Donas, Gondomar
Santa Baia de Donas é unha parroquia que se localiza no concello de Gondomar na comarca de Vigo. Segundo o padrón municipal de 2004 tiña 1.318 habitantes (666 mulleres e 652 homes), distribuídos en 19 entidades de poboación, o que supón un aumento en relación ao ano 1999 cando tiña 1.181 habitantes. Segundo o IGE, no 2014 a súa poboación ascendera ata os 1.469 habitantes, sendo 741 homes e 728 mulleres.
| Donas | |
|---|---|
 Igrexa de Santa Baia de Donas. | |
| Concello | Gondomar[1] |
| Provincia | Pontevedra |
| Coordenadas | 42°05′52″N 8°47′18″O / 42.097675, -8.7883222222222 |
| Poboación | 1.469 hab. (2014) |
| Entidades de poboación | 19[1] |
| [ editar datos en Wikidata ] | |
Patrimonio
editarChan do Cereixo
- Artigo principal: Chan do Cereixo.
Chan do Cereixo é un xacemento arqueolóxico do Plistoceno Medio situado nunha paraxe natural do mesmo nome localizada na extrema suroeste do concello de Gondomar.[2][3] Forma parte do conxunto de achados paleolíticos pertencentes á primeiras poboacións de homínidos en territorios da actual Galicia, cunha antigüidade estimada entre os 300 e 250 mil anos.[4] Ocupa aproximadamente 130 Ha situado a 340 msnm no lugar coñecido como Alto dos Valados, parroquia de Donas. Localizado estratexicamente entre as concas do Río Miño e do Río Miñor foi ocupado temporalmente e en diversas ocasións por diferentes comunidades de humanos ao longo de centos de miles de anos. Nas diversas campañas arqueolóxicas atopáronse ferramentas paleolíticas, un posible poboamento neolítico, unha pequena estación de arte rupestre, restos do período Calcolítico e da Idade do Bronce, así como vestixios da época de romanización.
Nesta parroquia estaba o mosteiro de Santa Baia das Donas, convento feminino da orde de San Bieito, construído con autorización de Afonso VII grazas á doazón das terras feita en 1149 por Áurea Bellida.
División eclesiástica
editarEclesiasticamente, pertence ao arciprestado de Miñor.[5] O lugar de San Cibrán constitúe un anexo desta parroquia.[5]
Galería de imaxes
editar-
Capiteis na portada occidental da igrexa de Donas.
-
Portada sur tapiada da igrexa de Donas.
-
Capela de San Cibrán.
-
Cruceiro de San Cibrán.
Lugares e parroquias
editarLugares de Donas
editar| Lugares da parroquia de Donas no concello de Gondomar (Pontevedra) | |
|---|---|
|
Abrollido | O Alcóucer | A Areosa | A Barcalla | A Barga | As Barreiras | O Cruceiro | A Estrada | O Estripeiro | O Meixón | A Miranda | O Mosteiro | A Nogueira | O Pereiro | San Cibrán | Sermán | O Sobreiro | O Souto | O Telleiro |
Parroquias de Gondomar
editarNotas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ Villar Quintero, Rosa; et al. (2009). Chan do Cereixo (Donas, Gondomar): una actualización del paleolítico inferior en Galicia. A Coruña: Fundación Pedro Barrié de la Maza. p. 132. ISBN 978-84-95892-76-8. OCLC 456668101.
- ↑ Soliño Troncoso, Manuel; et al. (1995). Gondomar : historia, arte y territorio. Vigo: Ir Indo. p. 71. ISBN 84-7680-225-0. OCLC 38830478.
- ↑ Santonja Gómez, Manuel; et al. (2019). XV Reunión nacional del Cuaternario. Límites cronológicos de la presencia humana durante el Pleistoceno Medio en la cuenca baja del Río Miño (Pontevedra, España). Universidad del País Vasco/Euskal Herriko Unibertsitatea. p. 53. ISBN 978-84-17713-16-4.
- ↑ 5,0 5,1 "MIÑOR archivos". DIOCESE TUI-VIGO (en castelán). Consultado o 2023-09-13.
Véxase tamén
editarOutros artigos
editarLigazóns externas
editar- Donas na páxina da Diocese de Tui-Vigo.