Gammaproteobacterias
| Gammaproteobacteria | |||||||
|---|---|---|---|---|---|---|---|
 Vibrio cholerae | |||||||
| Clasificación científica | |||||||
| |||||||
| Ordes | |||||||
As gammaproteobacterias ou Gammaproteobacteria (ás veces escrito gamma-proteobacterias ou proteobacterias gamma) son un grupo de bacterias gramnegativas considerado unha clase dentro do filo Proteobacteria. Comprende bacterias importantes desde o punto de vista médico, ecolóxico e científico, como as Enterobacteriaceae (Escherichia coli), Vibrionaceae e Pseudomonadaceae. Un gran número de patóxenos importantes pertencen a esta clase, como por exemplo, Salmonella (enterites e febres tifoides), Yersinia (peste bubónica), Vibrio (cólera), Pseudomonas aeruginosa (infeccións pulmonares hospitalarias ou que afectan a pacientes de fibrose quística), e Klebsiella pneumoniae responsable de causar pneumonías. Tamén comprende un xénero que leva o nome de Galicia, Gallaecimonas.
Membros do xénero Chromatium son fotosintéticos e utilizan o sulfuro de hidróxeno en troques da auga na súa fotosíntese, expulsando xofre. Algunhas Gammaproteobacteria oxidan metano, e moitas delas viven en simbiose con animais que habitan chemineas oceánicas xeotérmicas.[1]
Filoxenia
editar- Véxase tamén: Taxonomía bacteriana.
As gammaproteobacterias son parafiléticas das betaproteobacterias por culpa de que inclúen o xénero Acidithiobacillus (ver Proteobacteria).
Móstrase a filoxenia das Gammaproteobacteria segundo a Filoxenia de gammaproteobacterias de K.P. Williams et al.[2] Non todas as ordes son monofiléticas (as ordes terminan en -ales). Para as Pseudomonadales, Oceanospirillales e Alteromonadales móstranse as familias (terminación -aceae) e xéneros. Noutras ordes só se indica un xénero.
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Notas
editar- ↑ R. Holt, Jack. "INTRODUCTION TO THE GAMMAPROTEOBACTERIA". Arquivado dende o orixinal o 21 de agosto de 2008. Consultado o 29 de xuño de 2012.
- ↑ Williams KP, Gillespie JJ, Sobral BW, Nordberg EK, Snyder EE, Shallom JM, Dickerman AW. Phylogeny of gammaproteobacteria. J Bacteriol. 2010 May;192(9):2305-14. Epub 2010 Mar 5. PMID 20207755
Véxase tamén
editarOutros artigos
editar- Gallaecimonas, a bacteria "galega"
- Thiomargarita namibiensis, a bacteria xigante
Ligazóns externas
editar- MeshName - Gammaproteobacteria [1]
- Sayers; et al. "Gammaproteobacteria". National Center for Biotechnology Information (NCBI). Consultado o 29 xuño 2012.
- J.P. Euzéby. "Gammaproteobacteria". List of Prokaryotic names with Standing in Nomenclature (LPSN). Arquivado dende o orixinal o 27 de xaneiro de 2013. Consultado o 29 xuño 2012.
- 'The All-Species Living Tree' Project."16S rRNA-based LTP release 106 (full tree)" (PDF). Silva Comprehensive Ribosomal RNA Database. Arquivado dende o orixinal (PDF) o 07 de maio de 2012. Consultado o 29 xuño 2012.