véxase: Porto.

Porto é un lugar da parroquia das Maus, no concello ourensán de Vilar de Barrio, na comarca da Limia.^[1] Segundo o IGE,^[2] en 2023 tiña 96 habitantes (46 homes e 50 mulleres).

Está situado preto da Serra de San Mamede, na cal nace o río Arnoia, que separa Porto e Alemparte.

Clima

Porto posúe un clima suave pasando a frío. Podería cualificarse coma clima de montaña durante o inverno e coma clima de interior ou mediterráneo suave durante o verán. A serra que rodea a aldea pode estar nevada nos meses de inverno, o cal sumado a estaren preto do río pode facer que a sensación térmica sexa máis intensa ca o marcado nos termómetros. No verán, en cambio, é habitual chegar a temperaturas moi elevadas.

Patrimonio

Na aldea hai unha pequena capela de finais do século XVIII. Pódense ver diversos hórreos e muíños por toda a zona; aínda que a meirande parte están en desuso. Ademais no monte do Castro de Porto encóntranse uns restos que mesmo poderían ser dun poboado castrexo, o cal está sen confirmar. Tamén existen vestixios castrexos na Cruz de San Martiño, onde atopamos un xeito moi estendido de cristianizar poñendo un símbolo novo nunha zona de restos anteriores.

Historia

Segundo o catastro de Ensenada, de 1753, o couto de Alemparte formaba parte da xurisdición do conde de Maceda, mentres que os lugares de Porto e Parada da do Conde de Monterrei.

Festividades

Porto e Alemparte celebran a festa na honra de santo Antón a mediados do mes de xaneiro.

Lugares e parroquias

Lugares das Maus

Lugares da parroquia das Maus no concello de Vilar de Barrio (Ourense)
Alemparte \| Barrán \| As Maus \| Parada \| Porto \| San Pedro

Parroquias de Vilar de Barrio

Galicia \| Provincia de Ourense \| Parroquias de Vilar de Barrio
A Alberguería (Santa María) \| Arnuíde (Santa María) \| Bóveda (Santa María) \| As Maus (San Pedro) \| Padreda (San Miguel) \| Prado (Santa Cruz) \| Rebordechau (Santa María) \| Seiró (San Salvador) \| Vilar de Barrio (San Pedro Fiz)

Notas

↑ Nomenclátor de Galicia. Busca directa (ed.). "Lugares da parroquia das Maus, Vilar de Barrio". Consultado o 18 de maio de 2023.
↑ "Instituto Galego de Estatística, consulta do nomenclátor". Xunta de Galicia.

Véxase tamén

Outros artigos

Lugares de Vilar de Barrio

[1] Nomenclátor de Galicia. Busca directa (ed.). "Lugares da parroquia das Maus, Vilar de Barrio". Consultado o 18 de maio de 2023.

[2] "Instituto Galego de Estatística, consulta do nomenclátor". Xunta de Galicia.

[1]

[2]