Cucurbitáceas

Son caracteristicamente herbas rastreiras ou rubideiras grazas aos seus gabiáns nos talos (caulinares); amosan follas alternas, en xeral simples, máis ou menos lobadas, carnosas, escabras; posúen cistolitos. As flores son unisexuais, as masculinas con vestixio de xineceo, xeralmente monoicas (Bryonia craetica excepcionalmente é dioica), regulares, gamopétalas, pentámeras, con periantio duplo e estames atípicos: filamento sigmoide rematado por unha antera cunha única teca, estames ceibos ou soldados en 3 grupos: (2)+(2)+1. Nas formas primitivas amósanse pétalos ceibos, e o ovario ínfero; algunhas presentan inflorescencias en cima. Os froitos son moi variábeis; case sempre son bagas (Bryonia) ou bagas modificadas (pepónides), mais ás veces se presentan como cápsulas (Momordica), ás veces no cogombro do demo (Ecballium elaterium). A maioría das plantas desta familia son anuais, ou sexa, morren despois de se reproduciren.

• Na clasificación taxonómica de Jussieu (1789), Cucurbitaceae é o nome dunha orde botánica da clase Dicotyledones, Diclinae (flores unisexuadas), Apetalae (non teñen corola), cos estames separados; isto é, nunha flor diferente dos pistilos. A orde no Sistema de Jussieu presenta 16 xéneros.

• L. Watson e M. J. Dallwitz, The families of flowering plants - Cucurbitaceae Arquivado 03 de xaneiro de 2007 en Wayback Machine. (en inglés)
• Ordem Cucurbitaceae en Jussieu, Antoine Laurent de (1789). "Genera Plantarum, secundum ordines naturales disposita juxta methodum in Horto Regio Parisiensi exaratam"

• J.H. Kirkbride, Jr. and M.J. Dallwitz (2000 onwards). Cucumis and Cucumella (Cucurbitaceae): Cucumbers and Melons.

• Anat Avital and Harry S. Paris, 2014, 'Cucurbits depicted in Byzantine mosaics from Israel, 350–600 CE', Annals of Botany 114: pp. 203-22.Arquivado 22 de decembro de 2015 en Wayback Machine. (en inglés)